JOHAN 12:46 - DAÜLANGPÜ LAIHING (BSI)

⁴⁶ Ngei kü vaipü üpaiyao vangnyak kü nekamhen shingvaishi ngei kahdoknyülei vangngai hük kei yiüpeih” shei e.

JOHAN 12:46 Referans Kwoze

JOHAN 8:12

Shao Jisui jomphong kü, “Ngeiyü kahdoknyü vangngai. Üpai ngei phei münya, vangnyak kü nekamhen, shejao yangnyu vangngai danghen” shei e.

MENVIH KESHO 36:9

Mehenangkü nüng mü yangnyu yunglok nyüke; nüngei vangngai kü hami vangngai eenyeih.

JOHAN 9:5

Ngei kahdoknyülei nyupü thahshi ngei kahdoknyü vangngai.”

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

ISAIAH 42:7

Amphongi mükphüngpüthülei mük aphühen, hatü vangnyak kü khoklatei uoshi nyupüthü ngailanghen.

JOHAN 3:19

Shahphenpü dou-ü ha: Vangngaiyü kahdoknyülei yiü, shejao hangkuthüi vangngai nangjei vangnyak küang bam; mehenangkü jomei douthü-ü mang nyuteke.

JOHAN 1:9

Peü kü vangngai shuohpü hapa hingshangpü vangngai kahdoknyülei pei.

MATHI 4:16

Shangmang kü nyupü shennyakthüi vangngai longpü hük eeteke, hatü dipü yingdhüm kahdokei nyupüthü touei vangngai vamteke.”

EPHESIA 5:14

mehenangkü eehen mü vampü lemphüli vangngai. Hanangkü ha enyüke: Oh shipü shennyak, paotuh! Dipü kübü yangei leituh, hatü Khristai nüng kü vangngaiphahen.

LUK SHAHSHA APPÜ 2:32

Kung am shakei vamhühen shingvaishi vangngai, hatü nüngei Israel nanglak shingvaishi müknyinshekhang.

MALAKI 4:2

Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

ISAIAH 42:15

Ngei kahshang hatü shangtaothü lavüngtoiyei tuhphonghen, hatü jomei jahpan vantükhen; Ngei yungnyüthü peü shübaongthü leitükkemhen hatü yungkukthü ütükhen.

JOHAN 9:39

“Ngei kahdoknyülei peipeyü ne-eepüthüi eehen, hatü eepüthü mükphünghen nangkü shahphenhen peipeih” shei Jisui e.

ISAIAH 40:1

Nyiushem meituh ngelei nanglakthü nyiushem meituh shei ammei Kahvangi enyüke.