JEREMIAH 8:19 - DAÜLANGPÜ LAIHING (BSI)

¹⁹ Bahiyang kempülei ngelei nanglakthü hapakei vaüpü eepü bangtuh: “Zionlei Shembüpa nenyupü je? Pinnyülei Ongpa neshiüpü je?” Shembüpa, jomei ongpai jangei, “Mehekei ammi lajei kü khümei, kung amei kahvangthü kü khümei ngei mongshihhüpa?” shei enyüke.

JEREMIAH 8:19 Referans Kwoze

ISAIAH 39:3

Hapheikü Isaiah thibüi Hezekiah ongpa touei peiyei, “Hathü shennyakthüi mehe ephopa hatü jomphong meleipü peiküpa?” shei phe. Hezekiah-i, “Jomphongü tailu kahdok Babylon leipü ngei yemei peiküpü khih” shei e.

ISAIAH 13:5

Jom tailu kahmük leipü peikünyüke; vangsho jung dohpü leipü peikünyüke. Hapayü kahdoknyü kemei mahtükhen Shembüpai büpalei mongshih vehok phunglang ow ownyüke.

SHAKEI VAMPÜ 2:1

Ephesia kübü Attoi leipü phongshan kü nyangtuh: Hapayü üpai büpalei lakdah philei litha nyet no, üpai hon awdük shemshing nyet chi kü kamnya, hayü büpalei shah:

OBADIAH 1:17

Shejao Zion kahshangei yangpüthü hanei nyuhen, hatü hapayü daülangpüthü vaihen; hatü Jakob am phangi hapa mükjüp kahdok lomlanghen.

JOEL 3:21

Jomei iy yenpü bhüh ngei yemhen, hatü ngei nejiüpü am neyanghen; Mehenangkü Shembüpa ngei, Zionlei nyunyüpeih.”

JOEL 2:32

Shejao üami Shembüpalei men kü nyükhenshang yemleihen. Shembüpai epü keiha Zion Kahshang hatü Jerusalem kü yangpüthü nyuhen, hatü yangpüthüyü Shembüpai nyükpüthü nyukahen.

JEREMIAH 31:6

Ephraim phaüshang kahmük leipü veyompüthüi nyükhen nyih hük vamkahen.” “Kei, jeni Zionlei jenei Shembüpa Kahvang touei aongshah.”

JEREMIAH 14:19

Nüngi chemjalak kü Judah yaktükpü je? Nüngei mongei Zion nelümpü je? Ham nemeiaokhen mü mehekei nüngi ham ma yahhüpa? Hami chingmei yempeih, shejao meheyao mei nedang; Meitükpü hepak yempeih, shejao ha nangjei nyemhihan heüpeih.

ISAIAH 52:1

Paotuh, Paotuh, Oh Zion, Wong kohtuh! Nethe meipü owhiai owtuh, Oh daülangpü chingnyü, Jerusalem. Mehenangkü nejaptükpü hatü nedaünelangpüthüi hajük kü ammei penyüshamongei neshüküpih.

ISAIAH 33:22

Mehenangkü Shembüpayü jenei shahphenbü; Shembüpayü jenei shahkung shuohbü; Shembüpayü jenei ongpa, büpai jen yangphahen.

ISAIAH 12:6

Wongmü lentuh, hatü mongongpai kesho loktuh, Oh Zion nanglakthü; mehenangkü Israel amei Daülangpü Hük am mü nyüke.”

ISAIAH 1:4

Oh mang jatli, mang hanggovih chettü nyupü nanglakthü, mangei lihilathü, ten kü shuohtükpü hühihathü. Jomphongi Shembüpa yakphongteke; jomi Israel amei Daülangpü Hük yaktükteke, hatü büpa toueipü jomei dok lepdaiteke.

MENVIH KESHO 149:2

Israel ami laophü Lingbü kü mongmeituh; Zion hapeüthüi jomei ongpa kü mongongtuh.

MENVIH KESHO 146:10

Shembüpai düngei vanglem lemhen, ammei Kahvang, Oh Zion, den kü ong vaihen Shembüpa vihtuh.

MENVIH KESHO 135:21

Shembüpa kü Zion leipü vihtuh, Jerusalemei nyupüthüi Shembüpa vihtuh.

JEREMIAH 9:16

Jom nevaijü chebü chepai nenyingpü jatthü touei ngei jom haitükhen; jom mangmah thahshi ngei jom pheikü yan shomhen.

PHONGSHANTHÜ DOU 14:15

Küphüthü, mehekei amphongi hapa düknya? Henjiyü am keipü hangku hih, hatü henüng yahlak neshiüpü douthü kübü kahdok, vangsho, yungching hatü halei nyupü lemphü lingpü vanyangyem Kahvang touei lepei leihen shingvaishi henji-i am touei shahjangmei koei peiküpeih.

MENVIH KESHO 31:6

Yahlak neshiüpü lajeithü kü khümpüthü kü nüngi jiühitnyüke, shejao ngei Shembüpa kü hinglemnyeih.

JEREMIAH 2:5

Shembüpai hapakei enyüke: Ambü ampai ngei toueipü yandaihen mü jomi ngei kü pungpü mehe yeppa? hatü jom yahlak neshiüpü douthü pheikü daiyei jomao yahlak neshiüi leidaiteke.

JEREMIAH 7:19

Shejao jom ma yahhüpeyü ngei je? Nevai, jom nyingi ma yahnyüke, hatü jom nyingi veü dangnyüke.

JEREMIAH 8:20

“Hahvet hepak peihdai, shao hepak dohdai, shejao jen yemnelei” shei nanglakthüi lennyüke.

JEREMIAH 10:15

Hathüyü yahlak neshiüpü lueilempü dou mon; mechem jom kü shahphenhen ngoihenshang jom peü mahhen.

JEREMIAH 14:9

Mehekei nüngü ü-athamapü shennyak kei, veshan hük yanghen neaoki wong kemdaipükei nyunya? Nüngü ham mü nyüpeih, Oh Shembüpa, hamü nüngei nanglakthü, nüngi ham tetuhphong.

JEREMIAH 27:10

Jomi am kü shahshem teteivanei enyüke hatü hapai am ammei kahdok leipü tailuei daihen hean benhen; ngei am changtükhen hatü am mahhen.

JEREMIAH 32:30

Israel hatü Judah nanglakthü lebü meheyao nedüki jom nethe hepak mebü mang mon thahpeih; Israel nanglakthüi lebü meheyao nevai shejao jomei lakdoui ngei mongshihhüpeih shei Shembüpai enyüke.

EZEKIEL 48:35

Chingnyü shonpü kü meter haja shü nyuhen. Hapa chingnyü kü shaang mü leitü, “Shembüpa hatouei nyüke” shei nyükhen.

MIKA 4:9

Mehekei nüng shaang wong mü lenei thepnya? Nüngei ong neshiüpü je? Hanangkü nyüi moi paishingkü tüngpükei tüngangke je?

SHAHKÜP 31:17

Ha nyih ngei jom kü mongshihhen hatü jom yaktükhen; ngelei dhe jom toueipü jodaihen hatü jom mahtükhen. Shanghah longi jom kü peihen hatü hapa nyih ngei, jomei Kahvang, jom mü nenyupü nangkü hapa shanghah peipü khih shei nyinghen.

MENVIH KESHO 137:1

Mechem hami Zion deihpüshang, Babylon leipü yungyenei uotü theppeih.

ZEPHANIAH 3:15

Shembüpai ammei hanghi yahlangteke, büpai ammei vepa ngaümphei yaaktükteke. Shembüpa, Israel amei Ongpa am mü nyüke; am hajük kü mehe kao nenyempih.

ZEKHARIAH 2:9

Veituh, hingmei ngei jom khüei ngelei lak nohen hatü aathüi shao jom kü aeteishehen. Shejüang, Jeiyong Shembüpai ngei shompü khih shei ammi nyinghen.