JEREMIAH 9:23 - DAÜLANGPÜ LAIHING (BSI)

²³ Shembüpai hapakei enyüke: Kon kohpüthüi laophülei kon kü techangmeihü, wong kohpüthüi laophülei wong kü mongtelemhü, shemmeithüi laophülei mop kü techangmeihü;

JEREMIAH 9:23 Referans Kwoze

ISAIAH 5:21

Laophü nyingi nahnyüpeih, hatü kon kohnyüpeih shei deihpüthü onyükei!

CHONGVENBÜ 9:11

Vanghenyü phangkü ngei lemhük eetepih: Mokteipeyü la shangpü am shing mon nevai, nevaijü vehokü wong kohpü am shing mon nevai; hahyingü kon kohpü am shing mon nevai; mophimo-ü nahpü am shing mon nevai, bampeyü lahhinpü am shing mon nevai, shejao hepak hatü lashüh-i jom peü kü jiühünyeih.

ROM SHAHSHA APPÜ 1:22

Nahpülangpü am shei ehahnyüke, shejao jomü ngapathü leidaiteke;

EZEKIEL 7:19

Jomi jomei ngin chingyangshongei yaktükhen hatü jomei honü nyüphinya kei tuhphonghen. Shembüpa mongshihpü nyih jomei hon hi ngini jom neyangaokhen. Hapai shei jom aeipülepü shümoh nemeihen; mehenangkü mang kü huluh shuohhen mü hapai leihüpeih.

KANDOK 11:4

Mongshihpü nyih kü mopü nanglei neshiü, shejao daülangpüthüyü dipü kübü yangdainyeih.

DANIEL 4:37

Hanangkü shaang, ngei, Nebukadnezzari vangsho ongpa kü men long, vihpülüpü hatü dhüm shuohnyüpeih; mehenangkü büpai dükpü lemphüli jiüshangi hatü büpalei lem shahhing nyüke, hatü büpai changmeipüthü maanpü leitüknyüke.

MENVIH KESHO 62:10

Aetpüshepü kü hingtelem; angsha kü gühhen kü mongtelem; mop nyeinya dashingkü nüngei mong hathü kü tenyang.

SHAHKÜP 8:17

Am nyingi, “Hamei wongi ham shemmei leipeih” shei ehen aok.

1 TIMOTI 6:10

Mehenangkü lop kü bampeyü mang peüei tünglang, hatü shemmei leihüpü nangkü hanei amü vaipü kübü yanei lüdaiteke, hatü mongmang longpai jomei mongdang mangdaitü nyüke.

MARK 10:24

Nanglomthüi hathü shah kü thama. Shejao Jisui shao jomphong kü, “Hapeüthü, Kahvang ongchingei shühen meshük wongpüang!

ZEPHANIAH 1:18

Shembüpa mongshih anpü nyih jomei hon hi ngini jom neyangaokhen; Büpa mongshihpü awlah-i kahdoknyü peü shamtükhen; mehenangkü büpai kahdoknyü kü nyupüthü peü ngangahük kü dohtükkemhen.

EZEKIEL 29:9

hatü Ijip kahdokü lavüngtoiyei yakphonghen. Shejüang jomi ngeiyü Shembüpa shei nyinghen. Mehenangkü nüngi, “Nile yungyenü ngelei, ngei ha linghahpeih” shei eteke;

ISAIAH 10:8

“Ngelei veshan mübüthü peü ongthü hih” shei büpai enyüke.

CHONGVENBÜ 2:19

hatü büpayü nahpü nevaijü ngapa vaihen aoküpai nyingpa? Shejao vanghenyü phangkü ngelei kihikoni nyiueinangei düktükpü kü büpai shembü vaihen. Hapayao angsha khih.

1 SAMUEL 17:42

Büpai David kü veishuohshingkü hashih, veihen mon nethe meishi nyu; hanangkü büpai David kü naamei deih.

DANIEL 3:15

Shaang, ammi amit, liping, kongkoih, harp, phaam hatü lebü kesho lokpü hadir vüngpü danhinüng, aümei shaei lajei kü khümtuh. Shejao ammi hapakei nekhümjema, am peü shaang-üng yepei bah-ei nyupü awbhaong kü shüktükhen. Mepa kahvangi am ngelei lak kübü yangaokhenang?”

1 KORINT 1:31

shejüang nyangei nyupü keiha, “Üpai changmeinya, Shembüpa kü changmeituh.”

PHILIPPI 3:8

Ha mü nyeishi Khrista Jisu ngelei Shembüpa nyingpü peü mü longpü nanglei mü shetteijü lemphüli lomoh khih shei ngei ieyeilemnyeih. Büpalei men kü ngei lemphüli lomohtükpeih, hatü ngei hathü kü nyüphinya shei enyeih, shejüang ngei Khrista danghen,

PHILIPPI 3:10

Ngei Khrista hatü büpa yangei leipü ngan nyinghünyeih, hatü büpa dipü kü büpa kei leiyei büpa shangpongpü kü hanteihünyeih.

JOB SHAHSHA APPÜ 32:13

‘Hami kihikon dangtih’ shei amphongi te-ehah; hangkuli nevai, Kahvangi mon Job nyemvüshih.

KANDOK 3:5

Nüngei mong kempai Shembüpa kü hinglemtuh, hatü nüngi nyinghahpü kü mongtenyang.

KANDOK 21:30

Shembüpa khüei neüaokhen mü kihikon, yao-aokpü, hatü küpjan meleiyao neshiü.

ISAIAH 20:5

Üami Kush am kü mongnyangnya, hatü Ijip nangkü changmeiyei deihnya, nyemhen hatü hai danghühen.

ISAIAH 47:10

Ammei mang kü ammi mong yangei deihnyüke, hatü, “Üpaiyao ham ne-eeaokpih” shei deihnyüke. Ammei kihikon hatü nyingpühingpai am lemnyong kü mülang, hatü ammi ammei mongei, “Ham mon, ham mü lenei lebü neshiü” shei ehahnyüke.

JEREMIAH 48:7

Ammi ammei wong kü hatü mop kü monglempü nangkü am wüpküpei daihen, hatü Kemosh amao jomei ngongpathü, hatü lakchongbüthü omshi wüpküpei daihen.

JEREMIAH 49:4

Mehekei nüngei wong kü changmeinya? Nüngei wong mahdainyüke Oh hingnelempü nela; Nüngi nüngei mop kü monglemshi, ‘üpai ngei hahhen peikahen?’ shei enyüke.

JOB SHAHSHA APPÜ 41:15

Büpalei dokü ii laap longi, laap mü laap mü dheanei lingei nyüke.

MENVIH KESHO 33:5

Büpai daülangshemshepü, hatü shahhing kü bamnyüpeih; kahdoknyü-ü Shembüpai bampai maei nyüke.

MENVIH KESHO 34:3

Oh ngei mü Shembüpa longhüshah; hatü jen chemi büpalei men longhüshah.

MENVIH KESHO 44:9

Shejao nüngi ham yaktük hatü bhih-eimaantük, hatü nüng hamei veshanthü mü nedaikei.

JEREMIAH 31:34

Hajük kü shennyak hüki laophülei chingyowpa kü, nevaijü shennyak hüki laophülei jeihinaü kü, ‘Shembüpa nyingtuh’ shei nenyuhteihen; mehenangkü maanpü kübü longpü thahshi jom peüi ngei nyinghen. Mehenangkü ngei jomei mang tükhen, hatü hajük kü jomei mang deih-ei nedangpih” shei Shembüpai enyüke.

JEREMIAH 48:14

“Hamü hampathü, vehok kü monglongpü veshanthü” shei mekei ami eaoknya?

MIKA 6:8

Oh shennyak, mehe mei büpai ha am kü eteke. Shembüpai jen leipü yüpeyü ha khih: Mehe shahhing ha dükhen, düngei bampü huhen, hatü jenei Kahvang mü munenei kamhen.