JOEL 2:31 - DAÜLANGPÜ LAIHING (BSI)

³¹ Shembüpalei nyih longpü, hatü nyempü peishekü, vanghenyü manghdaihen, hatü lennyü iy leidaihen.

JOEL 2:31 Referans Kwoze

MATHI 24:29

Hathü shangpongpü nyih peihhinüng vanghenyü manghdaihen, hatü lennyüi vangngai neshuohhen; hatü vangsho leipü lithathü vüdaihen, hatü vangsho nganthü jenhen.

MALAKI 4:5

Veituh, longpü hatü nyempü hanpü Shembüpalei nyih peishekü ngei am touei Elijah thibü shomphahen.

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

JOEL 3:15

Lennyü vanghe yimdaihen, hatü hajük kü lithathü nenyahen.

JOEL 2:10

Jom daijü kahdokao jennyüke, hatü vangshothü kheünyüke. Vanghe hatü lennyü manghdainyüke, hatü lithathü hajük kü nenyanyu.

LUK SHAHSHA APPÜ 21:25

“Vanghe, lennyü hatü lithathü kü nyangeihepü nyuhen, hatü kahdoknyülei yungching yungmok ngüngpai jatthü pongnepaüi mongshang nyuhen.

JOEL 3:1

Shembüpai enyüke: Hathü nyih kü hatü hapa hepak kü ngei Judah hatü Jerusalem kü nükhah nyiamhaümhen nyokei shuohhen.

MATHI 27:45

Haümhahphei kü om jem baji thahshi kahdoknyü peü manghdai.

PHONGSHANTHÜ DOU 2:20

Longpü hatü müknyinshekhangpü Shembüpa yiüpü nyih shekü vanghenyü manghdaihen, hatü lennyü-ü iy leidaihen.

SHAKEI VAMPÜ 8:12

Alipabü vangsho phongshani büpalei amit vüng, hatü vanghenyü phaihan jem kübü hük kü, lennyü phaihan jem kübü hük kü, hatü lithathü phaihan jem kübü hük kü sheüteke; hanangkü jomei vangngai phaihan jem kübü phaihan hük manghdai; nyihnüng phaihan jem kübü phaihan hük nenya-i leidai hatü yanüngao hapakei nyuteke.

JEREMIAH 4:28

Hanangkü kahdoknyüi mahng thephen, vangsho shangpa mangh-ei leidaihen; mehenangkü ngei mehe etüktepa, ha kübü neyeiyahen; ngei mehe temtük, ha nyokei neleilanghen.

EZEKIEL 32:7

Mechem ngei am mahtükhen, Ngei vangshothü jümtükhen, hatü lithathü manghtükhen; Ngei phumnyaki vanghenyü jümtükhen, hatü lennyüi laophülei vangngai neshuohhen.

JOEL 2:1

Zionlei amit vüngtuh; ngelei daülangpü kahshangei vebaong shemm kaongtuh. Kahmük kü nyupüthü peü kheütuh; mehenangkü Shembüpalei nyih ngoikünyüke; hapa longi yopailei nyüke.

JOEL 2:2

Hapayü vangnyak hatü vang yimpü nyih hük, phumnyaki jümpü shangmang nyih hük vaikahen! Vang mangei kahshangthü banglangpü keiha, longpü, hatü wong kohpü veshanthü kei shouk peikünyüke; Aivang den kao jom mechemao hapakei nenyu, nevaijü ngoikahen denhivan kao hapakei nechongkahen.

JOEL 2:11

Shembüpai vangmuk kei büpalei veshanthü kü enyüke; büpai epü bangpü veshanthü iejü ieyei nekemi hatü wong kohshi nyüke. Shembüpalei nyih longshi; hayü nyemshi nyüke; Üpai ha munenaokhen?

ZEKHARIAH 14:6

Hapa nyih kü, wohongpü nevaijü kaongpüsheüpü meheyao nechongkahen.