JOHAN 12:29 - DAÜLANGPÜ LAIHING (BSI)

²⁹ Hatouei nyupü khongi ha danei hapayü vangmuk khih shei e. Lebüthüi, “Vangsho phongshan hüki büpa kü epü khih” shei e.

JOHAN 12:29 Referans Kwoze

SHAKEI VAMPÜ 14:2

Hatü ngei vangsho leipü yung longpülei ngeü kei hatü vangmuk ngeü kei danteke, hapa ngeü-ü harp vüngbüi harp vüngpükei danteke,

SHAKEI VAMPÜ 11:19

Hahepak kü vangsho leipü Kahvangei phopshem apteke, hatü büpa Vangpüshuwpü Pela phopshem mongei ee, hatü halei klang nyeppü, klungpü hatü vangmuk khungpü, pedi vükpü hatü vihpü shüyaong nyuteke.

SHAKEI VAMPÜ 8:5

Hapheikü vangsho phongshani hon awjakshung yah-ei moidü leipü aw maei shihtü kahdoknyü kü haishuoh, hatü vangmuk khungei klang nyepei hatü pedi vükei pei.

SHAKEI VAMPÜ 6:1

Hapheikü ngei Mi Chehai füoshang nyet khongkü hük apei ee, hatü ngei yemmü nyupü yemhathü ali khongkü hüki vangmuk ngeü keiha, “Peikei!” shei nyükei dan.

EZEKIEL 10:5

Cherubimi yang dheüpü chingshe thahshi dan, hatü hapayü Jeiyong Kahvangi epü ngeü kei nyuteke.

JOB SHAHSHA APPÜ 40:9

Kahvang kü keiha nüngei lak wong kohshi nyüpü je? hatü büpai keiha nüngi vangmuk khunghüaokhen je?

MÜLANGPÜ 20:18

Mechem nanglakthü peüi klang vangteng, amit ngeü danpa, hatü kahshangei awshit vampü eepa, jom nyemei kheüteke, hatü tailuei yaongdaikem,

MÜLANGPÜ 19:16

Nyih jempabü dhom kü baümtapei nyupü nanglakthü peü nyemei kheüshi kahshangei klang vangteng hatü phum thihteke, hatü amit ngeü longpai vüngteke.

PHONGSHANTHÜ DOU 9:7

Büpa mü chemi yen daipüthü shah ne-e-i nyu; mehenangkü jomphongi ngeü dan shejao üpayao ne-ee.