35 Jisui thep.
Büpai Jerusalem ngoijü chingnyü eeyei ha nangkü thep,
Jen wong nekohpü kü phahjiyei neaokhen mü jenei ngongchong neshiüpih, shejao jenphong kü keiha shejao mang neshiüi lemphü kü dokpü pongtükpü ngongchong hük nyüpeih.
Mechem Jisui pinnyü theppü hatü pinnyü mü peipü Jehoda ami theppü eepa, büpalei mong kü hong, hatü thephüei pei.
Büpayü hangkuthüi ne-ienelemi yaktük; mongong hatü shangpongpü shennyak hük. Üpaiyao büpa kü nevei-i peüi laophülei dhe jolangkem, peüi büpa yaktük, hatü jeni büpa kü lümeivaüei nedeih.
Shejao nüngi ven nebangjema, nüng changmeipü nangkü ngelei laanghai joshi thephen. Ngei shahyaki thephen, hatü ngelei mük kü mükphi yenhen; mehenangkü Shembüpalei mithü wüpküpei deilangteke.
Nüngei shahkung nedükpü nangkü ngelei mükphi yungyen leiyei yennyüke.
Shanghahpüthü shingvaishi ngei mechemao nethepangpü je? Taopathü shingvaishi ngelei laangha mongneshangangpü je?
Nüngi hathü kü ha shah etuh: Nyakhingai thüngei nedoh-i ngelei mük kübü mükphi yenhütuh; Mehenangkü ngelei pai mü ngühpü nela ngelei nanglak nemei-i ma yahteke, hatü khih mü ngümtükteke.
Jomei shanghah peü kü phongmokbü nevaijü phongshani nevai, shejao büpa ompai jom yangpeih; Büpalei phahji yahyangi jom yangpeih, Büpai jom longei anshihpeih, hatü peihdaipü nyihthü peü kü büpai jom kü jungpeih.
Büpai chenaü eeyei mong ongyangpü neyepaoki büpai mokei thephen shing yemei shü. Büpai büpalei dungei shüei thepteke.
Hanangkü ngei youngnyüpeih; ngelei mük kü mükphi yennyüpeih. Ngei nyiushem meihühen, ngei mongyanghühen üpayao neshiü; Ngelei hapeüthü lakkong nyüke; Mehenangkü vepathüi aoklangteke.
Oh ngelei shangjing paoh yunglok vailangmeyü, ngelei mük kü paoh mükphi yunglok vailangmeyü, ngelei nanglakthü jütükpü nangkü nyakhingai thüngei ngei thephen vaipeih.
Jomphong hapa kü bangei nyushingkü büpai nedoh-i shahlap hük e; mehenangkü büpa Jerusalem yopailei nyu, hatü Kahvang ongchingü shülangi peikahen vaaishang shei jomi deih.
Büpai, “Ammi büpa melei vüpa?” shei phe. Jomi büpa kü, “Shembüpa, peiyei veituh” shei e.
