JOHAN 12:31 - DAÜLANGPÜ LAIHING (BSI)

³¹ Shaangü hapa kahdoknyü kü shahphenhen hepak; shaangü hapa kahdoknyü kübü vanglem lembü changtükhen hepak.

JOHAN 12:31 Referans Kwoze

2 KORINT 4:4

Jom nang keyü Kahvangei lajei, Khristalei müknyinshekhang shahjangmei vangngai jomi ne-eehühen shingvaishi hapa kahdoknyü kübü kahvangthüi nevaipüthülei mongdang mük phüngtükteke.

1 JOHAN 5:19

Jenphongü Kahvangei hapeüthü shei jeni nying, shejao kahdoknyü kemei kahshihlei ngan phangkü nyüke.

1 JOHAN 3:8

Mang thahpü peü kahshihlei hapeüthü; mehenangkü chongpanghinüng kahshih-i mang thahhampeih. Kahshihlei dou mangtükhen mükhong kü Kahvang Ha shakei vampeih.

EPHESIA 6:12

Mehenangkü jenei vehokü iy hatü phai vepathü khüei nevai, shejao vanglem lembüthü khüei, yemya yapüthü khüei, hapa shangmang den kübü kahdoknyü nganthü khüei hatü vangsho shangeipü nemeipü laangha wongthü khüei hoknyüpeih.

JOHAN 14:30

Ngei amphong mü hajük kü ahshi ne-ehen; mehenangkü hapa kahdoknyü vanglem lembü peikünyüke. Büpa ngei shak kü mehe wongao neshiü;

HEBREW 2:14

Hanangkü hashihthüi iy hatü phai kü hean yahpükei büpai laophü nyingi jom kei hangku nyingnyoi yah. Büpai hapayü büpa dipü homei dipü shak kü wong nyupü Kahshih mahtükhen nangkü dükpeih,

KOLOSI 2:15

Büpai vanglem lempü hatü yemya yapü laanghathü peü büpai shophang homei jom aoktüktü büpai hathü shakei vamei huteke.

1 JOHAN 4:4

Maanpü hashihthü, amphongü Kahvang leipü nyüke hatü ammi hathü neüteke; mehenangkü üpa am kü nyu, büpayü kahdoknyülei nyupüba mao longpüba.

MATHI 12:28

Shejao Kahvang Laanghai ngei mang laangthü changjema, Kahvang ongching am touei peiteke.

KAHBHAO 3:15

Ngei nüng hatü nyüha aa kü, hatü nüngei li hi pinnyülei li aa kü ve vaihühen. Büpai nüngei shangjing ngümtükhen, hatü nüngi büpalei la-ong kü bheihen” shei e.

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

ISAIAH 49:24

Hampa hükei lak leipü dounyü aetei aoküla? nevaijü ongpa hüki khoklat kü küptükpü kübü ngaiaoküla?

JOHAN 3:19

Shahphenpü dou-ü ha: Vangngaiyü kahdoknyülei yiü, shejao hangkuthüi vangngai nangjei vangnyak küang bam; mehenangkü jomei douthü-ü mang nyuteke.

JOHAN 9:39

“Ngei kahdoknyülei peipeyü ne-eepüthüi eehen, hatü eepüthü mükphünghen nangkü shahphenhen peipeih” shei Jisui e.

1 KORINT 1:20

Shejema nahpülangpü shennyak melei nyüpa? Lai longi manpü melei nyüpa? Hapa den jung nih-ei khoei nyingpü melei nyüpa? Kahvangi hapa kahdoknyülei kihikon ngadou neleitükangpü je?

1 KORINT 1:21

Mehenangkü Kahvangei kihikonü kahdoknyüi laophülei kihikon homei Kahvang nenyingpü nangkü, ngapükei chongvenpai hinglempüthü yanghen Kahvangi temtükpü nyuteke.