JEREMIAH 9:10 - DAÜLANGPÜ LAIHING (BSI)

¹⁰ Ngei kahshangthü nangkü thephen; mehenangkü üpaiyao nelongteihen mü lavüngtoiyei nyüke; halei mohoh vaüpü nedannyu; Ouhiyüh hatü yemhimak peü lüdaikemneshiü.

JEREMIAH 9:10 Referans Kwoze

JEREMIAH 12:4

Meshük lushi kahdoki mahng thephen? hatü kah kübü phenha kaudaihen? Mehenangkü haleipü shennyakthü mang vaipü nangkü, Yemhimak hatü outhü peü mahdaikemteke. Nyeinya vaishi nanglakthüi, “Jen kü mehe vamhen ha büpai ne-eepih” shei enyüke.

HOSEA 4:3

Hanangkü kahdok vandainyüke, hatü halei nyupüthü peü didainyüke. Yemhimakthü, shangouthü hatü yungching leipü nyahthü peü didainyüke.

EZEKIEL 33:28

Ngei hapa kahdokü lavüngtoiyei yakphonghen, hatü pinnyüi changmeipü wong dohtükhen, hatü Israel amei kahshangthü üpaiyao nepeihteihen mü lavüngtoiyei leitükhen.

EZEKIEL 29:11

Shennyak nevaijü yemhimakei lakhila-i ha kü shoupei nekamhen, hapayü meheyao nenyui vangbong pinyi thahshi tuhhen.

EZEKIEL 14:15

Nevaijü ngei kahmük kü phaüyemthü shomei haleipü shennyakthü peü jütüktü üpayao halei nelongteiaokhen mü leihüshingkü,

JEREMIAH 12:10

Kung am vanglem lempüthü longi peiyei ngelei nyalingngupai kah mangtük; jomi ngelei kah nyeütük; Jomi ngelei bamhüpü kahdok bhih kahdok leitükpeih.

JEREMIAH 7:29

Ammei sho japei yaktüktuh; shangtaothülei mahng theptuh; mehenangkü Shembüpai büpa mongshihhüpü nanglakthü yaktükhen.

YOUNG LAI 2:11

Theppai ngelei mük poukdaiteke; ngelei nanglakthü mahdaipü nangkü ngelei mongkü tüngnyüke. Hashihthü hatü aküngnaühathü chingyangshongei shomeiyingnyüke.

YOUNG LAI 1:16

Hanangkü ngei youngnyüpeih; ngelei mük kü mükphi yennyüpeih. Ngei nyiushem meihühen, ngei mongyanghühen üpayao neshiü; Ngelei hapeüthü lakkong nyüke; Mehenangkü vepathüi aoklangteke.

JEREMIAH 23:10

Kahdokü mükbongjuyungpüthüi maei nyüke; thaüvaüpü nangkü kahdoki mahng thepnyüke, hatü jahpan kübü phenha vandaiteke. Thibüthülei lem nemei, hatü jomei wong nejiüi nonyüke.

JEREMIAH 14:6

Phaü gaduthüi shangchingthü koshoyalei aongei mahuthü kei vanglük yemei mokteinyüke; Phenlak neshiüpü nangkü jomi mükiyao ne-ee-i leidaiteke.

JEREMIAH 8:18

Mongong mahdai, ngei kü mongmang peiteke, ngelei mongkü tüngnyüke.

JEREMIAH 2:6

Jomphongi, “Ham Ijip leipü müei leipü, bhih hatü kahsha mon nyupü jahpan homei, ühivan hatü vangnyak nyupü kahdok, üamiyao nekamteipü hatü üamao nenyupü kahdokei ham müei leipü Shembüpa melei nyüpa?” shei jomi ne-e.

ISAIAH 49:19

Am nyaidaitü chingkong nyulangmao, hatü ammei kahdok lavüngtoiyei yakphongjao, halei nyuhen leipüthü shingvaishi kahdok maandaitü ponghen, hatü am lomohhüpüthü am toueipü taishi lüdaiphahen.

ISAIAH 41:15

Ngei amü hah hi aung ngümteipü kol ja nahshi hatü bha longi kohpükei leihühen hih. Amphongi kahshangthü ngümtükhen, hatü shangchingthü hahbhang kei leitükhen.

JEREMIAH 50:3

Apshaphi leipü jat hüki pinnyü hahhen, hatü pinnyülei kahdok lavüngtoiyei tuhhen. Üpayao halei nenyuhen; shennyak hatü yemhimak chemi nyaidaihen.

EZEKIEL 27:2

Shennyak ha, Tyre am kü mahng kesho hük lokeishuoh.

JOEL 1:13

Dhoila ashak ümtuh hatü theptuh, Oh ngongpathü; youngtuh, am moidülei chongphopüthü. Peikei, vangnyak dhoila ashak ümtü phoptuh, amphong ngelei Kahvang chongphopüthü; Mehenangkü Shembüpalei phopshem kübü hahying, hatü yiü moila shümlangteke.

JOEL 1:19

Nüng kü lennyüpeih, Oh Shembüpa; mehenangkü awi phenha peü jangtükteke, hatü awlomi pühivungthü peü hahtükteke.

AMOS 5:1

Oh Israel nanglakthü, hapa shah bangtuh, ngei am kü mangh kesho hük lokphanüng:

AMOS 5:16

Hanangkü Shembüpa, Jeiyong Shembüpa Kahvangi hapakei enyüke: Chingmuh chingshang peü kü theppü nyuhen, chingyangshong peü kü Onyükei, Onyükei shei lenhen. Young kesho eyei thepteipüthü mü kahling amao thephen nyükhen.

MIKA 2:4

Hapa nyih shennyakthüi am kü naamei, mongkü yabenüng kesho lokphahen, hatü shahyaki mongkü tüngei thepei ehen, “Ham chemjalak kü bentükteke, ngelei nanglakthülei mophimo hantükteke, büpai ngei leipü yahlangteke, hamei kahthü vepathü kü hantükteke.”

JEREMIAH 2:15

Mailangthüi jom kü ngüngnyüke, jomi wongmü ngüngteke. Jomi büpalei kahdok hatü chingnyüthü shennyak neshiüi lavüngtoiyei leitükteke.

JEREMIAH 12:11

Jomi hapayü lavüngtoipü jahpan leitük; hayü ngei touei lavüngtoiyei nyüke. Kahdok kemei üpaiyao nejungpü phaü leitükteke.

YOUNG LAI 5:18

Zion Kahshang lavüngtoiyei leidaipü nangkü mahuthü vaüei longteinyüke.

EZEKIEL 6:6

Melei am nyuhenshang, hapa shingü lavüngtoiyei tuhphonghen, hatü lajeithü bentükhen, shejüang ammei moidüthü bendaitü vüngmaki leidaihen, ammei lajeithü nihtü yaktükhen, ammei ayingshü jakpü moidü peü bentükhen hatü ammei lakdou kemei thitei yaktükhen.

MIKA 3:12

Mehenangkü am tata kü Zionü kah kü han hokpükei hokei yaktükhen, Jerusalemü nyüp yakshing leitükhen, phopshemü pheni luplanghen.