JOHAN 14:26 - DAÜLANGPÜ LAIHING (BSI)

²⁶ Shejao Sheühbü, Laangha Daülangpü, üpa ngelei men kü Opa-i shomhen, büpai am kü lemphü nyuhphahen, hatü ngei am kü epü peü deih-ei lehühen.

JOHAN 14:26 Referans Kwoze

JOHAN 15:26

Ngei am kü Opa leipü shompü Sheühbü mechem peikahen, Opa leipü peipü shahhing Laanghai ngei nangkü denpü shuohhen.

JOHAN 14:16

Ngei Opa kü yühen, hatü büpai am kü lebü Sheühbü hük den kü am mü nyuhen yahphahen.

1 JOHAN 2:27

Am nang keyü ammi büpa leipü thiteiphupü dangpü ha am kü nyüke, hanangkü am kü nyuhhen üpayao nadang neshiü. Shejao büpai thiteiphupai dou peü am kü nyuhnyüke, hatü hayü shahhing, shahshem nevai, hatü am kü nyuhpükei shahhing nyüke; ammi büpa kü nyutuh.

JOHAN 16:7

Shejoongpa ngei am kü shahhing enyeih: am vangmeihen nangkü ngei lüdainyeih; mehenangkü ngei nedaijema Sheühbü am touei nepeikahen; ngei lüdaijema ngei am touei büpa shomphahen.

1 JOHAN 2:20

Shejao amphongü Laangha Daülangpai thiteiphuteke, hatü am peüi shahhing nyingei nyüke.

1 KORINT 6:19

Nevaijü nüngei bümü Kahvang leipü dangpü nüng kü nyupü Laangha Daülangpülei phopshem, hatü nüngei bümü nüng lompü nevai shei nenyingnyu je?

PHONGSHANTHÜ DOU 2:33

Kahvangei lakdah philei longei anshihtü Pa leipü Laangha Daülangpü lahpü dangteke, hatü ha büpai am kü khüpphopü shaang ammi eenyüke, hatü dannyüke.

EPHESIA 1:17

Am büpa touei peishingkü kihikon, laangha hatü shakei vampü am kü shuohhen shingvaishi jenei Shembüpa Jisu Khristalei Kahvang, müknyinshekhangpü Pa kü ngei phopnyüpeih.

ROM SHAHSHA APPÜ 15:13

Ammi büpa kü hinglempai monglempü Kahvangi am kü mongong hatü chingmei-i am mahühen, shejüang Laangha Daülangpü ngani am kü monglempü aüh-ei yenhühen.

PHONGSHANTHÜ DOU 2:4

Jom peü Laangha Daülangpai ma, hatü Laanghai jom kü ehüaokpü thahshi lebü shah mü ehen chongpang.

JOHAN 2:22

Büpa dipü kübü yangei leipheikü büpalei nanglomthüi büpai ha epü khih shei deih-ei dang, hatü jomi laihing hatü Jisui epü shahthü kü hinglem.

ISAIAH 54:13

Ammei hapeüthü peü kü Shembüpai nyuhhen, hatü chingmeivangmei longpü ammei hapeüthü mü nyuhen.

PHONGSHANTHÜ DOU 13:2

Mechem jomi Shembüpa kü khümei shüaeiyungleyei nyupa, Laangha Daülangpai jomphong kü, “Mepa dou shingvaishi ngei jiji nyük, ha dou dükhen ngei shingvaishi Barnabas hi Saul nyi khaatei deishihtuh” shei e.

1 PETER 1:12

Thihivamthüi jom shing chongphonyu nevai, shejao vangsho leipü shompü Laangha Daülangpai am kü shahjangmei chongvenpü ami am kü shaang ephopü douthü jung epai jomi am chongphoteke. Hathü dou vangsho phongshanthüi dangkao veihen ongyangnyüke.

1 JOHAN 5:7

Denpü jem nyüke.

TITUS 3:5

büpai jen yangpeih. Hapayü jeni daülangpü dou dükpü nangkü nevai, shejao hapayü büpalei phahji shangshi Laangha Daülangpai jen ja bühpü kü daütüktü jen ja leihüei yangpeih.

LUK SHAHSHA APPÜ 24:49

Veituh, ngelei Pa-i mehe lah, ha ngei am kü shomhen; hanangkü amphong shangeipü ngani am kü mangbak thahshi chingnyülei nyutuh” shei e.

JUD SHAHSHA APPÜ 1:20

Shejao bampü küphüthü, am vaipü daülangpü kü am nyingi lingdaituh; Laangha Daülangpü kü phoptuh;

HEBREW 9:8

Hapa homei shongpü dung nyupü thahshi Longi Daülangpü Shingei shühen lem ne-ap shei Laangha Daülangpai hunyüke.

HEBREW 3:7

Hanangkü Laangha Daülangpai hei enyüke: “Shinnyih ammi büpalei ngeü bangjema,

1 THESALONIKA 4:8

Hanangkü üpai hapa nyuhpüvenpü yaktüknya büpai shennyak nevai, shejao büpai Laangha Daülangpü shuohpü Kahvang yaktüknyeih.

1 KORINT 12:3

Hanangkü ngei am kü nyinghüpeyü Kahvang Laangha homei epü üpaiyao mechemao, “Jisu kü thaüvaü hettuh!” shei ne-enyih, hatü Laangha Daülangpai nevai pheikü “Jisu-ü Shembüpa” shei üpaiyao ne-enyih.

2 PETER 1:21

Mehenangkü thihivam shah-ü shennyaki mongpü kübü nevam, shejao Laangha Daülangpai jom müpai shennyakthüi Kahvang leipü yah-ei epeih.

LUK SHAHSHA APPÜ 11:13

Amphong shennyakten vaijao laophülei hapeüthü kü thintho meipü shuohhen nyingjema, ammei vangsho leipü Pa-i büpa kü yüpüthü kü meshük nyeinya shuohhenang!

MENVIH KESHO 51:11

Nüng ompü toueipü ngei teyaktük, hatü ngei kübü laangha daülangpü teyahlangpha.

ROM SHAHSHA APPÜ 15:16

Kung am touei Kahvangei shahjang meipü kü ngongdou dükei Khrista Jisulei chongphobü vaihen phahji shuohpeih, shejüang Kung amei moilayü Laangha Daülangpai daütükpü, hatü yahaokbenüng leihen.

LUK SHAHSHA APPÜ 1:41

Mechem Mary-i selam epü Elizabeth-i danpa, vom mongeipü naüi mongongpai pheü, hatü Elizabeth-ü Laangha Daülangpai mateke.

MATHI 3:11

Mong leppü nangkü ngei amphong yungi baptüknyeih, shejao ngei mao nyeishi wong kohpü hük üpa ngei pheikü peikünya, ngei büpalei lathuh nohen dangkao nechang, büpai amphong Laangha Daülangpü hatü awi baptükphahen.

HEBREW 2:4

Kahvangiyao hapa kü nyangeihepü, thamapü hatü yashanyale longi, hatü büpai mongpü aimü Laangha Daülangpü thinthothü shuohpü homei denpü shuohnyüke.

2 TIMOTI 1:14

Jen kü nyupü Laangha Daülangpai sheühpai nüng kü nangei tuhpü doumei yomtuh.

EPHESIA 4:30

Angei leipü nyih shingvaishi am kü füoshang shüngpü Kahvang Laangha Daülangpü mongtemanghü.

ROM SHAHSHA APPÜ 14:17

Mehenangkü vangsho ongchingü hahbenüng hatü yingbenüng nevai, shejao daülangshemshepü, chingmei hatü Laangha Daülangpü kü mongongpü nyüke;

ROM SHAHSHA APPÜ 5:5

hatü monglempai jen mongnemanghünyih; mehenangkü jen kü shuohpü Laangha Daülangpü homei Kahvang bampü jenei mongdang kü shihteke.

PHONGSHANTHÜ DOU 20:28

Am laophü nyingi hatü Laangha Daülangpai amphong veibü vaihen tuhpü mithü peü thaeimaei yomtuh; laophülei Halei iy homei shakei tuhpü Kahvangei attoi kü mi yomtuh.

PHONGSHANTHÜ DOU 11:16

Shembüpai epü shah hük, ‘Johani yungi baptük, shejao amphongü Laangha Daülangpai baptükhen’ shei epü deih-ei peiküpeih.

PHONGSHANTHÜ DOU 1:8

Shejao mechem Laangha Daülangpü am kü peikahen, ammi ngan yahhen, hatü amphongü Jerusalem, Judea hatü Samaria peü kü hatü kahdoknyü dohpü ngoishi ngelei denbüthü vaihen.”

JOHAN 20:22

Mechem büpai ha epa, büpai jomphong kü ngüi dutü jomphong kü, “Laangha Daülangpü yahtuh.

JOHAN 6:45

Thibüthüi ha nyangei nyüke: ‘Jom peü kü Kahvangi nyuhnyeih. Üpai Pa kü bangnya, hatü büpa leipü nyinghahnya, ngei touei peinyeih.

MARK 13:11

Mechem jomi am shahphen shingei deiyei lanei shuohtükhen, ammi mehe ehen shei yeihshi tenyem; shejao hahepak kü mehe ephahenshang, ha eyeishuoh; mehenangkü hayü ammi enyu nevai, Laangha Daülangpai enyeih.

MATHI 1:20

Shejao mechem büpai hapa dükhen temei nyupa, Shembüpalei phongshan hük büpa touei mangh kü peiyei, “David ha Joseph, nüngi laophülei nyüha vaishi Mary yahhen tenyem; mehenangkü pinnyülei koshi nyupü naü-ü Laangha Daülangpü kübü nyüpeih.

HEBREW 10:15

Hapa nang Laangha Daülangpaiyao jen kü denpü shuohnyüke. Shongpü kü büpai enyüke:

JOHAN 12:16

Büpalei nanglomthüi shongei ha nenyingaok, shejao mechem Jisu müknyinshekhangpa, hapheikü jomi büpa nang hathü nyangei nyüke, hatü büpa kü ha dükteke shei deih-ei dang.

MARK 12:36

Laangha Daülangpü homei Davidi hapakei e: “Shembüpai ngelei Shembüpa kü, ‘Ngei nüngei vepathü nüngei la phangei mangtuh thahshi nüng ngelei lakdah philei uotuh.’ ”

SHAKEI VAMPÜ 2:11

Üpa kü danhen dhaong nyu, Laanghai attoithü kü mehe enya ha bangtuh. üami vehok neünya, nyipabü dipai jom kü nehongpih.

EPHESIA 1:13

Mechem ammi shahhing shah, am yemleipü shahjangmei danpa, hatü büpa kü ammi hinglempa, büpa kü amphongao lahtükpü Laangha Daülangpai füoshang shüngteke.

2 KORINT 6:6

daülangpai, danaokpai, inyainyempai, shinshangpai, laangha kü daülangpai, hingshangi bampai,

PHONGSHANTHÜ DOU 20:35

Ha peü kü ngei am kü hapakei dou dükpü homei Shembüpa Jisulei shah deih-ei dangtü wong nekohpüthü kü sheühhen khih shei ngei am kü lappü hük shuohtepih; mehenangkü büpai, “Yahhahpü leimeyü yahshuohpüüng meipüba” shei eteke.

PHONGSHANTHÜ DOU 15:8

hatü hangkulei mongdang nyingpü Kahvangi jen kü dükphopükei jom kü Laangha Daülangpü shuoh-ei denpü shuohteke,

PHONGSHANTHÜ DOU 7:51

“Am ngaümvang vaanpü shennyakthü; mongdang hatü dhaong shuw nejappüthü, ambü ampai dükpükei ammi düngei Laangha Daülangpü khüei yaongnyüke.

PHONGSHANTHÜ DOU 1:4

Mechem jomphong mü hahyingei nyupa, büpai jomphong kü Jerusalem tuhtü nedaihen, shejao Pa-i lahpü thintho danei nyuhen ngeükhüam shuoh. Mepa jung ngei epü ammi danpa, hayü hapa khih.

PHONGSHANTHÜ DOU 1:2

büpai jepü phongshanthü kü Laangha Daülangpü homei nyuhpheikü büpa vangsholei manganlangpü nyih thahshilei jung ngei nyangteke.

JOHAN 7:39

Shaang büpai hayü büpa kü hinglempüthüi yahhen Laangha jung eteke; mehenangkü Jisu müknyinshekhang kü mangaongdai-i nyupü nangkü Laangha shao-üng mangshuoh-i nyuteke.

LUK SHAHSHA APPÜ 3:22

hatü Laangha Daülangpü athuba kei yiüei büpa kü bak, hatü vangsho leipü ngeü hük vamei, “Nüngü ngei bampü Ha; ngei nüng kü mong hahnyeih” shei e.

LUK SHAHSHA APPÜ 1:67

Hahepak kü chepa Zekhariah-i Laangha Daülangpai maei hapa tetpüvanpü shah eteke:

LUK SHAHSHA APPÜ 1:35

Vangsho phongshani pinnyü kü, “Laangha Daülangpü nüng shak kü peikahen, hatü Chaipübalei ngani nüng kü dhümhen; hanangkü nüngi anghen naü-ü daülangpü nyuhen; büpa kü Kahvang Ha shei nyükhen.

LUK SHAHSHA APPÜ 1:15

mehenangkü büpayü Shembüpa touei longpü nyuhen. Büpai yiü nevaijü wong kohpü yiü neyinghen; büpa bühshekü-üng Laangha Daülangpai maei nyuhen.

MATHI 28:19

Hanangkü daituh, jatli peü nanglak leihütuh; Pa, Ha hatü Laangha Daülangpü men kü jomphong yung kü hüngtuh,

ISAIAH 63:10

Shejao jomi büpa khüei yaong, hatü büpalei Laangha Daülangpü mongmanghü; Hanangkü büpa jomei vepa leipeih, hatü büpai jom khüei hokpeih.

PHONGSHANTHÜ DOU 28:25

Hanangkü jom hüki hük mü shahju nejiütei, hatü jom leidai shingkü Pauli shao shah hük hapakei e: Isaiah thibü homei ammei bühipa kü Laangha Daülangpai epeyü jiüpü khih,

PHONGSHANTHÜ DOU 16:6

Laangha Daülangpai Asialei chongvenhen nemongpü nangkü jomphong Phrigia hatü Galatia moidoi homei dai.

PHONGSHANTHÜ DOU 15:28

Hathü vongbong khih shei deihpü hanei mü lenei Laangha Daülangpü hatü hamphong kao meiangke shei deihpeyü am kü lebü nyeinya hanggovih nekohhühen vaipü khih.

PHONGSHANTHÜ DOU 13:4

Hanangkü Laangha Daülangpai shompü nangkü jomphong Seleucialei yiü, hatü haleipü Cypruslei (yungching homei) heih.

PHONGSHANTHÜ DOU 7:55

Shejao Laangha Daülangpai maei büpai vangsholei ngangei veishingkü Kahvang müknyinshekhang hatü Jisu, Kahvangei lakdah philei yaongshi ee.

PHONGSHANTHÜ DOU 5:3

Hahepak kü Peteri, “Ananias, mehekei Laangha Daülangpü touei shahshem ehen hatü kahdok yupü kübü lop hanei tuhlanghen kahshih-i nüngei mong kü mahüpa?

LUK SHAHSHA APPÜ 2:25

Shaang Jerusalemei shennyak hük meni Simeon shei mentü nyu; hapa shennyakü daülangpü hatü Kahvang nyempü shennyak, Israel am nyiushem meihühen omdanei nyu, hatü büpa kü Laangha Daülangpü bak.

MATHI 1:18

Shaang Jisu Khrista hapakei bühteke: Chenyü Mary kü Joseph shing yiük pheyei nyu; shejao jiji shem mangyem shekü Laangha Daülangpai pinnyüi naü hük anghen mü vam.

JOHAN 1:33

Ngeiyao büpa nenyingham, shejao üpai ngei yungi baptükhen shom, büpai ngei kü, “Üpa kü nüngi Laangha yiüei bakei ee, büpai Laangha Daülangpai baptükphahen shei ephopeih,

JOHAN 14:25

Ngei am mü nyushingkü hathü ngei am kü etepih.