JEREMIAH 9:4 - DAÜLANGPÜ LAIHING (BSI)

⁴ Nüngei küphü kü lituh, hatü nüngei jeihinaü üpa kao hingtelem; mehenangkü nüngei jeihinaüthü lueilempüthü mon, küphü anaü kemei lueilempü am kei shinei kamteinyüke.

JEREMIAH 9:4 Referans Kwoze

JEREMIAH 6:28

Jom peü mong vaanpü, khüei yaongpü, hatü mih vüshihpüthü; jomü melangnyiam hatü nyiam keiha vaanshi jom peüi nemei-i düknyüke.

MATHI 10:21

Jeihinaüi jeihinaü jütükhen nangkü yutükhen, pa-i ha yuhen, hatü hapeüthüi nyühipa khüei yaonghen hatü jütükhen.

LEVI 19:16

Ammei nanglak khong kü shahshem langmaanei telongtei; chingyowpa lomohhütü nanglei danghen teyem. Ngeiyü Shembüpa nyüke.

JEREMIAH 12:6

Nüngei jeihinaü hatü shem ami nüng yuhahteke; Jomi nüng khüei ngeüwong anteke. Jomi nüng jung meishi eküjao nüngi hathü kü hingnelem.

KANDOK 25:18

Chingyow khüei shahshem denpü shuohpeyü phung, yanlu hatü lahhan kei nyüke.

KANDOK 10:18

Shahshem epü jubenyeijaangi jiühitnalai joei tuhnyeih, hatü üami lueilemei enya, hapayü ngapa khih.

MENVIH KESHO 15:3

üpalei yeijaangi nelunelemnya, hatü küphüthü kü ten nedüknya, nevaijü chingyow khüei shah nemeipü nebaongnya,

KAHBHAO 32:28

Hahepak kü hapa shennyaki, “Nüng kü hajük kü Jakob shei nenyükhen shejao Israel shei nyükhen; mehenangkü nüngi Kahvang hatü hangku mü bhowei neütükteke” shei eteke.

1 THESALONIKA 4:6

hatü ha tata kü üpaiyao jeihinaü nevaijü nyahinaü hük kü nejiüi tedük; mehenangkü shelei hami am kü epü hatü shahvüng shuohpükei Shembüpai hapa keipü mangthü peü shing shennyakthü kü hanghi shuohhen.

LUK SHAHSHA APPÜ 21:16

Nyühipai hatü jeihinaüthüi, shem ami hatü küphüthüi dangkao amphong yuhahhen; hatü jomi amphong hanei jütükhen.

MATHI 10:17

Amphongi jom kü lituh; mehenangkü jomi am shahphen shingei müei deihen, hatü Sinagoglei jomi am kü bheiphahen;

EZEKIEL 22:9

Hapa chingnyülei haneiyü mih jühen nangkü shahshem enyüke; shennyak haneiyü lajeithü kü moilapü hahying hahnyüke, hatü iyjeiphailei dou düknyüke.

KANDOK 6:19

Shahshem denpü shuohpü, hatü jeihinaü khongkü neshetnephen ngaihüpü nyüke.

KANDOK 6:16

Shembüpai jiühitpü doulem vok, büpa touei jiühitbenüng doulem nyet nyüke:

MENVIH KESHO 101:5

Joei chingyow kü lueilempü ngei mahtükhühen; changmeipü mongdang touei ngei nenteiaokei nenyuaoknyih.

ISAIAH 59:13

Mang thahpü, Shembüpa nelahpü, Kahvang phei nemüi lüdaipü, shüveidoideihen, hatü dehenlaohen eteipü, shahshem ehen deihpü hatü mongdang leipü vamei epü hathü nyüpeih.

JEREMIAH 9:8

Jomei yeijaangü dibenüng lahhan; ju kübü vamei lueilemei enyüke. Jom peü küphüthü kü shahmei enyüke, shejao mongeiyü jühen nangkü taphen temnyüke.

MALAKI 2:10

Jen peüei pa hük nyüpü nevaipü je? Kahvang hüki jen peü nelingangpü je? Shejema mehekei jenei bühipathüi Kahvang mü vangeishuwpü mangei hüki hük khüei luteilemteinya?

KANDOK 4:16

Douten mangdük thahshi jom neshiaoknyu; hanei am manglomohhü thahshi jom neshinyu.

KANDOK 4:17

Mehenangkü jomi douten dükei hahhen dangnyüke; hatü iy-aongmashateipü yiü jomi yingnyüke.

ISAIAH 9:16

Hapa nanglak müpüthüi jom lem pungei mü, hatü jomi müei daipüthü peü ai mah-ei tuh.