JEREMIAH 8:16 - DAÜLANGPÜ LAIHING (BSI)

¹⁶ Danlei koyeithü hekpü ngeü dannyüke; koyei chebaongthü ngoiküpü danei kahdok kemei jennyüke. Jom peiyei kahdok hatü halei nyupü peü, chingnyü hatü halei nyupüthü lühtüknyüke.

JEREMIAH 8:16 Referans Kwoze

SHAHPHENBÜTHÜ 18:29

Jomphongi hapa Laish ching kü Jakobei cheha jomei chebülei men Dan shei men.

SHAHPHENBÜTHÜ 5:22

Hahepak kü koyeithü phaukteiyaki, kahdok kü la shoupei peiteke.

1 KORINT 10:28

Shejao hanei ami am kü, “Hapayü lajei kü jeetükpeih” shei ephüjema, am kü ha epü shennyakei men kü hatü ammei mongdeih men kü ammi ha tehah.

1 KORINT 10:26

mehenangkü, “Kahdoknyü hatü halei nyupü lemphü Shembüpalei.”

HABAKKUK 3:10

Kahshangthüi nüng eeyei kheünyüke; phumshang kübü vang keinyüke; Kahmong yungi ngeüwong anei yungching yungmok vamhünyüke.

NAHUM 3:2

Koyei kü bheipü ngeü, kharila ngeü, koyei phaukteitungteipü!

JEREMIAH 47:3

koyeithü ladhaoki shouppü ngeü, koyei kharithülei la ngeü, kharila shinpü ngeü kü nyemei, nyühipathüi laophülei hapeüthü baong yemei neleihen hatü jomei lak juwdaihen.

JEREMIAH 10:25

Nüng nenyingpü jatthü kü, nüngei men kü nenyükpü nanglakthü kü nüngei mongshih khüpeishuoh. Mehenangkü jomi Jakob lühtük; jomi büpa chemjalak kü lühtüktü büpalei kahdok mangtükpeih.

JEREMIAH 6:23

Jomi pülah hatü phung nonyüke, jomü mangshi hatü phahji neshiü, jomei ngeü-ü yungching ngeü keiha, jomi koyeithü kü uonyüke; hampa vehok kü daipükei ow temtü am khüei peikünyüke, Oh Zion nela!

JEREMIAH 4:24

Ngei kahshangthü kü veiteke, hatü veituh, hathüyü jenleyei nyuteke, shangchingthü haleipü halei shei shinteiyei nyuteke.

MENVIH KESHO 24:1

Kahdok hatü halei nyupü lemphü Shembüpalei; kahdoknyü hatü halei nyupüthü peü;

SHAHPHENBÜTHÜ 20:1

Hahepak kü Israel am peü Dan kübü Beer-sheba hatü Gilead kahdok kübüao omshi büm hük kei shepei shatü Mizpahlei Shembüpa touei thaiteke.

JOB SHAHSHA APPÜ 39:20

Pinnyü shoukhanbaong kei nüngi phaukhünyu hiang? hatü jom ngü heepai shennyak nyemhünyu hiang?

JEREMIAH 3:24

Shejao ham hashih mebü hapa veübenüng douthüi hamei bühipa ami nyiuei dükpü, jomei yemhimakthü, jomei yiükha yeshangthü peü lühtükpeih.

JEREMIAH 5:17

Jomi ammei hah hatü hahying hahtükhen, jomi ammei hahimoithü jütükhen; jomi ammei yemhimakthü hahtükhen; jomi ammei nyalingngupai, hatü adhajük hahtükhen. Ammi mongnyangpü penyü showtükpü chingnyü jomei yani mangtükhen.

JEREMIAH 30:5

Shembüpai hapakei enyüke: “Hami chingmeivangmei nevai, nyempühanpü ngeü dannyüke.

JEREMIAH 30:16

Shejao üami am lühtükpa jomao lühtükhen, hatü ammei vepathü jom peü wüpküpei daihen. Üami am leipü aeteishepa jom kao aeteishehen, hatü üami am kü shüvei, jom kao shüveihen.

JEREMIAH 50:42

Jomphongü pülah hatü phung notü, jomü phahji neshiü longi mangshi nyüke. Jom koyei kü uopeyü yungching yungmok ngeü keiha nyüke; Jomü am hahhen shingvaishi thepju kü peikünyüke, Oh Babylon nela.

JEREMIAH 51:29

Üpayao halei nenyuhen shingvaishi Babylon kahdok lavüngtoiyei tuhhen shei Shembüpai tempü küpjan eeyei kahdok kheünyüke hatü jennyüke.

JEREMIAH 4:7

Yingnyü leipü mailang hük vamei daitih, jatthü mangteipü hük laoei daitih; büpa laophülei shing leipü, kahdok lavüngtoiyei tuhhen; shennyak nyuhen neshiüi chingnyüthü mahtükhen vamei lüdaitih.