JEREMIAH 8:4 - DAÜLANGPÜ LAIHING (BSI)

⁴ Shembüpai hapakei enyüke shei nüngi hathü kü etuh: Mechem hanei am dohen, paoei neyaongaoknyu hiang? Jom lemnyong kü daijü nyokei neleinyu hiang?

JEREMIAH 8:4 Referans Kwoze

KANDOK 24:16

Mehenangkü jom nyetpa dolangmao, jomphong shao-üng paokahen; shejao mangthü vongshüh-i mahkemhen.

MIKA 7:8

Oh ngelei vepa, nüngi ngei kü naamnyi tenyima; Ngei dolangmao shao ngei paokahen; Shaang ngei vangnyak kü nyulangmao, Shembüpayü ngelei vangngai vaihen.

HOSEA 6:1

Nanglakthüi enyüke, “Huoi, jeni Shembüpa touei mong lepei leishah, Büpai jen khih mü shaaktükteke, shejao hingmei büpai ha meiphahen; Büpai jen ma yahhüteke, shejao büpai makaw thüngphahen.

JEREMIAH 3:1

Baha hüki laophülei nyüha mü yanjü, pinnyüi büpa toueipü yanei daiyei lebü baha mü doi lüdaipheikü shao büpai pinnyü touei nyokei leihen je? Hapa keipü kahdok sheih-ei neshiüpü je? Ammi chühimai longi mü mükbungjuyungteke, hatü am ngei touei leiaokhen je? shei Shembüpai enyüke.

ISAIAH 55:7

Nemeipüthüi laophülei lem, hatü mang shennyakthüi laophülei chudeih ten yakphongtuh. Jom peüi Shembüpa Kahvang touei mong lepeileituh, hatü büpai jom kü phahjihen hatü mang tükhen.

AMOS 5:2

Mechemao nepao-aokhen mü Israel nela doteke. Üpaiyao pinnyü phukhen neshiüi kahdokei shükshi nyüke.

HOSEA 14:1

Oh Israel, Shembüpa, ammei Kahvang touei mong leptuh. Ammei mangi am dopeih!

HOSEA 7:10

Israel am changmeipai jom khüei denpü nyüke, shejao jomi jomei Shembüpa, Kahvang touei mong nelep, nevaijü büpa yemei nelei.

EZEKIEL 18:23

Mangthü dipü kü ngei mongmeinyu hiang? shei Shembüpa Kahvangi enyüke. Jom mang lemthü kübü mong lepei leiyei yemmü nyuküjü ngei mongneongnyu je?

ISAIAH 44:22

Ngei ammei mang phumnyak changtükpü keiha daütüktih; Ngei touei mong lepei leikei, mehenangkü ngei amphong angei leitepih.

1 ONGPATHÜ 8:38

hatü mechem nüngei Israel nanglakthüi laophülei mongdang kü tüngei deihtü hapa Phopshem philei jomei lak haongshi phophen, nevaijü phehenshang,

JEREMIAH 36:3

Üpai nyingpa, mechem Judah ami ngei jom kü shuohhen shei tempü shanghah jung danhenshang, jom peüi jomei mang lemthü kübü mong lephen aokpeih; hapakei vaijema ngei jomei mang hatü jomi shaitükpü mang peü tükhen.”

JEREMIAH 23:14

Shejao Jerusalem am thibüthü khongkü nyeinya nemeipü dou ngei eepeih. Jomi mükbongjuyung düknyüke, hatü shahshem kü kamnyüke; Jomi douten dükpüthülei lak wong kohhünyüke; hapai üpayao mang kübü nyokei neleinyu. Ngei touei jom peü Sodom am keiha, hatü Jerusalemü Gomorrah kei nyüke.

JEREMIAH 4:1

Am mong lepei leijema, Oh Israel, ngei touei am lepei leijema, Ammi ngei toueipü jiühitnalai dou yaktükjema, hatü neleplüki nyujema,

JEREMIAH 3:22

Mong leptuh, Oh hingnelempü Israel, ngei am hingnelempü meitükphahen. “Ham nüng touei peikünyeih; mehenangkü nüngü Shembüpa, hamei Kahvang.