JEREMIAH 9:11 - DAÜLANGPÜ LAIHING (BSI)

¹¹ Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

JEREMIAH 9:11 Referans Kwoze

ISAIAH 25:2

Mehenangkü nüngi chingnyüao nyüp yakshing leitük, penyü showtükpü chingnyüao bentük; Kung amei chingnyü-ü ching neshiüi leitük, hapa sheyü nelingaokhen.

JEREMIAH 51:37

Babylonü benpülangpü nyüp yakshing leitükhen, shahhishuwlei jep leitükhen, Üpaiyao nenyupü nyembenüng, hatü eelanyongnya shing leitükhen.

JEREMIAH 10:22

Bangtuh! Shahjang peikünyüke– Apshaphi kahdok leipü mophicheü longpü hük Judah kahdok lavüngtoiyei mahu nyuishing vaiyei tuhphonghen peikünyüke.

ISAIAH 34:13

Ongshem peü hüh longei lümlanghen, hatü penyüsha kemei hühhihangi jümlanghen. Hapa shingü shuwthü hatü Ostrikh outhülei chephijaan leidaihen.

ISAIAH 13:22

Haleipü shem adokei shuwthüi, hatü ongshemthülei mahuthüi changtei changteitü vaühen. Babylon mahhen nyih ngoiteke; pinnyü nyih lushi nenyuhen.

MIKA 3:12

Mehenangkü am tata kü Zionü kah kü han hokpükei hokei yaktükhen, Jerusalemü nyüp yakshing leitükhen, phopshemü pheni luplanghen.

YOUNG LAI 3:47

Hami nyemhivüng hatü pang heühahteke; shangpong yakying hatü mahpü chahpü heüteke.

YOUNG LAI 2:2

Shembüpai phahji neshiüi Jakob nyushingao mangtük; Büpa mongshihpai Judah nelalei penyüsha-ao bentük. Büpai ongching hatü halei vanglem lempüthü dhüm neshiüi chongei vütük.

JEREMIAH 34:22

Ngei ngeükhüam shuohhen, hatü ngei hathü hapa chingnyülei müei leihen shei Shembüpai enyüke. Jomi ha khüei hokhen, kaamei yahhen hatü awi haptükhen. Üpaiyao nenyuaokhen mü ngei Judah jilathü lavüngtoiyei tuhphonghen.

JEREMIAH 26:18

Judah am Hezekiah ongpalei nyih kü Moresheth am Mikah-i teteivanei epeih. Büpai, Jeiyong Shembüpai hapakei enyüke” shei nanglakthü kü epeih; Zionü kah kü han hokpükei hoktükhen, Jerusalemü nyüp yakshing leitükhen, hatü phopshem shangü phaüying leidaihen.

JEREMIAH 25:11

Hapa kahdok kemei lavüngtoiyei leihen hatü ha jatthüi bong pejempüan thahshi Babylon ongpa chongphohen.

MENVIH KESHO 79:1

Oh Kahvang, jatthüi nüngei mükjüp kahdokei peiteke; jomi nüngei daülangpü phopshem sheihtük; jomi Jerusalem mangtükteke.

MIKA 6:16

Mehenangkü amphongi Omri ongpa, hatü büpalei cheha Ahab ongpa nyi-i dükbenüng douten dükpü nangkü ha vamkahen, hatü ammi jomei vanglem kü kamteke. Hanangkü ngei am mahtükhen, hatü peüi am yaktükhen. Jatli nanglak peüi am kü ne-ienelemi noteihen.”

MIKA 1:6

Hanangkü ngei Samariayü nyüp yakshing hük, nyalingngupai sheihen shing hük leihühen. Ngei haleipü yaongthü paangei kahjilei shantükhen, hatü pinnyülei chongnyiam shing kong leitükhen.

JEREMIAH 26:9

Mehekei nüngi Shembüpalei men kü hapa phopshem Shiloh kei leidaihen, hatü hapa chingnyü shennyak nenyui lavüngtoiyei leitükhen shei epa?” shei e, hatü Shembüpalei shemei Jeremiah shonei nanglakthü thai.

JEREMIAH 25:18

Jerusalem hatü Judah jilathü, haleipü ong hatü lakchongbüthü, jom shinnyih nyupükei lavüngtoiyei leihühen, peüi yaüpülungpü, mihnyi pü, eelanyongnya dou hatü thaüvaüthemthe leihühen;

ISAIAH 44:26

Shejao mechem ngelei chongphobüi teteivanei ehen, mechem ngelei küpjan shakei vamhühen shingvaishi ngelei chongphobü shomhen, Ngei hathü tetshahvanshah hatü küpjanthü jiühünyeih. Shennyakthü shao chingchingei nyuhen shei ngei Jerusalem kü enyeih, hatü Judah chingnyüthüao shao ne-ei leiyei linghen, hatü beneilangei nyupü shao ngei lingei leihen.

NEHEMIAH 4:2

Büpai büpalei sheühbüthü hatü Samaria leipü veshanthü touei, “Jehoda am patenthüi mehe lingnya? Jomi bham lingei leiaokhen je? Jomi moila shuoh-ei aokhen je? Jomi nyih hük kü temaokhen je? Awi hahtükpü yaongthü khongpü shao mei leiyei lingaokhen je?” shei eteke.

SHAKEI VAMPÜ 18:2

Büpai ngeü longpai nyükei e: “Doteke, doteke longpü Babylon! Hapayü kahshihthü nyushing leidaiteke, mang laangha hatü jiühitbenüng outhü nyushing, mang laangha hatü jiühitbenüng yemhathü nyushing.

LEVI 26:32

Ngei ammei kahdok chemjalak kü mangtükpü eeyei ammei kahdokei nyunüng peipü vepathüi hapa kü yashanhen.

MENVIH KESHO 44:19

Shejao nüngi ham ngümtük, hatü shuwthü mü tuhphong, hatü shangmang longpai jümphong.

JEREMIAH 1:15

Shaang ngei apshaphi leipü ongching jatthü peü kü nyüknyüpeih shei Shembüpai enyüke, hatü jom peü peiyei Jerusalem penyüshalei jomei ong uoshing linghen, hatü Judah kü shinpü bhamthü hatü chingnyüthü peü khüei yaonghen.

JEREMIAH 4:27

Shembüpai hapa enyüke: “Ngei hapa chemjalak kü nemangjao, hapa kahdok kemei lavüngtoiyei leihen.”

JEREMIAH 44:2

Jeiyong Shembüpa, Israel Kahvangi hapakei enyüke: “Ngei Jerusalem hatü Judah jilathü kü koei peipü shanghahthü ami ammei müki lekei eeteke. Shinnyih hathü kemei lavüngtoiyei, shennyak neshiüi nyüke;

JEREMIAH 49:33

Hazor-ü shuwthülei baümshing leidaihen, lavüngtoipü shing leitükhen; halei üpayao nenyuhen nevaijü halei chingchingeinenyuhen.”

JEREMIAH 50:3

Apshaphi leipü jat hüki pinnyü hahhen, hatü pinnyülei kahdok lavüngtoiyei tuhhen. Üpayao halei nenyuhen; shennyak hatü yemhimak chemi nyaidaihen.

YOUNG LAI 1:4

Zionlei aongpü lemnyüao youngteke; Mehenangkü üpaiyao hapa lemnyü kü mohitap kao nelingleinyu. Pinnyülei penyüsha vüngmaki küpdai, haleipü ngongpathüao youngnyüke; haleipü nelathüao mongshangnyüke, hatü pinnyü-ü shahyakpü mongshang kü nyüke.

SHAHKÜP 29:23

Kahdok bahiyang kemei kü hüm hatü awkaong meli kü kei aw bah-ei kong leidaihen; meheyao nesheiaokhen; meheyao nekohkahen. Hapayü Shembüpai mongshih-ei Sodom hatü Gomorrah, Admah hatü Zeboiim mahtükpükei nyukahen.

MENVIH KESHO 107:43

Kon kohpüthüi ha nyingei lituh, hatü Shembüpai bampü deih-ei dangtuh.

JEREMIAH 8:22

Gileadei meli neshiüpü je? halei meli nobü neshiüpü je? Mehekei ngelei nanglakthüi büm yangei neleinya?

JEREMIAH 16:10

Mechem nüngi hathü shah hapa nanglakthü kü eshuohhen, jomi nüng kü, “Mehekei Shembüpai ham khüei hajük longpü shanghah shuohpa? Hami mehe mang dükpa? Shembüpa, hamei Kahvang khüei mehe mang hami thahpa?” shei ephüjema,