JOEL 3:17 - DAÜLANGPÜ LAIHING (BSI)

¹⁷ Hanangkü ngeiyü Shembüpa, ammei Kahvang, Zion, ngelei daülangpü kahshangei nyunyeih shei ammi nyinghen, hatü Jerusalemü daülangpü shing vaihen, hatü kong ami hajük kü ha ching nehahhen.

JOEL 3:17 Referans Kwoze

JOEL 2:27

Hahepak kü ammi ngeiyü Israelei nyüke; Ngeiyü Shembüpa, ammei Kahvang, hatü lebü üpayao neshiü shei nyinghen. Ngelei nanglakthü ne-yei hapakei veü neponghüpih.

NAHUM 1:15

Antolei kahshangthülei chingmeivangmei shahjangmei kotü peiküpü shahjang kobü kü veihümao! Oh Judah nanglakthü, ammei monyü moha motuh, hatü ammi lahtükpü düktuh. Hajük kü nemeipü ami am shak kü neaokhüpih; Jomü chemjalak kü mahdaiteke.

ISAIAH 52:1

Paotuh, Paotuh, Oh Zion, Wong kohtuh! Nethe meipü owhiai owtuh, Oh daülangpü chingnyü, Jerusalem. Mehenangkü nejaptükpü hatü nedaünelangpüthüi hajük kü ammei penyüshamongei neshüküpih.

SHAKEI VAMPÜ 21:27

Shejao halei nedaünelangpü, nevaijü jiühitnalai dou dükpü nevaijü shahshem meheyao neshüaokhen, shejao Mi Chehalei yangnyu laitap kü men nyangei nyupüthü mon shühen.

ISAIAH 4:3

Zionlei tuhpüthü, Jerusalemei aoei yemmü men nyangei nyupüthü peü kü daülangpü shei nyükhen.

JEREMIAH 31:23

Jeiyong Shembüpa, Israel Kahvangi hapakei enyüke: “Mechem ngei jom wüpküp leipü müei leihen, Judah kahdok hatü haleipü jilathü leipü nanglakthüi shao hathü shah noteihen: ‘Shembüpai am moihimantuh, Oh daülangpü am nyushing, Oh daülangpü kahshang.’ ”

JOEL 3:21

Jomei iy yenpü bhüh ngei yemhen, hatü ngei nejiüpü am neyanghen; Mehenangkü Shembüpa ngei, Zionlei nyunyüpeih.”

ZEKHARIAH 8:3

Shembüpai hapakei enyüke: “Ngei Zionlei nyokei leihen hatü halei nyuhen; Jerusalem kü shahhing chingnyü shei nyükhen, hatü Jeiyong Shembüpalei kahshang kü daülangpü kahshang shei nyükhen.

MIKA 4:7

Ngei lakkholanothü aopü shennyak vaihühen, hatü changtükpü shennyakthüi wong kohpüjat hük linghen. Shembüpai jom shak kü hapa nyih kübü hüdenhalenshi vanglem lemhen.

DANIEL 11:45

Büpai yungching hatü nethe meipü kahshang nyi aa kü longhiongei ashakshem longpü vehen. Shejao üpaiyao büpa kü sheühhen neshiüi büpa hammü dihen.

EZEKIEL 48:35

Chingnyü shonpü kü meter haja shü nyuhen. Hapa chingnyü kü shaang mü leitü, “Shembüpa hatouei nyüke” shei nyükhen.

EZEKIEL 43:12

Hapayü phopshem shahkung. Ha kü shinpü moidoi peü shangching thahshi longi daülangpü vaihen.

ISAIAH 35:8

hatü halei lemnyüshong hük nyuhen; ha kü, “Daülangpü Lem” shei nyükhen. Nedaünelangpüthü hapa lem kü nekamhen, shejao hapayü Kahvangei shennyakthü shing mon nyuhen. Nemeipü, ngapathü hapa lem kü nekamhen.

ISAIAH 12:6

Wongmü lentuh, hatü mongongpai kesho loktuh, Oh Zion nanglakthü; mehenangkü Israel amei Daülangpü Hük am mü nyüke.”

MENVIH KESHO 76:2

Büpalei shem Jerusalemei nyüke; büpa nyushing Zionlei nyüke.

MENVIH KESHO 9:11

Zionlei ong uoshingei uopü Shembüpa kü menvih kesho lokeishuoh; büpalei douthü jung jatthü kü baongeishuoh.

MÜLANGPÜ 16:12

“Ngei Israel am langmaanpü danteke. Om kü jomi phai hahhen, hatü dhom mü jom hahhüpüshük hahhen hahying danghen shei e; shejüang jomi ngeiyü Shembüpa, jomei Kahvang shei nyinghen” shei eteke.

ISAIAH 11:9

Ngelei daülangpü kahshangei, jomi ten nedükhen nevaijü nejüteihen; mehenangkü yungching kü yungi maei nyupükei, kahdoknyü-ü Shembüpa nyingpai maei nyuhen.

ISAIAH 46:13

Ngei ngelei daülangshemshepü yopailei koei peikünyeih, hapa taishi neshiü; hatü ngelei yemleipü pheiyei nenyukahen. Ngelei yemleipü Zion am kü shuohhen, ngelei müknyinshekhang Israel am kü shuohhen.

ISAIAH 56:7

Hathü peü ngelei daülangpü Zion Kahshangei anhen, hatü ngelei phoppü shemei jom kü mongong shuohhen. Ngelei moidülei jomi shuohpü moila peü ngei yahhen; Mehenangkü ngelei shemü hangkuli peü shingvaishi phoppü shem shei nyükhen.

JEREMIAH 31:40

Mahng vüpü hatü nyüphinya yakpü kahji kemei, hatü heongphi Kidron Kahji thahshi kübü kahthü, ha kübü heihdaipü Koyei Peshaden shoukbaong thahshi Shembüpa kü daülangi leihen. Hapa chingnyü sheyü nebhitükhen nevaijü nemangtükhen.

EZEKIEL 20:40

Mehenangkü ngelei daülangpü kahshang, Israel kahshang shaopülei Israel am phang kemei, jom peü hapa kahdokei jomi ngei chongphohen. Halei ngei jom yahhen, hatü halei ngei jomei moila hatü jomei meipü thintho hatü daülangpü douthü peü yahhen shei Shembüpa Kahvangi enyüke.

EZEKIEL 37:6

Ngei amphong kü nyimnyaam vamhühen hatü ha kü phai vamhühen, hatü ha kü shuwi jümhen, hatü ngü shihphahen, hatü yem leihen, hatü ammi ngeiyü Shembüpa khih shei nyinghen.”

EZEKIEL 44:9

Shembüpa Kahvangi hapakei enyüke: Kung am, mongdang hatü phai kü shuw nejappüthü, Israel nanglak mü nyupü kung shennyak üpayao ngelei daülangpü shemei neshühen.

DANIEL 9:16

Oh Shembüpa, peihdaipü hepak kü nüngi dükpü daülangpü douthü keiha, nüngi Jerusalem chingnyü kü, nüngei daülangpü kahshang kü hamei mang hatü bühipa ami pungpü nangkü nüng mongshihpü yahlangshihma. Mehenangkü hami mang thahpü nangkü chingyowyüpi jatthü touei ham hai dangteke.

JOB SHAHSHA APPÜ 15:19

Kahdokü jom kü mon shuoh, hatü halei jom lemnyong kü mülanghen mü yenthüng nepeih.