JOHAN 12:40 - DAÜLANGPÜ LAIHING (BSI)

⁴⁰ “Büpai jomei mük phüngtük, hatü jomei mong vaantük, hanangkü jomei müki neveiaok, hatü jomei mongi nenyingaoki lepdai– hatü ngei jom meitükhen.”

JOHAN 12:40 Referans Kwoze

ISAIAH 6:10

Hapa nanglakthülei mongdang yawtüktuh; dhaong aangtükhütuh hatü mük phüngtüktuh. Hei nevaijema jomi eehen, danhen, nyinghen, hatü ngei touei mong lepei leiyei meitükpü danghen khih.”

LUK SHAHSHA APPÜ 8:10

Büpai, “Amphong kü hapa Kahvang ongching shahjo nyinghen shuohtepih; shejao lebüthü kü ngei shahlapi enyeih, shejüang ‘Veijao jomi ne-eehen, hatü danjao jomi ha nenyinghen’ ” shei e.

MARK 4:12

shejüang jomi veihen shejao ne-eehen, banghen shejao nedanaokhen; hei nevaijema jom Kahvang philei lephen hatü mang tükpü danghen” shei e.

ISAIAH 29:10

Mehenangkü Shembüpai amphong kü shükshi shihen laangha shuohteke; Thibüthüi büpai ammei mük kü shaktükteke, hatü manghkhang eepüthüi ammei shangjing kü jümtükteke.

PHONGSHANTHÜ DOU 3:19

Hanangkü mong leptuh, hatü ammei mang thitei yaktükphahen shingvaishi Kahvang touei lepei leituh,

JOHAN 9:39

“Ngei kahdoknyülei peipeyü ne-eepüthüi eehen, hatü eepüthü mükphünghen nangkü shahphenhen peipeih” shei Jisui e.

LUK SHAHSHA APPÜ 4:18

“Shembüpalei Laangha ngei kü nyüpeih, mehenangkü büpai ngei kü taopathü kü shahjangmei kohen thiteiphuei jepeih. Büpai ngei khoklatei nyupüthü kü bümei baonghen, mükphüngpathü kü mük aphen, hatü hanghipüthü bümei leihühen,

HOSEA 14:4

Shembüpai enyüke: “Ngei nanglakthü lembienei lüdaipü müei leihen; Ngei jom kü changshi bamhen; mehenangkü ngei jom kü mongshihpü meidaiteke.

HOSEA 6:1

Nanglakthüi enyüke, “Huoi, jeni Shembüpa touei mong lepei leishah, Büpai jen khih mü shaaktükteke, shejao hingmei büpai ha meiphahen; Büpai jen ma yahhüteke, shejao büpai makaw thüngphahen.

EZEKIEL 12:2

Shennyak ha, nüngü dokteikhaungkheipü nanglak chi kü nyunyüke. Jom kü veihen mük nyüke, shejao ne-eenyu; banghen dhaong nyüke shejao nedannyu.

JEREMIAH 3:22

Mong leptuh, Oh hingnelempü Israel, ngei am hingnelempü meitükphahen. “Ham nüng touei peikünyeih; mehenangkü nüngü Shembüpa, hamei Kahvang.

MENVIH KESHO 147:3

Büpai mongdang mangdaipü meihünyeih; hatü jomei makaw phüngtüknyeih.

MENVIH KESHO 41:4

“Ngei kü phahjishih, Oh Shembüpa, ngei meitükshih; mehenangkü ngei nüng khüei mang thahteke” shei ngei eteke.

MENVIH KESHO 6:2

Nüngi ngei kü phahjishih Oh Shembüpa, mehenangkü ngei shomeiyingei shadainyu khih. Oh Shembüpa, ngei meitükshih, mehenangkü nyempai ngelei vangthü kheünyüke.

JOSHUA 11:20

Shembüpai Mosa kü epükei phahji neshiüi bhanghili mahtükhen, chemjalak kü jütükhen shingvaishi Israel am mü khüei hokhen Shembüpai jom mahmong longhüteke.

SHAHKÜP 29:4

Shejao shinnyih thahshi Shembüpai am kü danaokhen mongdang, eehen mük hatü danhen dhaong mangshuoh.

ROM SHAHSHA APPÜ 9:18

Hanangkü Kahvangi büpai jepü shennyak kü phahji hunyeih, hatü büpai mong vaantükhüpü shennyakei mong vaantüknyeih.

PHONGSHANTHÜ DOU 28:26

“Hapa nanglakthü touei daiyei etuh: Ammi banghen shejao nedanaokhen, hatü ammi veihen shejao ne-eehen.

MATHI 15:14

Jom hei-üng tuhphongtuh. Jomü mükphüngpü lem mübüthü. Mükphingpa hüki lebü mükphüngpa müjema jijiphen kahshalei vühen” shei e.

EZEKIEL 14:9

Thibü hük lueilemei shahshem ejema, hapayü ngei, Shembüpai hapa thibüpa kü lueilempü vaihen, hatü ngei büpa khüei ngelei lak nohen, hatü ngelei nanglak Israel khong kübü büpa mahtükhen.

JEREMIAH 5:21

Oh ngapa hatü sholi neshiüpü nanglakthü; am kü mük nyüke, shejao ne-eenyu; am kü dhaong nyüke, shejao nedannyu.

PHONGSHANTHÜ DOU 15:3

Hanangkü attoi ami jomphong shom, hatü jom Phoenicia hatü Samaria homshingkü jomi Kung am mong leppü jung shah-om shuoh, hatü vaipüthü peü kü mongong longpü koei pei.

MARK 6:52

mehenangkü jomi aan yah-ei haja nga ühyingpü meheang ha nyingei neaok; jomei mongi ha yah-ei neaoki mong vaanteke.

ISAIAH 53:5

Shejao jeni pungpü nangkü büpa mashateke, jenei mang tata kü büpalei büm mintük; Büpai ponghahpü hanghi homei jen meitükpü dang, hatü büpa mashapü homei jen meitük.

ISAIAH 26:11

Oh Shembüpa, nüngei lak haongjao, jomi ha ne-eenyu. Nüngi laophülei nanglak kü nyakpükenpü jomi nyem-ee, hatü hai danghütuh. Nüngi laophülei vepathü shing yaongei tuhpü awi jom hahtükhütuh.

MÜLANGPÜ 14:17

Hahepak kü ngei Ijip am jom pheikü müei yung homhen monglonghühen, hatü ngei Pharaoh, büpalei veshan, büpalei koyei khari, hatü ha kü mübüthü shak kü ngei müknyinshekhang danghen.

MÜLANGPÜ 14:8

Shembüpai Ijip ongpa Pharaohlei mong vaanhü, hatü büpai mong longshi lüdaipü Israel am phei changteke.

MÜLANGPÜ 14:4

Ngei Pharaohlei mong vaanhühen, hatü büpai jom kü changhen. Shejao Pharaoh hatü büpalei veshanthü shak kü ngei müknyinshekhang danghen, hatü Ijip ami ngeiyü Shembüpa shei nyinghen” shei eteke. Israel ami jom kü eshuohpükei dük.

MÜLANGPÜ 7:13

Shembüpai epü keiha Pharaohlei mong vaanteke, hatü jijinyi-i epü kü büpai nebang.

MÜLANGPÜ 7:3

Shejao ngei Pharaohlei mong vaanhühen; Ijip kahdok kü ngei nyeinya yashanyale dou dükshuohjao,

MÜLANGPÜ 4:21

Shao Shembüpai Mosa kü, “Nüng mechem Ijiplei nyokei leihenshang, ngei nüng kü Pharaoh touei dükhen shuohpü yashanpü dou peü düktuh; shejao büpai nanglakthü neleishihhen shingvaishi ngei büpalei mong vaanhühen” shei e.

1 ONGPATHÜ 22:20

Hatü Shembüpai, ‘Ahabi Ramoth-Gileadei hoknüng aongei mahhühen shingvaishi üpai büpa yawh-aokhen?’ shei e. Hahepak kü hüki lemhük, lebü hüki lemhük eteke.

MÜLANGPÜ 9:12

Shejao Shembüpai Pharaohlei mong vaanhü, hatü Shembüpai epü keiha büpai jiji-i epü kü nebang.

MÜLANGPÜ 10:1

Hahepak kü Shembüpai Mosa kü, “Pharaoh kü peiyei veituh; mehenangkü ngei ngelei yashanyale douthü jom kü dükei huhen,

MÜLANGPÜ 11:10

Mosa hi Aaron nyi-i Pharaoh touei hathü yashanyale douthü peü dük, shejao Shembüpai Pharaohlei mong vaanhü, hatü büpalei kahdok kübü Israel am neleishih.

ISAIAH 6:9

Hanangkü büpai ngei kü daiyei nanglakthü kü hapa shahjang etuh shei e: “Amphongi düngei dannyüke, shejao nenyingnyu; düngei veinyüke, shejao ne-eenyu.

JOHAN 12:39

Hanangkü jomi hingnelemaok; mehenangkü Isaiah-i shao,