JOHAN 15:8 - DAÜLANGPÜ LAIHING (BSI)

⁸ Ammi betjük longi jükpai ngelei nanglomthü khih shei huhen; hapai Opa müknyinshekhanghühen.

JOHAN 15:8 Referans Kwoze

JOHAN 8:31

Hahepak kü Jisui Jehoda am büpa kü hinglempüthü kü, “Ammi ngelei shah bangjema, am hingshangpü ngelei nanglomthü;

MATHI 5:16

Hapa keiha am kü nyupü vangngai mih kü nyahütuh; shejüang jomi ammei doumei eeyei vangsholei nyupü ammei Pa kü müknyinshekhang shuohhen.

PHILIPPI 1:11

hatü Kahvang müknyinshekhang hatü menvih shingvaishi Jisu Khrista homei peipü daülangshemshepü betjük maei nyuhen shingvaishi nyüke.

JOHAN 15:5

Ngeiyü pünyü büm, amphongü kaothü. Üpai ngei kü nyuhen, ngei büpa kü nyuhen, hatü büpai betjük longi jükhen; mehenangkü ngei mü yanei ammi meheyao nedükaokhen.

1 PETER 4:11

Üpai chongvennya, Kahvang shah kü epükei chongventuh. Üpai chongphonya, Kahvangi shuohpü wongi chongphotuh; shejüang doulem peü kü Jisu Khrista homei Kahvang müknyinshekhanghen. Büpa kü müknyinshekhang hatü ngan den den kü lompü vaihütuh. Amen.

JOHAN 13:35

Am hüki hük mü bamteijema, hapai amphongü ngelei nanglomthü khih shei peüi nyinghen” shei e.

ISAIAH 60:21

Ammei nanglakthü peü daülangi leihen, hatü jomi denshing kahdok yahhen. Ngelei müknyinshekhang huhen shingvaishi amü ngei sheipü sheili; ngelei lakdou.

1 KORINT 10:31

Hanangkü hahjao yingjao nevaijü nüngi mehe mehe dükhenshang, lemphüli Kahvang müknyinshekhang shingvaishi düktuh.

ISAIAH 61:3

Mongtok mongshang kü Zionlei nyupüthü kü depla nangjei nethe meipü ong athen, mahng theppü nangjei mongongpü mainga, mongmahdaipü laangha nangjei dupü-oupü owhiai shuohhen shompeih. Jomphong keyü Shembüpai laophülei müknyinshekhang huhen shingvaishi büpai sheipü daülangshemshepü longkhampüthü shei nyükhen.

1 KORINT 6:20

Mehenangkü amphongü bhei shuohtü shakpeih; hanangkü ammei büm kü Kahvang müknyinshekhanghütuh.

LUK SHAHSHA APPÜ 6:35

Shejao ammei vepathü kü bamtuh, mei dükeishuoh, nyokei danghen shei mongnelemi lueishuoh. Ammei laklei longshi nyuhen, hatü amphongü Chaipübalei hapeüthü vaihen; mehenangkü büpayü menvih neshuohpü hatü nemeipüthü kü bamnyeih.

HAGGAI 1:8

Kahshangthülei aongtuh, hatü taukta leiyei shem vetuh; shejüang ngei ha kü mongmeihen, hatü ngei kü müknyinshekhang shuohhen shei Shembüpai enyüke.

1 PETER 2:12

Kung am touei ammi dhüm kohshi düktuh; jomi am kü ten dükpü am shei ejao büpa shahphenhen yiüshingkü jomi ammei dhüm kohbenüng doumei eeyei Kahvang müknyinshekhanghen.

TITUS 2:10

hatü jomei douhinang kü neyomyaihen, shejao hingshangi nyupü kü den ngoipü hatü changpüshapü huhen, shejüang lemphü kü Kahvang jen Yemleipübalei nyuhpüvenpü kü doumong leiaokhen.

TITUS 2:5

ungei-aeihen, daüeilangei nyuhen, shemong meishi shümaokhen, bampü, laophülei baha phangkü shüaokpü am leihen, shejüang Kahvangei shah dhüm neshiüi neleihen.

MATHI 5:44

Shejao ngei am kü enyeih, ammei vepa kü bamtuh hatü am kü shüveipüthü shing phopeishuoh;

MATHI 9:8

Mechem khongi ha eepa, jomphong nyempai ma, hatü hangku kü hapa keipü wong shuohpü Kahvang kü müknyinshekhang.