JEREMIAH 9:5 - DAÜLANGPÜ LAIHING (BSI)

⁵ Jom peü laophülei chingyow kü lueilemnyüke, hatü üpaiyao shahhing ne-enyu; Jomi jomei yei shahshem ehen nyuhtüktü nyüke, Jomi mang thahnyüke hatü haleipü mong lepei leihen longi wongshi nyüke.

JEREMIAH 9:5 Referans Kwoze

HABAKKUK 2:13

Veituh, hangkunyüi dükhahpü kemei aw kü shamtükhen; hatü jatthü nyiutüknangtükpü angkong vaitükhen hayü Shembüpa Kahvang leipü nevaipü je?

MIKA 6:12

Ammei shemmeithüi üpteinyüke; ammei shennyakthüi shahshem enyüke, hatü jomei jubenyeijaangi lueilemei enyüke.

ISAIAH 57:10

Amphongi lebü kahvangthü yemei longteipai nyiudaijao, “Hajük khih, danghen mong nelemang” shei ne-enyu. Ammi wongja ngaitü ngaitü daipü nangkü nenyiunyu.

JOB SHAHSHA APPÜ 15:5

Nüngei shah-engeüshei-i nüngei mang hunyüke, hatü nüngi ühingnakaihen jubenyeijaang jeteke.

1 TIMOTI 4:2

Hapa keipü nyuhpüvenpeyü nyiamshami ooktükpü akhümmong-üm shahshem mongdeih kübü vamnyüke.

EPHESIA 4:25

Shejema shahshem yaktüktü jen peüi jenei chingyowpa mü shahhing eshah; mehenangkü jen hüki hük mü büm hük kü phaihan kukpong nyüke.

MIKA 6:3

“Ngelei nanglakthü, ngei am kü mehe dükpa? Ngei meshük am kü hanggovih kei chongküpa? Ha ngei kü eshih.

EZEKIEL 24:12

Angsha kü ngei nyiueinangei nyupeih; haleipü dü awiyao nedaühüaok.

JEREMIAH 9:8

Jomei yeijaangü dibenüng lahhan; ju kübü vamei lueilemei enyüke. Jom peü küphüthü kü shahmei enyüke, shejao mongeiyü jühen nangkü taphen temnyüke.

JEREMIAH 9:3

Jomi jomei yei pülah kei komaoknyüke, Jomü shahhing shing nevai, shahshem kü wong kohshi longnyüke; mehenangkü jom ten kübü ten dükei dainyüke, hatü jomi ngei nenyingnyu shei Shembüpai enyüke.

ISAIAH 5:18

Shahshem vüthü mü mang vü shüpüthü, koyei kü shenpü vü mü mang shüpüthü;

KANDOK 4:16

Douten mangdük thahshi jom neshiaoknyu; hanei am manglomohhü thahshi jom neshinyu.

MENVIH KESHO 140:3

Jomei yei biüei yeijaang mao nahpüba, hatü jomei ju kü biüei leü nyüke.

MENVIH KESHO 64:3

Yan keiha jomi jomei yei yünyüke, hatü jomei shah-ü leü kohpü lahhan kei nyüke.

MENVIH KESHO 50:19

Nüngei jui ten ehen noteinyüke, hatü nüngei yei ühing shah ehen shuohnyüke.

MENVIH KESHO 7:14

Mekei jomi mangi büm nekongi leinya, hatü shanghah koshi nyutü shahshem bühnya, ha kü veituh.

JOB SHAHSHA APPÜ 11:3

Nüng vapvappai shah ne-e-i nendaiphahen shei deihnyu je? Nüng eelaei ejü üpaiyao nüng kü nelohphahen sheideihnyu je?

KAHBHAO 19:11

Hapheikü jijinyi-i chingshelei yaongpü behe hashih peülei mük phüngtükpü nangkü jomi shaden nenyingaok.

MENVIH KESHO 52:3

Ammi mei leimü ten kü, hatü shahhing leimü shahshem ehen kennyüke.

JEREMIAH 7:28

Nüngi jom kü ha etuh: Hapayü Shembüpa, jomei Kahvangei ven nedanpü, hatü ungei-aeipü neyahpü jathili; shahhing mahdai; hapayü jomei juben kübü mahdaiteke.

JEREMIAH 12:6

Nüngei jeihinaü hatü shem ami nüng yuhahteke; Jomi nüng khüei ngeüwong anteke. Jomi nüng jung meishi eküjao nüngi hathü kü hingnelem.

JEREMIAH 12:13

Jomi hah sheiteke, shejao hüh vetteke; jom nyingi nyiueinangteke, shejao meheyao nanglei nedang. Shembüpai mongshihpü nangkü jom hahvetpeyü veüshi nyuhen.

JEREMIAH 13:23

Ethiopia amei hangbong jeiaokhen je? nevaijü shahnyülei ow jeiaokhen je? Hapakei vailangmeyü ten dükei dhüdaipüthüi meiyao dükaokhen vaipeih.

JEREMIAH 51:58

Jeiyong Shembüpai hapakei enyüke: “Babylon amei chetlüpü bham kahdokei laamdaihen, hatü jomei shaopü penyüsha awi haptükhen; Kong kü nanglakthü nyiunyüke, Jatthüi dükpü peü aw kü ühtükhen.”

JEREMIAH 51:64

hatü etuh, “Ngei pinnyü kü vongshüh koei peiyei Babylonü ne-yei nepao-aokhen mü hapakei hingdaihen hatü pinnyülei nanglakthü kemei dohen” shei eteke. Jeremiahlei shahthü hatouei dohnyüpeih.

MALAKI 2:10

Jen peüei pa hük nyüpü nevaipü je? Kahvang hüki jen peü nelingangpü je? Shejema mehekei jenei bühipathüi Kahvang mü vangeishuwpü mangei hüki hük khüei luteilemteinya?

SHAHPHENBÜTHÜ 2:10

Hapa denshat kübü shennyakthü peü didai, hatü denja pheihathüi Israel am shingvaishi Shembüpai mehe dük, ha betük.

KANDOK 12:5

Daülangpüthülei küpjanü shahhing, shejao nemeipüthülei shahhingü lueilemnyüpeih.

JEREMIAH 4:22

Ngelei nanglakthüyü ngapathü khih; jomi ngei nenyingnyu. Jomü sholi neshiüpü hashihthü; jom kü danaokpü neshiü. Jomü ten dükhen longi manpüthü, shejao mei dükhen nenyingnyu.