JOEL 2:28 - DAÜLANGPÜ LAIHING (BSI)

²⁸ Hapheikü ngei nanglak peü kü ngelei laangha khapshuohhen; Ammei nethe hatü nelathüi teteivanhen; ammei bajeithüi mangh manghhen; ammei nethethüi manghkhang eehen.

JOEL 2:28 Referans Kwoze

EZEKIEL 39:29

Hajük kü ngelei dhe jom toueipü nejodaihen; mehenangkü ngelei laangha Israel phang kü khüpshuohhen shei Shembüpa Kahvangi enyüke.

PHONGSHANTHÜ DOU 2:39

Mehenangkü ha lahpeyü am, ammei hapeüthü hatü tailuei nyupüthü, üam kü Shembüpa, jenei Kahvangi nyük, hathü peü shingvaishi nyüke,

ISAIAH 32:15

Shejao shangphi leipü laangha ham kü khüpphahen, hatü bhih kahdok kemei kahcheü kohpü kahdok leihen, hatü hapayü yinghilong kei nyuhen.

ISAIAH 44:3

Yung nedangpü kahdok kü ngei yung yahphahen, hatü kahngadok kü yungyenthü yenhühen; Ngei ngelei laangha ammei hühihathü, hatü ngelei moihiman ammei lihilathü kü khüpphahen.

ZEKHARIAH 12:10

Ngei David am phang hatü Jerusalem kü nyupüthü kü phahji laangha hatü phoppü laangha shuohhen; mechem jomi jomei laki jütükpü eehen, halom didaipü kü theppükei, hatü hashongpa jaangdaipü kü youngpükei jom shahyaki thephühen.

KANDOK 1:23

Ngei lohpü kü lihahtuh; Ngelei mongdang leipü shahnying meipü, hatü ngei deihpü kemei ngaiyei am kü ephüshah.

JOHAN 7:39

Shaang büpai hayü büpa kü hinglempüthüi yahhen Laangha jung eteke; mehenangkü Jisu müknyinshekhang kü mangaongdai-i nyupü nangkü Laangha shao-üng mangshuoh-i nyuteke.

PHONGSHANTHÜ DOU 2:33

Kahvangei lakdah philei longei anshihtü Pa leipü Laangha Daülangpü lahpü dangteke, hatü ha büpai am kü khüpphopü shaang ammi eenyüke, hatü dannyüke.

LUK SHAHSHA APPÜ 3:6

hatü phai peüi Kahvang yemleipü eehen.’ ”

GALATIA 3:28

Sheyü hajük kü Jehoda am nevaijü Greek am, aa nevaijü bümei, nyüha nevaijü baha baong hanpü meheyao neshiü; mehenangkü am peü Khrista kü hük khan.

ISAIAH 40:5

Hahepak kü Shembüpalei müknyinshekhang shakei vamkahen, hatü hangkuli peüi hapa eehen; mehenangkü Shembüpalei ju kübü ha vamei eteke.’ ”

BHEI-IE 12:6

“Ngei epü bangtuh: Mechem am mü thibüthü nyuhen, ngei jom touei manghkhang homei shakei vamnyüpeih; Ngei jomphong mü mangh kü eteinyüpeih.

ISAIAH 49:6

Ngelei Jakob jatthü thaihühen, hatü Israel am müei leihen nangkü nüng ngelei chongphobü vaihenü ahshimaanpü douha hih. Nüng homei ngelei yemleipü kahdoknyü dohpü ngoishi deishihhen shingvaishi ngei nüngü kung am shingvaishi vangngai hük leihühen shei büpai enyüke.

PHONGSHANTHÜ DOU 21:9

Shem mangyempü büpalei yiükha jom ali nyu; jom peü kü teteivanei ehen thintho nyuteke.

JEREMIAH 23:28

Mangh manghpü thibüthüi mangh etuh, shejao üpa kü ngelei shah nyu, hingshangi ha etuh. Hah mü hahtang melei shetteiaokhen? shei Shembüpai enyüke.

ISAIAH 54:13

Ammei hapeüthü peü kü Shembüpai nyuhhen, hatü chingmeivangmei longpü ammei hapeüthü mü nyuhen.

LUK SHAHSHA APPÜ 1:67

Hahepak kü chepa Zekhariah-i Laangha Daülangpai maei hapa tetpüvanpü shah eteke:

HEBREW 1:1

Aivang den meyü Kahvangi jenei bühipathü kü lem longi hatü laolao kü thihivamthü homei ehamteke,

BHEI-IE 11:17

Hatouei ngei yiükahen hatü nüng mü eteihen, hatü ngei nüng kü shuohpü laangha hanei yah-ei jom kü shuohhen. Nüng monhai hathü kemei nekohen; shaangü jomi nanglakthülei hanggovih kohen nüng kü sheühphahen.

1 SAMUEL 19:20

Hahepak kü Sauli David yephen shennyakthü shom shejao jomi Samueli mütü thibüthüi teteivanei eteke, hatü Kahvang laangha jomphong kao bak, hatü jomao teteivanei e.

1 SAMUEL 28:6

Mechem Sauli Shembüpa kü phepa, Shembüpai büpa kü mangh mü nevaijü Urim nevaijü Thummim homei nevaijü thibüthü homeiyao jangpü neshuoh.

ISAIAH 49:26

Am kü shüveipüthü kü jomei phai-üng hahhen hanhen, hatü yiüi keiha jomei iy-i jom chokhen. Shejüang shennyakthü peüi ngeiyü Shembüpa, am Yemleibü, Wong kohpü Jakob Kahvang shei nyinghen.”

JEREMIAH 23:25

Ngelei men kü shahshem teteivanpü thibüthüi epü shah ngei dantepih. Jomi, “Ngei mangh hük manghpeih! Ngei mangh hük manghpeih!” shei enyüke.

EZEKIEL 36:27

Ngei am kü laangha ja hük shihphahen, hatü ngelei shahkungnyü kü mühühen, hatü ngelei vanglem noteihen kenhinghühen.

EZEKIEL 37:14

Ngei am kü ngelei laangha shihphahen, hatü am yem tuhphonghen; shejüang ngei, Shembüpai ha eteke, hatü ha dükkahen shei ammi nyinghen shei Shembüpai enyüke.

DANIEL 7:1

Babylon kü Belshazzar ong vaipü shongpü bong kü Danieli mangh hük mangh hatü yanüng manghkhang hük eeteke. Büpai hapa mangh nyangteke:

1 SAMUEL 19:21

Saul kü hapa jung eshuohpü nangkü büpai lebü shennyakthü shom hatü jomphongao teteivanei e. Sauli jempabü shao shennyakthü shom hatü jomphongao hapakei teteivanei eteke.