JEREMIAH 9:24 - DAÜLANGPÜ LAIHING (BSI)

²⁴ shejao üami changmeinya, jomi Shembüpa nyingpü nangkü maühehütuh; ngei monghahpü douthüyü bampai, shahhingi hatü daülangpai hapa kahdoknyü kü dou düknyeih shei Shembüpai enyüke.

JEREMIAH 9:24 Referans Kwoze

2 KORINT 10:17

Shejao, “Üpai changmeinya, büpai Shembüpa kü changmeituh.”

GALATIA 6:14

Jenei Shembüpa Jisu Khristalei shophang mü lenei ngei nechangmeishah, ha shingvaishi kahdoknyüi ngei shophang kü appeih, hatü ngei kahdoknyü shophang kü appeih.

1 KORINT 1:31

shejüang nyangei nyupü keiha, “Üpai changmeinya, Shembüpa kü changmeituh.”

MIKA 6:8

Oh shennyak, mehe mei büpai ha am kü eteke. Shembüpai jen leipü yüpeyü ha khih: Mehe shahhing ha dükhen, düngei bampü huhen, hatü jenei Kahvang mü munenei kamhen.

MIKA 7:18

Nüng keiha lebü Kahvang neshiü, Oh Shembüpa, Nüngi aoei nyupü laophülei nanglakthülei mang tüknyüke; Nüng denden mongshih-ei nenyunyu, shejao düngei ham kü bampü huhen mongongnyüke.

MENVIH KESHO 44:8

Kahvang kü nedoh-i ham maühenyeih, hatü hami düngei nüngei men vihhen.

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

MENVIH KESHO 51:1

Nüngi bampü shangshi ngei kü phahjishih, Oh Kahvang; nüngei phahji yahyang shangshi ngelei mang thittükshihma.

MENVIH KESHO 91:14

Üami ngei kü bam, ngei jom yanghen; ngelei men nyingpüthü ngei jom yanglanghen.

1 SAMUEL 15:22

Samueli jangei e: “Shembüpalei ven bangpü kü mongongpü keiha Shembüpai jakpü moilathü kü mongongnyu je? Moila shuohpü meyü ven bangpü-üng meipüba, hatü mi cheü leimeyü kenhingpü-üng meipeih.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

ISAIAH 41:16

Amphongi hathü shaptükhen, hatü vanglüki hathü maoei deilanghen, hatü yinglükpalei-i hathü haitükkemhen.

ROM SHAHSHA APPÜ 5:11

Shejao hapa mü nyeishi jen shaang mongjem pongpü jenei Shembüpa Jisu Khrista homei jen Kahvang mü shepei shahüteke.

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

ISAIAH 61:8

Mehenangkü Shembüpa ngeiyü shahhing kü bamnyeih; Ngeiyü gühpükaaipü hatü mang kü jiühitnyeih. Ngei hingshangi ngelei nanglakthü kü thintho shuohhen, hatü ngei nedohnetenpü vangpüshuwpü jomphong mü linghen.

MENVIH KESHO 99:4

Wong kohpü Ongpa, shahhing kü bampü, nüngi shahhing chonglingei tuhteke; nüngi Jakob kü shahhing, hatü daülangshemshepü dükteke.

LUK SHAHSHA APPÜ 10:22

Opai ngei kü douthü peü lanei shuohteke; hatü Pa mü lenei Ha üpaiyao nenying, nevaijü Ha mü lenei hatü Ha-i büpa shakei vamhühen jepüba mü lenei üpaiyao Pa nenying.”

MATHI 11:27

Dou peü Opa-i ngei kü lanei shuohteke; hatü Pa mü lenei Ha üpaiyao nenying; hatü Ha mü lenei hatü Ha homei büpa shakei vampü nyinghen shingvaishi jepüthü mü lenei üpaiyao Pa nenying.”

PHILIPPI 3:3

Hingshangi japtükpeyü jenphong, Kahvang Laangha kü khümpü, hatü Khrista kü changmeihen hatü phai kü monglemhen changshi nyujao phai kü mong nenyangpeyü jenphong.

ISAIAH 45:25

Shembüpa kü Israel jat peüi aokpü danghen hatü müknyinshekhanghen.

MENVIH KESHO 20:7

Hanei ami koyei khari kü, hatü hanei ami koyei kü mongnyangnyüke, shejao hami Shembüpa, hamei Kahvangei men kü hinglemnyeih.

MENVIH KESHO 34:2

Ngelei laanghai Shembüpa kü maühehen; ponghahpüthüi ha danei mongongtuh.

ISAIAH 20:5

Üami Kush am kü mongnyangnya, hatü Ijip nangkü changmeiyei deihnya, nyemhen hatü hai danghühen.

JEREMIAH 22:16

Büpai taopa hatü nehahneyingpüthü kü jiüpü shahhing dükpeih, hanangkü büpa mü lemphüli meishi nyuhampeih. Ngei nyingtuh shei epeyü ha nevaipü je shei Shembüpai enyüke.

MENVIH KESHO 34:3

Oh ngei mü Shembüpa longhüshah; hatü jen chemi büpalei men longhüshah.

MENVIH KESHO 44:9

Shejao nüngi ham yaktük hatü bhih-eimaantük, hatü nüng hamei veshanthü mü nedaikei.