JOEL 1:13 - DAÜLANGPÜ LAIHING (BSI)

¹³ Dhoila ashak ümtuh hatü theptuh, Oh ngongpathü; youngtuh, am moidülei chongphopüthü. Peikei, vangnyak dhoila ashak ümtü phoptuh, amphong ngelei Kahvang chongphopüthü; Mehenangkü Shembüpalei phopshem kübü hahying, hatü yiü moila shümlangteke.

JOEL 1:13 Referans Kwoze

JEREMIAH 4:8

Hanangkü dhoila ashak ümtü, “Shembüpa mangshi mongshihpü jen toueipü nelüdaiang” shei theptuh hatü youngtuh.

JOEL 2:17

Shembüpa chongphopü ngongpathüi phopshem shakung hatü moidü aa kü theptuh. Jomi, “Oh Shembüpa, nüngei nanglakthü yangtuh” sheiehütuh. Nüngi nüngei nanglakthü kü mih jatthüi ne-ienelemhen mü tetuhphong. Lebü shennyakthüi, “Ammei Kahvang melei nyüpa?” shei mehekei ehühen?

EZEKIEL 7:18

Jom peü dhoila ashak ümhen, nyempai jümtü nyuhen. Jomei dhe veüpai jümtü hatü jomei sho chaei kuptüktü nyuhen.

JEREMIAH 9:10

Ngei kahshangthü nangkü thephen; mehenangkü üpaiyao nelongteihen mü lavüngtoiyei nyüke; halei mohoh vaüpü nedannyu; Ouhiyüh hatü yemhimak peü lüdaikemneshiü.

1 ONGPATHÜ 21:27

Mechem Ahabi hathü shah danpa, büpai laophülei ashak shaaktüktü bümbai dhoila ashak ümtü shüaeiyungleteke. Büpai dhoila ashak ümtü shi, hatü mongshangei dhe yimdaitü nyu.

2 KORINT 11:23

Jom mon Khrista chongphobüthü je? Ngei ngapa hük keiha enyeih– ngeiang meipüba hih. Ngei longi kheyei dou düktih, hepak longi kü khoklatei küptih, dihen mü longi üphahtih.

2 KORINT 6:4

shejao lem peü kü ham nyingi Kahvang chongphobüthü shei shangpong kü, ponghahpü kü, vongshüh kü,

2 KORINT 3:6

Büpai ham vangpüshuwpü ja hükei chongphobüthü leihüei hapa dou dükaokhen mü leihüpeih; hayü nyangpü shahkungi nevai, shejao Laanghai; mehenangkü shahkungi jütüknyeih, shejao Laanghai yangnyu shuohnyeih.

1 KORINT 9:13

Phopshemei chongphopüthüi phopshem leipü hahying dangnyeih, hatü moidülei chongphopüthüi moidülei moila shuohpü kübü phaihan dangnyeih shei ammi nenyingnyu je?

1 KORINT 4:1

Hamphong keyü Khristalei chongphobüthü hatü Kahvangei shahjothü kü khei vaibüthü shei deihtuh.

ISAIAH 61:6

Shejao amphong keyü Shembüpalei ngongpathü shei nyükhen, hatü jenei Kahvang chongphobüthü shei menhen. Ammi jatthülei mopi mohmeihen, hatü jomei nükhinyiami am changmeihen.

2 SAMUEL 12:16

Davidi naü nangkü Kahvang kü phop. Büpai shüaeiyungleyei shem mongei shüei yajeih kahdokei lemshi nyu.

BHEI-IE 29:6

Hathüyü len ieyei hatü nyihjeih shuohpü jakpü moila mü hahying hatü yiü moila kü üei shuohtuh. Hathüyü Shembüpa kü aw kü jakei shuohpü vong meipü moila nyüke.

SHAKEI VAMPÜ 11:3

Ngelei denbü nyi kü nyih 1260 dhoila ashak ümtü teteivanhen wong shuohhen” shei e.

ISAIAH 22:12

“Shembüpa, Jeiyong Kahvangi hapa nyih am kü thephen younghen, hatü sho chaei kuptüktü dhoila ashak ümhen nyükteke.

EZEKIEL 21:12

Mong kü tüngei theptuh, Oh shennyak ha; mehenangkü hapayü ngelei nanglak khüei nyüke; Hapayü Israel ongthü khüei nyüke; Jomphongü ngelei nanglakthü mü chemi jühen yepei shüktüknyüke. Hanangkü jaaba kü daüpei theptuh.”

HOSEA 9:5

Ammei vanyang mohitap nyih, hatü Shembüpalei mo nyih kü ammi mehe dükhen?

JOEL 2:14

Üpai nyingpa, büpa mong leiyei Shembüpa, ammei Kahvang kü hahying, hatü yiü moila shuohhen am kü moihiman changshi yahphahen aokpeih.

BHEI-IE 28:4

Mi hük nepnüng dhom mü moilahen, hatü hükpayü om kü moilahen,

BHEI-IE 28:7

Mi ieyei mü yiü moila dok hük shuohtuh. Shembüpa kü daülangpü shingei hapa yiü moila langeishuoh.

BHEI-IE 28:14

Mohoh ieyei mü yiü dok nyi, mi chebaongha ieyei mü yiü dok hük mü bhaoei, hatü mi ieyei mü yiü dok hük shuohhen. Bongyang kü lenja ieyei hapa jakpü moila shuohhen.

EZEKIEL 27:31

Am nangkü jom peüi sho chaei kuptüknyüke; jomi dhoila ashak ümnyüke. Jomi laangha mangei hatü mongdang kü shahyaki thepnyüke.

JOEL 2:12

“Shaang dangkao ammei mong kempai shüaeiyungleyei, thepeiyoungei ngei touei mong leptuh” shei Shembüpai enyüke.