JOHAN 1:43 - DAÜLANGPÜ LAIHING (BSI)

⁴³ Nyihphei Jisui Galilei heihhen tem. Büpai Philip heüei, “Ngei phei mükei” shei e.

JOHAN 1:43 Referans Kwoze

JOHAN 14:8

Philipi büpa kü, “Shembüpa, hamphong kü Opa hushih, hatü hapai ham shing changpü vaihen hih” shei e.

MATHI 9:9

Jisu hatoueipü daishingkü büpai shennyak hük Mathi shei mentü lat thaipü officelei uoshi eeyei büpai büpa kü, “Ngei phei mükei” shei e. Büpa haleipü yaongei büpa phei mü.

ISAIAH 65:1

Ngei kü nephepüthü touei ngei shakei vamei hupeih; Ngei neyempüthüi ngei yemei dang. Ngelei men kü nenyükpü jat kü, “Ngei hammü nyüpeih, ngei hammü nyüpeih” shei epeih.

JOHAN 12:21

Jomi Galil leipü Bethsaida am Philip kü peiyei, “Longpüba, hamphongi Jisu kü veihüangke” shei e.

1 JOHAN 4:19

Büpai shongei jen kü bampü nangkü jeni büpa kü bamnyeih.

JOHAN 6:5

Mechem Jisui yaakei veipa büpai khongnyü longpü hük büpa lemei peijaei eeyei Jisui Philip kü, “Hathü nanglakthüi hahhen hahying jeni meleipü shakhenang” shei phe.

PHILIPPI 3:12

Ngei ha peü dangtih nevaijü ngei changpüshapü ngoitepih shei nevai, shejao ngei hapayü ngelei vaihen shei changei dainyeih; mehenangkü Khrista Jisui ngei büpa lompü leihü.

JOHAN 1:28

Hapayü Bethany kahdokei Johani baptükei nyupü Jordan yungdang philei vamteke.

LUK SHAHSHA APPÜ 19:10

Mehenangkü Shennyak Hayü mahdaipüthü yemhen hatü yanghen peipeih” shei e.

MATHI 10:3

Philip hatü Bartholomia; Thomas hatü lat thaibü Mathi; Alpheaslei cheha Jakob hatü Thaddaeus;

JOHAN 6:7

Philipi büpa kü, “Jom peü maanbaongi hahhen dangkao len vokei nanglati hahying shakjao nechangükhih” shei e.

JOHAN 1:35

Shao nyihphei Johani büpalei nanglom nyi mü yaongshi nyu,

MATHI 4:12

Shaang mechem Jisui Johan yeplangpü jung danpa, büpa Galil lemei heihdai.

MATHI 8:22

Shejao Jisui büpa kü, “Ngei phei mükei, hatü didaipüthüi jomei mahng nyemvühah” shei e.

JOHAN 1:29

Nyihphei Jisu büpa philei heihja-i eeyei büpai, “Kahdoknyü mang koei lüdaipü Kahvang Mi Cheha kü veituh” shei e.

JOHAN 1:44

Shaang Philipü Andrew hatü Peter am ching Bethsaida leipü nyuteke.

JOHAN 2:11

Jisui hayü Galil kahdok Kana chingei shongpü yashanpü dou dükei pangpü nyuteke. Hapakei büpalei müknyinshekhang shakei vam, hatü büpalei nanglomthüi büpa kü hinglem.

JOHAN 1:37

Mechem büpai ha epü nanglom nyi-i danpa, jijinyi-i Jisu phei mü.