JOHAN 14:27 - DAÜLANGPÜ LAIHING (BSI)

²⁷ Ngei am mü chingmei tuhphünyeih; ngelei chingmei ngei am kü shuohnyeih. Kahdoknyüi shuohpükei ngei am kü neshuohnyih. Ammei mong teshanghü nevaijü tenyemhü.

JOHAN 14:27 Referans Kwoze

PHILIPPI 4:7

hatü nyingpühingpü peü kü nyeipü Kahvang chingmeilemlingi Khrista Jisu kü ammei mong hatü sholi yomhen.

JOHAN 16:33

Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

2 THESALONIKA 3:16

Shaang chingmeivangmei Shembüpa büpai-üng hepak peü kü hatü lem peü kü am kü chingmei nyemyahpha. Shembüpa am peü mü nyute.

KOLOSI 3:15

Khristalei chingmei-i ammei mongkü vanglem lemhütuh; ha shingvaishi büm hük kü phaihan hük leiyei chingmei nyuhen am nyükpeih. Ha kü am men vihtuh.

2 TIMOTI 1:7

Mehenangkü Kahvangi jen kü nyemhen veühen laangha nevai, shejao ngan, bampü hatü ungeiaeipü laangha shuohpeih.

ROM SHAHSHA APPÜ 15:13

Ammi büpa kü hinglempai monglempü Kahvangi am kü mongong hatü chingmei-i am mahühen, shejüang Laangha Daülangpü ngani am kü monglempü aüh-ei yenhühen.

BHEI-IE 6:26

Shembüpalei dhe am philei meetuh, hatü am mü chingmei nyutuh.

ROM SHAHSHA APPÜ 8:6

Phai kü mong shuohpeyü dipü, shejao Laangha kü mong shuohpeyü yangnyu hatü chingmei.

JEREMIAH 1:8

Nüngi hathü kü tenyem; mehenangkü ngei nüng mü nyüpeih, hatü nüng yanghen” shei eteke.

GALATIA 1:3

Kahvang, jenei Pa hatü Shembüpa Jisu Khrista leipü phahji hatü chingmei am mü nyute.

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

MENVIH KESHO 29:11

Shembüpai laophülei nanglak kü wong shuohnyeih; Shembüpai laophülei nanglak kü chingmeivangmei moihimannyeih.

ROM SHAHSHA APPÜ 5:1

Hanangkü hinglempai jen dahshakhüpü nangkü jenei Shembüpa Jisu Khrista homei Kahvang mü jen chingmei nyüpeih.

JOHAN 14:1

Amphong mongteshang. Kahvang kü hinglemtuh, hatü ngei kao hinglemtuh.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

MENVIH KESHO 112:7

Shahjang ten kü büpa nyemei neshiü; büpalei mongdang wong kohshi, Shembüpa kü hinglemei nyunyeih.

ROM SHAHSHA APPÜ 5:10

Mehenangkü jen Kahvangei vepa vaishi dangkao büpalei Ha dipü homei jen büpa mü mongjem pongpü vaijema, meshük nyeishi mongjem pheikü büpalei yangnyu homei jen yanghen!

JOHAN 20:21

Jisui shao jomphong kü, “Amphong mü chingmei nyutuh. Opa-i ngei shompükei ngeiyao amphong shomnyeih” shei e.

MENVIH KESHO 56:11

ha Kahvang kü ngei hinglemnyeih; ngei makao nenyemnyih. Hangkui ngei kü mehe dükphaaokhen?

MENVIH KESHO 91:5

Nüngi nyak kü nenyemhen, nevaijü nyihnüng lahhan kü nenyemhen,

KOLOSI 1:20

hatü büpa homei monha Kahvangi dou peü kahdoknyülei vaituh, nevaijü vangsholei vaituh büpa touei mongjemhühen, hatü büpalei shophang iy homei chingmei linghen mong hahpeih.

ROM SHAHSHA APPÜ 1:7

Kahvangi bampü hatü daülangpüthü vaihen nyüklangpü Romei nyupüthü peü touei: Jenei Pa Kahvang hatü Shembüpa Jisu Khrista leipü phahji hatü chingmei am mü nyute.

ISAIAH 54:13

Ammei hapeüthü peü kü Shembüpai nyuhhen, hatü chingmeivangmei longpü ammei hapeüthü mü nyuhen.

MENVIH KESHO 85:10

Bampü hatü hinglempü nyi pongteihen, daülangshemshepü hatü chingmei nyi ju kü jüpteihen.

1 KORINT 1:3

Jenei Pa Kahvang hatü Shembüpa Jisu Khrista leipü phahji hatü chingmei nyute.

MENVIH KESHO 56:3

Mechem ngei nyemhenshang, ngei nüng kü hinglemnyeih, Oh Jeiyong Shembüpa.

JOHAN 20:19

Hat kü shongpü nyih om kü mechem nanglomthüi Jehoda am kü nyemei sha küptü thaiyei nyupa, Jisu peiyei jomphong khong touei yaongtü, “Amphong mü chingmei nyutuh” shei e.

2 THESALONIKA 1:2

Pa Kahvang hatü Shembüpa Jisu Khrista leipü phahji hatü chingmei nyute.

PHONGSHANTHÜ DOU 10:36

Büpai Israel nanglakthü touei Jisu Khrista homei chingmei chongvenei shompü shahjangmei ammi nyingei nyüke– büpayü peüei Shembüpa.

LUK SHAHSHA APPÜ 2:14

“Shaopüba vangsho leipü Kahvang müknyinshekhangtuh, hatü kahdoknyü kü büpalei phahji nyupü shennyakthü touei chingmei nyutuh.”

LUK SHAHSHA APPÜ 1:79

shangmang hatü dipü vangdhüm kü nyupüthü kü vangngai shuohhen, hamei la chingmei lem kü mühen.

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

PHONGSHANTHÜ DOU 18:9

Ya hük manghkhang hük kü Shembüpai Paul kü, “Tenyem, shejao etuh, nenmü tenyu;

MATHI 10:26

Hanangkü jom kü tenyem; mehenangkü shakei nevamhen meheyao küpei neshiü, hatü nenyinghen doujo mepayao nechongkahen.

ISAIAH 55:12

Mehenangkü am mongong kü vamei daihen, hatü chingmeivangmei kü müei leihen, kahshang hatü shangchingthü am touei mongongpai kesho lokhen, hatü jahpan kübü pühivungi lak aphen.

MENVIH KESHO 27:1

Shembüpayü ngelei vangngai, hatü ngei yemleipü; ngei üpa kü nyemhen? Shembüpayü ngelei yangnyu loishing; ngei üam kü nyemnüng?

SHAKEI VAMPÜ 2:10

Am mepa shangponghen nyu, ha kü tenyem. Am kü dokhen shingvaishi kahshih-i am hanei yah-ei khoklatei shükhen mü nyüke lituh, hatü nyih an shing am shangponghen. Dipü thahshi hinglemtuh, hatü ngei am kü yangnyu athen shuohhen.

SHAKEI VAMPÜ 1:4

Johani Asia kü nyupü Attoithü nyet touei: Üpa nyüpa, üpa nyutepa, hatü üpa peikahen nyu, hatü büpalei ong uoshing toueipü laangha nyet,

HEBREW 7:2

hatü Abrahami büpa kü lemphü kübü ankhong shuoh. Shongpü kü büpalei menü, “daülangshemshepü ongpa,” nyipabü kü büpayü Salem amei ongpa, ha lappai, “chingmei ongpa” nyuteke.

JOHAN 20:26

Hapta hük pheikü shao büpalei nanglomthü hapa shemei nyu, hatü Thomas-ü jomphong mü nyu. Sha küptü nyujao Jisu peiyei jomphong touei yaongtü, “Amphong mü chingmei nyutuh” shei e.

EZEKIEL 2:6

hatü nüng, Oh shennyak ha, nüngi jom kü tenyem, hatü jomei shah kü tehan. Hühchi hangchi kü hatü yiüjikaungkangthü mü nyulangmao, nüngi jomi epü shahthü kü tenyem hatü jomi nyem shaopü kü tehan; mehenangkü jomphongü khüei yaongpü jatli.

MENVIH KESHO 28:3

Ten dükpü nemeipü shennyakthü mü ngei shüei tedeitük; hathüi mongei ühing lüptü jui mon chingyowthü kü shahmei enyüke.

DANIEL 4:1

Nebukadnezzar ongpai kahdoknyü kü nyupü nanglakthü, jatthü hatü shahlem laolao epüthü peü touei hapa selam shahjang shomnyeih; am longi angeideiyei nyutuh!

KANDOK 3:25

Ngangahük kü nüng lomohhen khih shei tenyem, nevaijü nemeipüthü kü sheüpü vanglükten kü tehan;

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

GALATIA 6:16

Üami hapa shahkung kü mühen, hathü mü chingmei, phahji nyute hatü Kahvangei nanglakthü mü nyute.

LUK SHAHSHA APPÜ 10:5

Mepa shemei am shühen, shongei, ‘Hapa shem kü chingmei nyutuh!’ shei etuh,

ZEKHARIAH 6:13

Shembüpalei phopshem lingei leihenü büpa chongkahen, hatü büpa leipü vihpülüpü danghen, hatü büpa ong uoshing kü uotü vanglem lemkahen. Büpalei ong uoshing mü khangei ngongpa hük uohen, hatü jiji aa kü chingmeivangmei kü chemi dou dükhen,

ISAIAH 57:19

Yoshi hatü tailuei nyupüthü kü chingmeivangmei shuohhen, hatü ngei jom meihühen shei Shembüpai enyüke.

MENVIH KESHO 72:7

Büpalei den kü daülangshemshepü daei daihen, hatü lennyü vangngai mangmet thahshi chingmeivangmei bhashahshi nyuhen.

KOLOSI 1:2

Kolosi kü nyupü Khrista kü daülangpü hatü hinglempü jeihinaü hatü nyahinaüthü touei, Jenei Pa Kahvang leipü phahji hatü chingmei nyute.

LUK SHAHSHA APPÜ 12:4

“Ngei am kü enyeih, ngelei mongjempathü, üami büm jütü ha mü lenei meheyao nedükaok, hathü kü tenyem.

ISAIAH 41:14

Tenyem, Oh laonghayakha Jakob, Oh maanpü Israel! Ngei am kü sheühhen shei Shembüpa, ammei Yemleipüba, Daülangpü Israel Kahvangi enyüke.

DANIEL 6:25

Hahepak kü Darius ongpai kahdoknyü kübü jatphüliphü kü shahlem laolao epü peü touei hapakei nyangteke: “Amphong mü moihiman nyutuh, selam!

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

MENVIH KESHO 11:1

Shembüpa kü mon ngei loihen; mekei nüngi ngei kü, “Kahshangthülei ou kei piyei daituh,

JOB SHAHSHA APPÜ 34:29

Büpa nenmü nyudaijoong üpai büpa nyonghüaokhen? Büpalei dhe jodaijoong üpai büpa eeaokhen? Jat hük vaijao, lomja vaijao aihük mon.

YOUNG LAI 3:17

Ngei chingmeivangmei ne-eehü; mongongmongle mehe shangkü ngei betük.

MENVIH KESHO 72:2

Büpai nüngei nanglakthükü daülangshemshepai, hatü taopathü kü shahhingi shahphenhütuh.

2 SHÜPPÜKENGPÜ 20:30

hatü Jehoshaphatei ongching chingmeivangmei kü nyu; mehenangkü Kahvangi büpa kü lem peü philei nyiumei shuohteke.