JOHAN 1:51 - DAÜLANGPÜ LAIHING (BSI)

⁵¹ Shao büpai büpa kü, “Hingmei mü ngei nüng kü enyeih, nüngi vangsho shaden aptüktü Shennyak Ha shak kü vangsho phongshanthü aongpü leipü eehen hih” shei eteke.

JOHAN 1:51 Referans Kwoze

KAHBHAO 28:12

Büpai kahdok kübü vangsho thahshi thai chantü ha kü vangsho phongshanthü phungei aong, shüh-ei shaei mangh mü eeteke.

PHONGSHANTHÜ DOU 7:56

Büpai, “Veituh, ngei vangsho shaden aptüktü Shennyak Ha Kahvangei lakdah philei yaongshi eenyüke” shei e.

LUK SHAHSHA APPÜ 22:43

Hahepak kü vangsho leipü vangsho phongshan hük büpa touei vamei büpa kü wong shouh.

LUK SHAHSHA APPÜ 2:13

Ngangahük kü vangsho phongshan mü vangsho shanthü khong longpü hük Kahvang men longei eteke:

MARK 14:62

Jisui, “Ngei hih, hatü nüngi Shennyak Ha Jeiyong Kahvangei lakdah philei uotü vangsho phum shangkü yiüküpü eehen” shei jangei e.

MARK 1:10

Mechem büpa yung mongeipü vamjapa, vangsho jiam yamtü athuba keiha Laangha Daülangpü yiüei büpa kü bakpü büpai ee;

MATHI 3:16

Jisu baptükhinüng yungeipü vam. Hahepak kü vangsho shaden aptü athuba keiha Kahvang Laangha vangsho leipü yiüei büpa kü bakteke,

EZEKIEL 1:1

Vangbong hapüan mü lenyang alipabü nyih ngapabü kü ngei Kebar yungyenei wüpküpei deipüthü mü nyushingkü vangshothü ap hatü ngei Kahvangei manghkhang eeteke.

PHONGSHANTHÜ DOU 10:11

Büpai vangsho aptüktü lemhük ba mü jung ali kü shentü kahdokei shajapü ee.

LUK SHAHSHA APPÜ 3:21

Shaang mechem nanglakthü peü baptük, hatü Jisu-ao baptüktü phopei nyupa, vangsho shaden ap,

MATHI 4:11

Hahepak kü Kahshih-i büpa tuhtü lüdai, hatü lomi vangsho phongshan peiyei büpa kü jung.

SHAKEI VAMPÜ 19:11

Hapheikü ngei vangsho aptüktü ee, hatü halei koyei shola hük nyuteke. Hapalei uopüba keyü Monglemaokpü hatü Hingshangpü shei nyük. Büpai shahhingi shahphennyeih hatü vehok hoknyeih.

SHAKEI VAMPÜ 4:1

Hapa pheikü ngei veiteke, hatü vangsholei sha hük aptüktü nyuteke. Shongpü ngeü amit keiha ngei kü epü danpeyü, “Halei aongkei, hatü hapa pheikü mehe vamhen ngei nüng kü huphüshah” shei e.

2 THESALONIKA 1:7

hatü shangpongpü amphong kü nyiushemmei shuohhen, hatü ha hamphong kao shuohhen, hatü hapayü mechem Shembüpa Jisu vangsho leipü büpalei wong kohpü vangsho phongshanthü mü awlom kei peihenshang ha vamhen.

LUK SHAHSHA APPÜ 2:9

Hahepak kü Shembüpalei vangsho phongshan hük peiyei jomphong touei yaong, hatü Shembüpalei müknyinshekhang jomphong shinei khang, hatü jomphong nyem.

HEBREW 1:14

Vangsho phongshanthü peü Kahvang chongphopü laanghathü, yemleipü mükjüp danghenthü touei büpai chongphohen nangkü shompüthü nevaipü je?

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

JOHAN 10:1

“Hingmei mü ngei am kü enyeih, üpai mi khaok shaden homei neshüi lebü lemei bakei shünya, büpayü gühpa hatü peileipa.

LUK SHAHSHA APPÜ 22:69

Shejao shaang mü leitü Shennyak Ha Kahvangei ngan kü lakdah philei uohen” shei e.

MATHI 25:31

Mechem Shennyak Ha müknyinshekhang kü vangsho phongshanthü peü büpa mü yiühen, hahepak kü büpa müknyinshekhang ong uoshing kü uohen.

JUD SHAHSHA APPÜ 1:14

Adam kübü hüshomhülai nyetpabü Enokh-i hathü nang hei tetei epeih: “Veituh, Shembüpai büpalei daülangpü vangsho phongshan haja dok kü haja müei yiükünyüke;

2 THESALONIKA 1:9

Hathüyü Shembüpa, hatü büpalei müknyinshekhang ngan kübü yanei nedohnetenpü mahpü hanghi danghen,

JOHAN 14:12

Hingmei ngei am kü enyeih, üpai ngei kü hinglemhen, büpai ngei dükpü douthü dükaokhen; hingmei, ngei dükpü kao nyeishi dükaokhen; mehenangkü ngei sheyü Opa touei lüdainyeih.

JOHAN 6:47

Hingmei ngei am kü enyeih, üami hinglemnya, vanyangyem nyüpeih.

LUK SHAHSHA APPÜ 24:4

Mechem jomi ha kü thamaei nyupa, ngangahük kü shennyak nyi nyangnyangpü ashak ümtü jomphong touei peiyei yaong.

MATHI 26:24

Shennyak Hayü büpa nang nyangei nyupükei lüdaihen, shejao üpa homei Shennyak Ha luhahhenshang onyükei! Büpa shingvaishiyü nebühpü-üng meipüba” shei e.

JOHAN 21:18

“Ngei nüng kü hingmei mü enyeih, mechem nüng vaanwong hepak nyupa, nüngi laophü nyingi shüngshep sheptü nüng melei daihü halei daihampeih. Shejao mechem nüng viüdaihen, nüngi laophülei lak haonghen hatü mih-i nüng kü shünglok lokhen, hatü nüng nedaihüpülei müei daihen” shei e.

JOHAN 8:51

Ngei am kü shahhing enyeih, üpai ngelei shah bangnya, büpa mechemao nedipih” shei e.

JOHAN 6:32

Hahepak kü Jisui jomphong kü, “Hingmei ngei am kü enyeih, am kü vangsho leipü hahying shuohpeyü Mosa nevai shejao hingshangpü hahying shuohpeyü ngelei Opa hih.

JOHAN 3:5

Hingmei mü ngei nüng kü enyeih, shennyak hük yung hatü Laanghai nebühpheikü mekei etao vangsho ongchingei shününg neaok.

JOHAN 16:20

Hingmei ngei am kü enyeih, amphong thepeiyounghen, shejao kahdoknyüi mongonghen; am tüngpüyapü eehen shejao ha mongongpü leidaihen.

JOHAN 13:16

Hingmei ngei am kü eshah, chongphobüthüyü shembü mü longpü nevai, nevaijü phongmokbüyü büpa shompü shennyak mü longpü nevai.

JOHAN 10:7

Hanangkü shao Jisui jomphong kü, “Hingmei ngei am kü enyeih, ngeiyü mi khaok shaden.

JOHAN 6:53

Hanangkü Jisui jom kü, “Hingmei ngei am kü enyeih, ammi Shennyak Halei phai nehahpheikü hatü büpalei iy neyingpheikü am kü yangnyuyem nenyu.

JOHAN 5:27

hatü büpai büpa kü shahphenhen wong shuohpeih; mehenangkü büpayü Shennyak Ha nyüke.

JOHAN 5:19

Jisui jomphong kü, “Hingmei mü ngei am kü enyeih, Ha-i büpai mongpü meheyao nedükaoknyih, shejao Pa-i mehe dükei ee, ha mon düknyüpeih; mehenangkü mehe mehe Pa-i düknya, Ha-i hapakei düknyüpeih.

JOHAN 3:3

Jisui büpa kü, “Hingmei mü ngei nüng kü enyeih, nyipabü nebühpheikü üpaiyao vangsho ongching dangnüng neaokpih” shei e.

MATHI 9:6

Shejao hapayü kahdoknyü kü Shennyak Ha kü mang tükhen wong nyüke shei ammi nyinghen nangkü hih”. Hapheikü büpai tüngpü shennyak kü, “Yaongtuh, nüngei lüng paitü shemei leidaituh” shei e.

MATHI 8:20

Jisui büpa kü, “Mahuthü yaongdung nyüke, hatü shangouhathü shing jep nyüke, shejao Shennyak Ha shangjing haüshing meleiyao neshiü” shei e.

ZEKHARIAH 13:7

“Paotuh, Oh yanlu, ngelei dou dükpü mi yombüthü khüei” shei Jeiyong Shembüpai enyüke. Mi yombü kü bheituh, hatü mithü nyaidaiphahen; Ngei ngelei lak nanglakthü khüei nohen.

JOHAN 16:23

Hapa nyih ammi ngei kü meheyao nephehen. Hingmei ngei am kü enyeih, ammi ngelei men kü Opa kü lemhük dangkao yüjema, büpai ha am kü shuohhen.

JOHAN 13:38

Jisui, “Nüngi ngei shing nüngei yangnyu lanei shuoh-aokhen je? Hingmei mü ngei nüng kü enyeih, ou gashekü jempa thahshi nüngi ngei nelah-aokpih” shei e.

JOHAN 8:58

Jisui jomphong kü, “Hingmei ngei am kü enyeih, Abraham shekü ngei nyuhampeih” shei e.

JOHAN 8:34

Jisui jomphong kü, “Hingmei ngei am kü enyeih, mang thahpü peü mangei aathü hih.

JOHAN 6:26

Jisui jomphong kü, “Hingmei mü ngei am kü enyeih, ammi nyangeihepü eepü nangkü ngei yemnyu nevai, shejao moh-ei hahhen dangpü nangkü ngei yemnyu khih.

JOHAN 1:50

Jisui, “Ngei nüng adhapü phangei uoshi eepeih shei ephopü nangkü nüngi ngei kü hinglemnyu je? Nüngi hathü mao longpü douthü eehen hih” shei e.