JOHAN 12:26 - DAÜLANGPÜ LAIHING (BSI)

²⁶ Üami ngei chongphonya, ngei phei mütuh, hatü ngei melei nyu, halei ngelei chongphobüthü nyuhen. Üami ngei chongphonya, Opai-i dhüm huhen” shei e.

JOHAN 12:26 Referans Kwoze

GALATIA 1:10

Ngei shaangü hangku leipü meiangke shei ehahpü yemnyu hi Kahvang leipü danghen khenya? Nevaijü ngei hangku mongmeihühen khenyu je? Shaang thahshi ngei hangku mongmeihühen khejema, ngeiyü Khristalei chongphobü hük nevai.

1 SAMUEL 2:30

Hanangkü Shembüpa, Israel Kahvangi hapakei enyüke: Ammei shemong hatü mükhiphangi düngei ngei touei chongphohen shei lahteke, shejao shaang Shembüpai enyüke: ‘Ngei toueipü taishi lüdaituh; üami ngei kü dhüm shuohnya, ngei jom kü dhüm shuohhen, üami ngei yaktüknya, ngeiyao jom nyonghühen.

KOLOSI 3:24

Laklei vaishi SHEMBÜPAleipü mükjüp danghen shei ammi nyingei nyüke. Hapayü Shembüpa Khrista amphongi chongphonyeih.

ROM SHAHSHA APPÜ 1:1

Paul, Khrista Jisu chongphobü, phongshan hük vaihen nyükpü hatü Kahvangei shahjangmei shingvaishi khaatei tuhpü,

JOHAN 17:24

Opa, nüngi ngei kü shuohpüthü ngei melei nyu, halei jomao nyuhen, hatü nüngi ngei kü shuohpü ngelei müknyinshekhang jomi eehen ngei nanyüpeih; mehenangkü nüngi ngei kü kahdoknyü chongnyiam lingshekü ngei kü bampeih.

JOHAN 10:27

Ngelei mithüi ngelei ngeü dannyeih, ngei jom nyingnyeih, hatü hathü ngei phei münyeih.

2 KORINT 5:8

Hih, ham monglempü nyüpeih, hatü hapa büm kübü yanei daiyei Shembüpa mü shemei nyuhenang lümei deihnyüke.

JUD SHAHSHA APPÜ 1:1

Jud, Jisu Khristalei chongphobü hatü Jakobei chenaü, Nyüklangpüthü, hatü Pa Kahvangi bampüthü hatü Jisu Khristai yangei tuhpüthü touei,

1 JOHAN 5:3

Büpalei shahkungthü bangpeyü Kahvang kü bampü hih, hatü büpalei shahkungthüyü hanggovih nevai;

2 PETER 1:1

Simon Peter, Jisu Khristalei chongphobü hatü phongshan hüki jenei Kahvang hatü Yemleipü Jisu Khrista daülangshemshepü homei ham keiha hinglempü douvang kei yahpüthü touei,

2 KORINT 4:5

Mehenangkü hami laophü jung nebaongnyih; hami Jisu Khristayü Shembüpa, hatü hamü Jisulei men kü ammei aathü shei baongnyeih.

ROM SHAHSHA APPÜ 14:18

mehenangkü üpai hapakei Khrista chongphonya, büpai Kahvang mong hahhünyeih hatü shennyaki meiangke shei yahnyeih.

JOHAN 15:20

“Aathüyü shembü mü longpü nevai” shei ngei am kü epü shah deih-ei dangtuh. Jomi ngei kü dangkao shüveijema, am kao shüveiphahen. Jomi ngelei shah bangjema, ammei shah-ao bangkahen.

LUK SHAHSHA APPÜ 6:46

Mehekei ammi ngei kü, “Shembüpa, Shembüpa” shei nyüktü ngei epü nedüknya?

KANDOK 27:18

Üpai adhajük kah lingnya, büpai haleipü betjük hahhen; Üpai laophülei shembü kü jungnya, büpa kü dhüm shuohhen.

MENVIH KESHO 91:15

Mechem jomi nyükhen, ngei janghen; shanghah shingkü ngei jom mü nyuhen. Ngei jom yanghen, hatü dhüm huhen.

PHILIPPI 1:23

Ngei ha nyi aa kü thamapü kü nyüpeih. Ngei diyei Khrista mü nyudaihen ha-üng nyeinya meipü khih;

JOHAN 14:3

Ngei daiyei am shing shing hük tempheikü ngei nyipabü yiüei ngei mü nyuhen shingvaishi ngei am yahhen, hatü ngei melei nyu, halei amphongao nyuhen.

JOHAN 13:16

Hingmei ngei am kü eshah, chongphobüthüyü shembü mü longpü nevai, nevaijü phongmokbüyü büpa shompü shennyak mü longpü nevai.

LUK SHAHSHA APPÜ 9:23

Hapheikü büpai jomphong kü ha eteke: “Hanei ami ngei phei müpü am leihüjema, büpai laophü nang betüktuh, hatü nyihjeih büpalei shophang paitü ngei pheilei mükei.

MATHI 25:21

Büpalei shembüi büpa kü, “Meiteke, meipü hatü monglemaokpü chongphobü; nüngi maanpü dou kü monglemaokshi nyuteke, ngei nüngü dou longi kü shembü vaihühen; nüngei shembü mongongpü touei shütuh” shei e.

MENVIH KESHO 17:15

Shejao ngei payü daülangshemshepü kü ngei nüngei dhe eehen; ngei mechem paohen, nüng lepü kü eeyei ngei mong hüshemhen.

BHEI-IE 14:24

Shejao ngei chongphobü Kaleb, lebü mü chudeih hayaoha nyupü nangkü, hatü mong kempai ngei epü kü müpü nangkü büpa thümnüng daipü kahdokei ngei büpa müei daihen, hatü büpalei hühihathüi hapa kahdok yahhen.

SHAKEI VAMPÜ 14:4

Jomphongü nyüha mü nesheihpüthü; mehenangkü jom daüeilangei nyu; jomi Mi Cheha melei dai, halei müei dainyüke. Jomphongü hangku khong kübü Kahvang hatü Mi Cheha shingvaishi angei leilangpü shongpü betjükthü nyuteke,

KOLOSI 4:12

Amphong khong kübü Jisu Khrista chongphopü Epaphras-i selamja. Am behe leiyei Kahvangi mongpü lemphü meishi mongkü ponghen shingvaishi am nangkü büpai düngei phopnyanyüke.

JOHAN 21:22

Jisui büpa kü, “Ngei yiüpü thahshi büpa yemmü tuhjao nüngi ha mehe vainüng? Ngei phei mükei” shei e.

JOHAN 14:15

Ammi ngei kü bamjema, ngelei shahkungthü banghen.

MARK 8:34

Büpai khongnyü kü büpalei nanglomthü mü nyükei jomphong kü, “Hanei ami ngei phei mühüjema, laophü nyingi maanpü leituh, hatü laophülei shophang paitü ngei pheilei mükei.

MATHI 16:24

Hahepak kü Jisui büpalei nanglomthü kü e, “Hanei ami ngei phei mühüjema, büpai laophü nang betüktuh hatü laophülei shophang paitü ngei phei mükei.

BHEI-IE 32:11

Mehenangkü jomi mong kempai ngei kü hingshangi nenyupü nangkü Ijip leipü vamei daipü baha bong kukha, hatü ha dok kübü üpayao ngei Abraham, Isak hatü Jakob kü lahpü kahdokei neshüaokhen.

LUK SHAHSHA APPÜ 12:37

Shembü nyokei leishingkü mükpaonathaei nyupü chongphobüthü moihiman; hingmei ngei am kü enyeih, büpai laophülei shüngshep wonghen, hatü jomphong ühyinghen uohühen, hatü büpai jomphong kü nemnoshuohhen.