JEREMIAH 9:14 - DAÜLANGPÜ LAIHING (BSI)

¹⁴ shejao jomei mong vaanei chebü chepai nyuhshuohpü keiha Baal kahvang pheikü lüdaipü nangkü ha vampeih.

JEREMIAH 9:14 Referans Kwoze

JEREMIAH 7:24

Shejao jomi ha nebang, hatü jomei dhaong neshaang, shejao jomei mang mong vaanei jomi deihhahpü lem kü kam, hatü sheshalei nevai, ngaümphei lemei veipeih.

JEREMIAH 3:17

Hahepak kü Jerusalem keyü Shembüpalei ong uoshing shei nyükhen, hatü jatthü peü halei Shembüpa nyushing Jerusalemei thaihen hatü jomi hajük kü mong vaanei jomei mangi mongpü lem kü nedaihen.

1 PETER 1:18

Ammei bühipa kübü dangpü yangnyu lem kong kübü am angei leipeih shei ammi nyingei nyüke, hatü hayü mahdaihen hon hi ngin homei nevai,

EPHESIA 2:3

Chem jen peüi phai-i mongpü aimü jom mü nyuei, phai hatü mongi vaüpü phei müei nyu, hatü jenphongü nyingnyoi kü-üng Kahvang mongshih ponghahhen hapeüthü nyuteke.

GALATIA 1:14

Jehoda vaipü vanglem kü hamei nanglak ngelei yienhihien khongkü ngei nyeinya shehongei nyupeih; mehenangkü hamei büyempaya kü ngei nyeinya nyakeikenei nyupeih.

JEREMIAH 2:8

Ngongpathüi, “Shembüpa melei nyüpa?” shei nephe; shahkungnyü noteipüthüi ngei nenying; vanglem lempüthüi ngei khüei mang thah; thibüthüi Baal kahvang jung tetei e, hatü nanglei neshiüpü douthü pheikü lüdai.

KAHBHAO 6:5

Kahdoknyülei nyupü hangkulei mang ahshi longshi khih, hatü düngei jomei mongei ten mon deihnyüke shei Shembüpai veiteke.

JEREMIAH 44:17

Hami dükhen shei epü lemphü dükhen. Hami Vangsho Onglanyü kü ham hatü lakchongbüthüi Judah jila hatü Jerusalem chingyangshong kü ayingshü jakei, yiü moila langei khümpükei khümhen hih. Hahepak keyü hamü hahying changshi, angeideiyei hatü neshanghah-i nyupeih.

JEREMIAH 2:23

“Ngei nesheih-angpih hatü Baal kahvang kü nekhümangpih” shei eaokhen je? Kahjilei nüng mekei nyupa veihümao, nüngi mehe dükpa deihhümao. Nüngü shülangi mokpü ut chenyü khih,

JEREMIAH 11:8

Shejao jomi ha nebang, nevaijü dhaong neshaang, shejao mong vaanei mangi mongpü lem kü peü kampeih. Hanangkü vangpüshuwpülei nyangei nyupü thaüvaü kemei jom touei peihüpeih, shejao jomi ha kao nebang” shei eteke.

JEREMIAH 13:10

Ngelei shah nebanghüpü, mong vaanei laophüi mongpü lem kü daipü hatü lebü kahvangthü chongphoei khümpü mang shennyakthüyü hapa yahlak neshiüi mangdaipü shüng ashak kei nyuhen.

JEREMIAH 16:12

Shejao ambü ampa mao nemeipüba am nyuteke. Ngelei shah banghen nangjei am peüi laophülei mongdang vaanei mang mongdang pheikü müpü kü veihümao.

JEREMIAH 23:27

Chebü chepai Baal kahvang kü khümei ngei betükpükei jom hüki hük mü eteipü mang homei ngelei nanglakthüi ngelei men betükhen shei deihnyüke.

AMOS 2:4

Shembüpai hapakei enyüke: Judah amei mang jem nangkü, hatü ali shingvaishi ngei hanghi neyahlangpih; Mehenangkü jomi Shembüpalei shahkung yaktük, hatü büpalei shahkungnyüthü nedük. Shejao jomei chebü chepa am keiha aihük shahshem kahvangi jom peü lemnyong kü mülangteke.

JOB SHAHSHA APPÜ 9:18

Büpai sheyü ngei kü yangnyu ngü neyahphahen khih, shejao ngei shahyakpai mahüteke.

JEREMIAH 8:14

Jen mehekei nenmü uoshi nyuhen? chemi thaishah hatü penyü showtükpü chingei aongei halei didaishah; Mehenangkü Shembüpa, jenei Kahvangi jen kü mahhen hanteke, hatü leü nemeipü kohpü yung yinghen shuohteke, mehenangkü jeni Shembüpa khüei mang thahteke.

JEREMIAH 23:15

Hanangkü thibüthü nangkü Jeiyong Shembüpai hapakei enyüke: “Ngei jom kü shahyakpü hahying ühhen, hatü dihen leü kohpü yung yingshuohhen; Mehenangkü Jerusalem leipü thibüthü homei Kahvang nenyingpü douthü kahdok kü vamhüteke.”

YOUNG LAI 3:15

Büpai ngei shahyakpai mahüpeih, hatü hahying nangjei shahyakpü phenlak ühphopeih.