JEREMIAH 9:16 - DAÜLANGPÜ LAIHING (BSI)

¹⁶ Jom nevaijü chebü chepai nenyingpü jatthü touei ngei jom haitükhen; jom mangmah thahshi ngei jom pheikü yan shomhen.

JEREMIAH 9:16 Referans Kwoze

EZEKIEL 5:12

Amphong khong kübü phaihan jem kü hükü tüngpüaipai hatü shaühile homei dihen; phaihan hükü chingnyü haoei deiyei mih-ei yani mahhühen, hatü shompü phaihan hükü ngei vanglük kü domtükhen hatü ngei ha pheikü yan noshi changhen.

EZEKIEL 5:2

Mechem chingnyü shümpü dohhenshang, hapa phaihan jem kü hük yah-ei chingnyü mongei jaktuh. Shao aopü kübü phaihan hük yah-ei nüngi chingnyü haolei deiyei dehtuh. Aopü phaihan hük yah-ei vanglük kü domeishuoh, hatü ngei ha pheikü yan noshi changhen.

SHAHKÜP 28:64

Shembüpai am jatthü peü touei junghük kübü junghük dohpü ngoishi haitükhen, hatü ammi nevaijü ambü ampai nenyingpü yaong, hatü pü kahvangthü kü khümhen.

LEVI 26:33

Ngei mih jatthü touei am haitükhen, hatü am khüei yan nohen, hatü am kü changhen; ammei kahdok hatü chingnyüthü lavüngtoiyei leitükhen.

JEREMIAH 44:27

Mehenangkü ngei jom kü mei shing nevai, shanghah shuohhen nangkü veishi nyuhen; Ijiplei nyupü Jehoda am peü mangmahkem thahshi yan hatü münghishaü homei dihükemhen.

JEREMIAH 13:24

Bhih kahdok leipü vanglüki hahbhang pilangpükei ngei am haitükhen.

JAKOB 1:1

Jakob, Kahvang hatü Shembüpa Jisu Khristalei chongphobüi kahdoknyü kemeilei haidaipü jat anpünyi touei selam.

ZEKHARIAH 7:14

Jomi nenyingpü kung kahdokei alüngleple kei ngei jom maoei haitükpeih. Üpaiyao nenyui hajük meipü kahdok lavüngtoiyei tuhphongpeih. Hapa keiha meipü kahdok jomi vüngmaki tuhhen mü lingteke.

EZEKIEL 20:23

Nyeinya vaishi ngei jom kü jahpanei nyushi ngei jomü jatthü touei, hatü kahmük laolao kü haitükhen shei lah-ei epeih;

EZEKIEL 14:17

Nevaijü ngei hapa kahmük kü yanlu yah-ei peiyei hapa kahmük yani mahhütuh shei ejü haleipü shennyakthü hatü yemhimakthü kemei mahshingkü,

EZEKIEL 12:15

Mechem ngei jom jatthü hatü kahmükthülei haitükhenshang, jomi ngeiyü Shembüpa shei nyinghen.

EZEKIEL 11:17

Hanangkü Shembüpai hapakei enyüke shei etuh: Ngei jatthü toueipü amphong thailanghen, hatü am haidaipü kahmükthü leipü ngei am müei leilanghen, hatü ngei Israel kahdok shao am kü shuohhen.

JEREMIAH 29:17

Hih, Jeiyong Shembüpai hapakei enyüke: “Ngei jom khüei yan, münghishaü hatü cham shomhen, hatü ngei jomü hahhen nemeipü adhajük kei leitükhen.

JEREMIAH 25:27

Jeiyong Shembüpa, Israel Kahvangi hapakei enyüke shei nüngi hathü kü etuh: Mehenangkü ngei am touei yan shompü nangkü yingtuh, choktuh hatü bhaituh, dotuh hatü paoei teyaong.

JEREMIAH 24:10

Ngei jom hatü chebü chepa kü shuohpü kahdok leipü mangmah thahshi ngei jom khüei yan, münghishaü hatü cham shomhen.

MENVIH KESHO 106:27

hatü jomei hühihathü jatthü peü touei yantükhen, hatü kahdok peü lemei haitükhen shei lahteke.

NEHEMIAH 1:8

Nüngi nüngei chongphobü Mosa homei, ‘Am hingnelemjema, ngei amphong lebü jatthü touei haitükhen;

SHAHKÜP 32:26

Ngei jom chemjalak kü mahtükhah shepeih, hatü hangkunyüi nedeihnelehen mü thittükhah shepeih;

SHAHKÜP 28:36

Shembüpai am nevaijü ammei bühipai nenyingpü lebü kung kahdokei am hatü ammei ong deishihhen. Halei amphongi yaong hatü pü-i lingpü kahvangthü chongphohen.

SHAHKÜP 28:25

Shembüpai am vepathüi aokhühen. Amphongi jom touei lem hük kü mon peihen shejao jom toueipü amphong lem nyet kü nyaihen, hatü kahdoknyü nanglaki am mehe ponghahnya ha eeyei nyemhen.

SHAHKÜP 4:27

Am maani mon tuhphongtü kemei lebü jatthü touei haitükhen.

JEREMIAH 8:19

Bahiyang kempülei ngelei nanglakthü hapakei vaüpü eepü bangtuh: “Zionlei Shembüpa nenyupü je? Pinnyülei Ongpa neshiüpü je?” Shembüpa, jomei ongpai jangei, “Mehekei ammi lajei kü khümei, kung amei kahvangthü kü khümei ngei mongshihhüpa?” shei enyüke.

CHONGVENBÜ 12:5

Nüng vakhivien kü kamhen nyemdaihen, hatü nekamneyaongaoki leidaihen. Nüng sheyü shosho pungdaihen; sheyü laknolathan neaoki leidaihen, hatü mehe yahlak hahlakao nena-i leidaihen. Hapheikü shennyakü nedohnetenpü nyuishing yemei lüdainyeih, hatü hapheikü chingyangshongei mahng theppü chongkahen.

JEREMIAH 7:29

Ammei sho japei yaktüktuh; shangtaothülei mahng theptuh; mehenangkü Shembüpai büpa mongshihhüpü nanglakthü yaktükhen.

EZEKIEL 27:2

Shennyak ha, Tyre am kü mahng kesho hük lokeishuoh.

AMOS 5:16

Hanangkü Shembüpa, Jeiyong Shembüpa Kahvangi hapakei enyüke: Chingmuh chingshang peü kü theppü nyuhen, chingyangshong peü kü Onyükei, Onyükei shei lenhen. Young kesho eyei thepteipüthü mü kahling amao thephen nyükhen.

MIKA 2:4

Hapa nyih shennyakthüi am kü naamei, mongkü yabenüng kesho lokphahen, hatü shahyaki mongkü tüngei thepei ehen, “Ham chemjalak kü bentükteke, ngelei nanglakthülei mophimo hantükteke, büpai ngei leipü yahlangteke, hamei kahthü vepathü kü hantükteke.”