JEREMIAH 8:2 - DAÜLANGPÜ LAIHING (BSI)

² hatü jomi bamei chongphoei, ha phei müei, hatü khümei nyupü vanghenyü, lennyü hatü vangsho lithathü kü yeemei tuhhen; hathü üpaiyao thaiyei kahdokei dungei netuhhen, shejao chingyangshongei nühinam yaüpükei yaüshi tuhphonghen shei Shembüpai enyüke.

JEREMIAH 8:2 Referans Kwoze

2 ONGPATHÜ 23:5

Judah ongthüi Judah jilathü hatü Jerusalem shonei vaümchongthü, Baal kahvang, vanghe, lennyü, kahdoknyüthü hatü lithathü kü ayingshü jakei khümhen shingvaishi jepü ngongpathü peü ngongpa dousho kübü dohtük.

PHONGSHANTHÜ DOU 7:42

Shejao Kahvang jom toueipü yandai hatü vangsho lithilen kü khümhen shuohtük. Thibüthüi lai kü hapakei nyangei nyüke: “Bong pinyi jahpanei nyushi ammi ngei kü jakpü moila koei peila, Oh Israel phang?

JEREMIAH 9:22

Shembüpai hapakei enyüke shei etuh! “Hangku mahngü chingyangshongei nühinam shüngpükei nyuhen, hah vetpü am pheikü manang yaüpükei nyuhen, hatü hathü üpaiyao nejunghen.”

SHAHKÜP 4:19

Hatü mechem ami phumshangei ngangei veihen, vanghe, lennyü hatü lithathü kü aümei khümhen mü amphong lemnyong kü temühü. Shembüpa, ammei Kahvangi lebü jatlithüi hathü kü khümhen shingvaishi shuohteke.

ZEPHANIAH 1:5

Shem adokei aongei vangsho lithilen kü aümei khümpüthü; Shembüpa, ngei kü aümei khümtü vangpheikü üami Molekh kahvang men kü vangeishuwnya,

EZEKIEL 8:16

Hatü büpai ngei phopshem pekon mongei müei shü. Halei phopshem shaden touei shemshom hi moidü nyi aa kü baha jom hapünga hükshing phopshem philei dok mee, heong philei dhe meetü vanghe kü aümei shatü shatü khümei eeteke.

JEREMIAH 36:30

Hanangkü Judah ongpa Jehoiakim nangkü Shembüpai hapakei enyüke: Büpa kü jeiyei David ong uoshing kü uohen hahimoi hükao nenyuhen, hatü büpalei mahngü nyihnüng vanghenyü sham kü hatü yanüng vangsho nyien kü haihühen mü noei deiyei yakphonghen.

JEREMIAH 22:19

Gadu mahng vüpü keiha büpalei mahng vühen; büpayü Jerusalem penyüsha haolei shüei daiyei yaktükhen.

JEREMIAH 19:13

Jerusalem leipü shemthü hatü Judah ongthüyü hapa Topheth shing kü, hatü shem adokei vangsho lithilen kü ayingshü jakei hatü lebü kahvangthü kü yiü moila shuoh-ei nyupü shemthü peü sheihdaihen.”

JEREMIAH 16:4

Jom dinten vamei dihen. Jom kü üpaiyao mahng nethephen, nevaijü jomei mahng nevühen; jomü kahdok shak kü mohoh het kei yaüshi nyuhen. Jomü yan hatü münghishaü-i dihen, hatü jomei mahng asha alang, hatü phaüyemthülei phai vaihen.

MENVIH KESHO 83:10

Jom Endorlei mahkem, hatü mahmahngü kahdokei nyüp kei yaüshi nyuteke.

2 ONGPATHÜ 21:3

Büpai chepa Hezekiah-i mangtükpü vaümchongthü ne leiyei ling; büpai Baal kahvang kü khümhen moidüthü hatü Asherah lajeithü Israel ongpa Ahabi lingpükei ling. Büpai lithathü peü kü khüm.

ZEPHANIAH 1:17

Ngei nanglakthü kü shangpong yakying koei peihen, hatü jomü mükphüngpathü kei kamhen. Mehenangkü jomi Shembüpa khüei mang thahteke. Jomei iy bhihla pungpükei punghen, hatü jomei phai nühinam keiha haihen.

CHONGVENBÜ 6:3

Shennyak hükei hapeüthü kho hük nyuhen aok, hatü bong longi nyuhen aok, shejao büpa bong meshük shangkü nyulangmao büpai angpü mophimo kü hüshemei nenyujema, hatü büpalei mahng dangkao meishi nevüjema, büpa leimeyü shaang bühpü aküngnaüha-üng meipü khih shei ngei enyüpeih.

2 ONGPATHÜ 21:5

Phopshem chingshe nyiphenei büpai lithathü kü khümhen moidüthü ling.

2 ONGPATHÜ 17:16

Jomi Shembüpa, jomei Kahvangei shahkungthü peü yaktük, hatü jomi jom shingvaishi mohoh cheha lajei nyi shükei ling, Asherah kahvangei lajei ling, hatü vangsho lithilen hatü Baal kahvang kü khüm.

SHAHKÜP 17:3

hatü ngei epü nebangi lebü kahvangthü kü khümei, chongphoei nevaijü vanghe kü, lennyü kü nevaijü lithathü kü khümpü jung,

MENVIH KESHO 53:5

Halei jom nyempü longpü kü nyuhen, shelei chemao nevampü nyemhihan kü nyuhen. Mehenangkü Kahvangibüpa nenyingpüthülei vangtao haitükhen; jom veühühen, mehenangkü Kahvangi jom yaktükteke.

JEREMIAH 14:16

hatü jomi teteivanei eshuohpü shennyakthüao yan hatü münghishaü homei mahhen hatü Jerusalem chingyangshongei yakeichingei nyuhen; jom, jomei shembünyüthü, hatü hapeüthülei mahng vühen üpayao nenyuhen. Jomei mangi shangpükei ngei jom kü shemhen.”

JEREMIAH 16:11

nüngi jomphong kü hapa etuh: Mehenangkü shejema ambü ampai ngei yakphongtü lebü kahvangthü phei müei, chongphoei hatü khümpü nangkü ha vampeih shei Shembüpai enyüke. Jomi ngei yakphong hatü ngelei shahkung nebang.

JEREMIAH 31:40

Mahng vüpü hatü nyüphinya yakpü kahji kemei, hatü heongphi Kidron Kahji thahshi kübü kahthü, ha kübü heihdaipü Koyei Peshaden shoukbaong thahshi Shembüpa kü daülangi leihen. Hapa chingnyü sheyü nebhitükhen nevaijü nemangtükhen.

EZEKIEL 6:5

Israel amei mahng lajeithü touei yaüphonghen, hatü moidü shinei ammei vangtaothü haiphonghen.

EZEKIEL 29:5

Ngei nüng hatü nüngei yungyen leipü nyahthü bhih kahdokei yaktükhen; Nüngei büm koshoyalei vühen, hatü ha üpaiyao yah-ei mahng nevühen. Nüngei mahng asha alang phai vaihühen.

MENVIH KESHO 83:11

Oreb hatü Zeeb am kü dükshuohpükei, nüngi jomei mübüthü kü dükeishuoh; Zebah hatü Zalmunna am kü dükpükei nüngi jomei vanglem lembüthü peü neütüktuh.

JEREMIAH 9:20

Shembüpalei shah bangtuh, Oh nyüha, hatü büpalei ju kübü shah nüngei dhaongei shühahtuh; Anha kü mahng kesho hük nyuh-eishuoh, hatü nüngei küphü kü mahng thephen nyuh-eishuoh.

JEREMIAH 9:21

Dipü jenei ümha shadenei peiteke; hapa jenei ongshemei shüteke; hapai chingyangshong leipü hashihthü jütükhen, bhei leihshing leipü nethethü mahtükhen.

JEREMIAH 16:6

Hapa kahdok kü longpü maanpü peü dihen; jomei mahng nevühen, üpaiyao jom nangkü büm kü nevethahhen hatü sho nekuphen.

JEREMIAH 25:33

Hapa nyih Shembüpai jüpüthü kahdok dohpü junghük kübü junghük thahshi nyuhen. Jom kü üpaiyao mahng nethephen, nevaijü üpaiyao jungeilangei mahng nevühen; jomü kahdok leipü nyüphinya kei nyuhen.

EZEKIEL 39:5

Amü koshoyalei dihen, ngei ha etepih shei Shembüpa Kahvangi enyüke.