JEREMIAH 8:18 - DAÜLANGPÜ LAIHING (BSI)

¹⁸ Mongong mahdai, ngei kü mongmang peiteke, ngelei mongkü tüngnyüke.

JEREMIAH 8:18 Referans Kwoze

YOUNG LAI 5:17

Hanangkü hamei mongkü tüngnyüke, hatü hamei mük pumdaiteke.

JEREMIAH 6:24

Hami jomei shahjang dantepih, hamei lak mahngdaiteke; mongshangi ham yeplangteke; nyüha hük hapeü angnüng tüngpükei ham shonglangteke.

ISAIAH 22:4

Hanangkü ngei eteke: “Ngei toueipü nyokei lüdaituh; ngei shahyaki thepshah. Ngelei nanglakthü mahdaipü kü ammi ngelei mong nyiushem meihühen tekhe.

HABAKKUK 3:16

Ngei ha danei ngelei mong kheü; hapa ngeü kü ngelei shahvang nenteke. Ngelei vang mongei sheyei shüteke, hatü ngelei lashüh nenteke. Shejao ham kü nemeipü am kü hanghi peipü nyihhihe kü veihen ngei nenteiaokei danshah.

MENVIH KESHO 143:7

Lomi jangshihma, Oh Shembüpa; ngelei laangha mongmahdaiteke. Ngei toueipü nüngei dhe tejodai; hei nevaijema ngeiyü kahshalei shüdaipüthü kei leidaihen khih.

JEREMIAH 9:1

Oh ngelei shangjing paoh yunglok vailangmeyü, ngelei mük kü paoh mükphi yunglok vailangmeyü, ngelei nanglakthü jütükpü nangkü nyakhingai thüngei ngei thephen vaipeih.

JEREMIAH 23:9

Thibüthü nang epü: Ngelei mongei mongdang mangdaiteke, ngelei vang peü kheünyüke; Mehenangkü Shembüpa hatü büpalei daülangpü shahthü homei ngeiyü yiüi manpü, hatü yiüi chokpü shennyak kei leidaiteke.

JEREMIAH 4:19

Ngelei mongshang, ngelei mongshang! Mongdang bhaohen mü tüngnyüke! Oh, ngelei mong kü mongshang! Ngelei mongdang tuknyüke, hatü ngei nenmü nenyuaoknyu. Mehenangkü ngei amit vüngpü dannyüke, hatü thep nyükpü ngei dannyüke.