JOHAN 11:28 - DAÜLANGPÜ LAIHING (BSI)

²⁸ Mechem pinnyüi ha eyei kempa, pinnyü nyokei leiyei chenaü Mary kü nyüktü pinnyü kü joei, “Nyuhbü hatouei nyüke hatü nüng kü nyüknyüke” shei e.

JOHAN 11:28 Referans Kwoze

JOHAN 13:13

Ammi ngei kü, ‘Nyuhbü hatü Shembüpa ‘shei nyüknyüke– amphong jiütei; mehenangkü ngeiyü ha-üng.

JOHAN 11:20

Mechem Martha-i Jisu peikünyüke shei danpa, Mary shemei tuhphongtü pinnyüi Jisu ombaong heih.

MARK 10:49

Jisu shenei yaongtü, “Büpa hatouei nyükei deikei” shei e, hatü jomi büpa nyükei deiyei büpa kü, “Mongmeituh, yaongtuh, büpai nüng kü nyüknyüke” shei e.

JOHAN 21:7

Jisui bampü nanglomi Peter kü, “Hapayü Shembüpa khih!” shei e. Mechem Simon Peteri, “Hapayü Shembüpa khih” shei epü danpa, büpai ashak hanei ngeihtü yungei laongdai; mehenangkü büpa bümkong nyuteke.

JOHAN 20:16

Jisui pinnyü kü, “Mary!” shei e. Pinnyüi yaakei büpa kü Hebrew shah mü Rabboni (lappai, Nyuhbü) shei e.

JOHAN 10:3

Shaden yombüi büpa kü mi khaok sha apnyüke, hatü mithüi büpalei ngeü dannyüke. Büpai laophülei mithü kü men homei nyüknyeih, hatü müei dainyüke.

JOHAN 1:45

Philipi Nathanael pongei büpa kü, “Hamphongi Nazareth am Josephei cheha, üpa jung Mosai shahkungnyüthü kü hatü thibüthüi eyei nyu ha pongtepih” shei e.

JOHAN 1:41

Büpai shongei chejei Simon pongei büpa kü, “Hamphongi Messiah, (lappai, Khrista) pongpeih” shei e.

LUK SHAHSHA APPÜ 22:11

hatü shem shembü kü, ‘Ngei ngelei nanglomthü mü Hompü Mo hahhen yen ngoiteipü dung melei nyüpa? shei nyuhbüi phenyüke?’ shei etuh” shei eteke.

MARK 14:14

hatü büpa melemei shüdaiphahen müei shüei haleipü shem shembü kü, ‘Nyuhbüi ngelei nanglomthü mü Hompü Mo hahhen shingvaishi ngelei yenpaüm dung melei nyüpa shei phenyüke?’ shei ehen e.

MATHI 26:18

Büpai, “Chingnyülei peiyei shennyak hük kü, ‘Nyuhbüi enyüke, ngelei hepak ngoiteke, ngelei nanglomthü mü ammei shemei Hompü Mo hahhünyüke shei büpa kü etuh’ ” shei e.

ZEKHARIAH 3:10

Hapa nyih am peüi laophülei chingyow kü laophü laophülei nyalingngupai hatü adhapü phangkü uohen thongteihen shei Jeiyong Shembüpai enyüke.”

HEBREW 12:12

Hanangkü juwdaipü lak hatü wong nekohpü la wong kohhütuh.

1 THESALONIKA 5:11

Hanangkü ammi shaang dükpükei am hüki hük mü nangthongteituh, hatü hüki hük lingei leituh.

JOHAN 11:29

Mechem pinnyüi ha danpa, pinnyü met shei yaongei büpa touei heih.

JOHAN 11:30

Shaang Jisu-ü ching mangngoi-i Martha-i büpa pongpü shingei nyu.