JOEL 3:12 - DAÜLANGPÜ LAIHING (BSI)

¹² Jatthü peü temtuh, Shahphenpü Kahjilei peikemtuh. Halei ngei Shembüpai, ngeihpü shonpü jatthü kü shahphenhen uohen.

JOEL 3:12 Referans Kwoze

JOEL 3:2

Ngei jatthü peü thaihen, hatü Shahphenpü Kahjilei müei deihen. Halei jomi ngelei nanglakthü khüei lemphü nemeipü dükpü nangkü ngei jom kü shahphenhen; Mehenangkü jomi ngelei nanglakthü jatthü touei haitükpeih, hatü ngelei kahdok hantükpeih.

ISAIAH 3:13

Shembüpai shahphenpü uoshingei uonyüke, hatü nanglakthülei shahphenhen yaongnyüke.

ISAIAH 2:4

Büpai longpü jatthü aa kübü shah phenhen, hatü nanglakthü depülaopü dohhühen. Jomi jomei yanluthü hanshong vaiyei penglanghen, hatü jomei phungthü ajap vaiyei juplanghen. Jat hüki hük khüei nehokhen; hajük kü hokhen netemhen.

MENVIH KESHO 98:9

Jomi Shembüpa touei kesho lokhütuh; mehenangkü büpai kahdoknyü kü shahphenhen peikünyüke. Büpa daülangshemshepai kahdoknyü, hatü shahhingi nanglakthülei shahphenhen.

MENVIH KESHO 96:13

Büpa peikünyüke, büpai kahdoknyü shahphenhen peikünyüke shei jomi Shembüpa kü lokhen. Büpa daülangshemshepai kahdoknyü hatü shahhingi nanglakthülei shahphenhen.

ZEKHARIAH 14:4

Hapa nyih kü, Jerusalem heong philei nyupü Olive Kahshang kü büpalei la-i shouphen; hatü Olive Kahshang heong kübü heshü shei nyi anei handaitü kahji longpü vamhen; kahshang bhaokphi apsha philei, hatü bhaokphi pehe philei yandaihen.

MIKA 4:3

Büpai nanglak hi nanglak aa kü shahphenhen, hatü bahiyang kübü wong kohpü jatthülei mophicheü dohhühen. Jomei yanlu hanshong vaiyei shüklanghen, hatü jomei phungi thüng japteipü ajap shüklanghen. Jat hi jat khüei yan nenohen, nevaijü jomi hajük kü hokhen ve-ow netemhen.

JOEL 3:14

Haja dok kü haja Baong Hanpü Kahjilei nyüke! Baong Hanpü Kahjilei Shembüpalei nyih yopailei nyüke.

MENVIH KESHO 7:6

Nüng mongshihpai yaongtuh, Oh Shembüpa; ngelei vepathü mongshihpü khüei yaongtuh; Paotuh, ngelei Kahvang, shahhing shahkung lingtuh.

SHAKEI VAMPÜ 19:11

Hapheikü ngei vangsho aptüktü ee, hatü halei koyei shola hük nyuteke. Hapalei uopüba keyü Monglemaokpü hatü Hingshangpü shei nyük. Büpai shahhingi shahphennyeih hatü vehok hoknyeih.

EZEKIEL 39:11

Hapa nyih Israel kahdokei Dipü Yungching heong philemei Yendaiouham Kahji touei ngei Gog vühen mahngchong hük shuohhen. Gog hatü büpalei veshanthülei mahng vüpü nangkü yendaiouham lem küpdaihen, hatü hapa kahji kü, “Gog-ei Veshanthülei Kahji” shei nyükhen.

EZEKIEL 30:3

Mehenangkü nyih hük yopailei peikünyüke, Shembüpalei nyih ngoikünyüke; Hapayü phumnyaki jümpü nyih hük, jatthü shingvaishi vongshüh nyih hük vaikahen.

2 SHÜPPÜKENGPÜ 20:26

Nyih alipabü kü jomi Berakah Kahjilei thaitü jomi Shembüpa kü menvih shuoh. Hanangkü hapa shingkü shaang thahshi Berakah Kahji shei nyüknyeih.

ISAIAH 22:1

Hapayü Manghkhang Kahji nangkü epü shah: Am peü shem adokei aongei nyuhen mü mehe shanghah pongpa?