JOEL 2:14 - DAÜLANGPÜ LAIHING (BSI)

¹⁴ Üpai nyingpa, büpa mong leiyei Shembüpa, ammei Kahvang kü hahying, hatü yiü moila shuohhen am kü moihiman changshi yahphahen aokpeih.

JOEL 2:14 Referans Kwoze

JONAH 3:9

Üpai nyingpa, Kahvangi büpalei mong jeileiyei büpa mongshih anpü doh-ei jen nemahtükhen aokpeih” shei e.

HAGGAI 2:19

Puongmongei meheyao lihila aoei nyüla? Nyalingngupai, adhapü, haangpao, hatü olive püi meheyao betjük nejükangpü je? Shinnyih mü pangei ngei am moihimanphahen.

JOEL 1:13

Dhoila ashak ümtuh hatü theptuh, Oh ngongpathü; youngtuh, am moidülei chongphopüthü. Peikei, vangnyak dhoila ashak ümtü phoptuh, amphong ngelei Kahvang chongphopüthü; Mehenangkü Shembüpalei phopshem kübü hahying, hatü yiü moila shümlangteke.

ZEPHANIAH 2:3

Kahdoknyü kü nenteiaokpü am peü, büpai epü dükpüthü peüi Shembüpa yemtuh. Daülangpü yemtuh, maanpü leihen yemtuh; Üpai nyingpa, Shembüpai mongshihpü nyih am hanghi kübü yanglanghen.

JONAH 1:6

Jahas mübü longpübai büpa kü, “Nüng mepakei hajük shinya? Paotuh hatü nüngei Kahvang kü yangshih shei phoptuh. Üpai nyingpa, büpai jen kü phahjiei deihtü jen yangphahen aokpeih” shei e.

AMOS 5:15

Ten kü jiühittuh, mei kü bamtuh. Shahphen shingei shahhing etuh. Jeiyong Shembüpa Kahvangi Josephei hühiha yemmü nyupüthü kü phahjihen.

2 ONGPATHÜ 19:4

Assyria ongpai büpalei Rabshakeh shomei vanyangyem Kahvang kü longi yaüeilungei eteke, hatü hapayü Shembüpa nüngei Kahvangi ha dan, hatü Shembüpa nüngei Kahvangi hathü shah nangkü büpa kü hanghi shuohhen. Hanangkü aoei nyupü nanglakthü shingvaishi nüngi phoptuh” shei e.

2 SAMUEL 12:22

Büpai jom kü, “Mechem naü yemmü nyu, üpai nyingpa, Shembüpai ngei kü phahjiei naü nyemyangpha shei deihshi ngei shüaeiyungleyei thepeiyoungpeih” shei e.

MÜLANGPÜ 32:30

Nyihphei Mosai nanglakthü kü, “Ammi nyembenüng mang longpü thahteke. Shejao shaang ngei kahshangei Shembüpa touei aonghen; üpai nying, ammei mang tükeishuoh shei eshuohhen” shei e.

2 TIMOTI 2:25

laophü kü khüpüthü kü inyainyemi yeanpü shuohaokpü vaihen vongbong. Üpai nying, jom mong lepei shahhing nyingei leihen Kahvangi shuohhen aok,

JOEL 1:16

Jenei müki eeshi hahying, hatü jenei Kahvangei phopshem kübü mongongmongle nedohdaiangpü je?

JOEL 1:9

Shembüpalei phopshem leipü hahying moila, hatü yiü moila dohdaipü nangkü, Shembüpa chongphopü ngongpathüi mahng thepnyüke.

ISAIAH 65:8

Shembüpai hapakei enyüke: “Nyalingngupai choung kübü yiü vamnyeih shei nyingei shennyakthüi, ‘Ha temangtük, halei moihiman nyüpeih’ shei epü keiha, Ngei ngelei chongphobüthülei men kü ngei jom nemahtükpih.

1 SAMUEL 6:5

Hihüma lajei lingtuh, hatü ammei kahdok mangtükpü yüphüh lajei lingtuh, hatü hapa yah-ei Israel Kahvang kü dhüm hutuh; üpai nyingpa büpai büpalei lak am hatü ammei kahvangthü hatü kahmük kübü yahlangphahen.

JOSHUA 14:12

Hanangkü ha nyih Shembüpai ngei kü lahpü hapa phaüshang kahmük ngei kü yahshih. Anakim am halei nyuhampeih hatü jomei chingnyüthüyü longshi hatü penyü showtüktü nyuhampeih shei hahepak kü nüngiyao danphei; Shembüpai epü keiha ngei mü büpa nyukahen hatü ngei jom changtükhen” shei e.

JEREMIAH 26:3

Üpai nyingpa, jomi ha bangei jom peü laophülei mang lem kübü mong lephen aokpeih. Shejema jomi dükpü mang nangkü ngei jom shangkü koei peihen shei tempü shanghah kübü ngei mong yeiyahen.

JEREMIAH 18:8

ngei shahvüng shuohpü jati mang kübü mong lepjema, ngei temei nyupü shanghah neshuohhen,

JEREMIAH 26:13

Hanangkü shaang ammei lemthü hatü dükhiling yeiyatuh, hatü Shembüpa, ammei Kahvangei shah bangtuh. Shejüang am khüei Shembüpai shuohhen epü shanghah vongshüh neshuoh-i mong yeiyadaihen.

2 SAMUEL 16:12

Shembüpai ngelei shanghah kü veihen hatü shinnyih ngei hapa thaüvaü dangpü shing lemhük meipü nyokei yahphahen aokpeih” shei e.