JEREMIAH 8:14 - DAÜLANGPÜ LAIHING (BSI)

¹⁴ Jen mehekei nenmü uoshi nyuhen? chemi thaishah hatü penyü showtükpü chingei aongei halei didaishah; Mehenangkü Shembüpa, jenei Kahvangi jen kü mahhen hanteke, hatü leü nemeipü kohpü yung yinghen shuohteke, mehenangkü jeni Shembüpa khüei mang thahteke.

JEREMIAH 8:14 Referans Kwoze

JEREMIAH 23:15

Hanangkü thibüthü nangkü Jeiyong Shembüpai hapakei enyüke: “Ngei jom kü shahyakpü hahying ühhen, hatü dihen leü kohpü yung yingshuohhen; Mehenangkü Jerusalem leipü thibüthü homei Kahvang nenyingpü douthü kahdok kü vamhüteke.”

JEREMIAH 9:15

Hanangkü Jeiyong Shembüpa, Israel Kahvangi hapakei enyüke: Ngei hapa nanglakthü kü laonghiyak ühshuohnyeih hatü leü nemeipü yung yingshuohnyeih.

YOUNG LAI 3:19

Ngei shangpong yakyingpü, hatü ngei loishing neshiüpü deihpeyü shahyak hatü leü nemeipü leidaiteke.

JEREMIAH 35:11

Shejao mechem Babylon ongpa Nebukadnezzari hapa kahdok neütükpa, hami, ‘Kei, jeni Babylon hatü Aram amei veshanthü kübü yanghen shingvaishi jen Jerusalemei daishah shei eteitü heih-ei ha Jerusalemei nyuei dainyüpeih’ ” shei eteke.

MATHI 27:34

jomi büpa kü yiü mü shahyak yung vuktü yinghen shuoh; shejao büpai jepei veitü ha neying.

MENVIH KESHO 69:21

Jomi hahying nangjei leü nemeipü shuohnyüke, hatü ngei yung lejü thiok yung yahphünyüke.

2 SAMUEL 20:6

Davidi Abishai kü, “Shaang Bikrilei cheha Sheba-i Absalomi dükpü mao nemeipüba dükphahen khih; ngelei shennyakthü mütuh hatü büpa changei daituh, hei nevaijema büpai penyü showtükpü chingnyü mongei shüei jen toueipü yangdaihen khih” shei e.

SHAHKÜP 29:18

Shinnyih hamü yaongshi nyupü baha, nyüha, shemongsha nevaijü jathili üpaiyao Shembüpa, jenei Kahvang toueipü nelepdaihen hatü ha jatthülei kahvangthü kü nekhümhen kentuh. Hapayü shahyakpü pü tünglang hatü leü nemeipü pü kei nyukahen.

ZEKHARIAH 2:13

Hangkuli peü Shembüpa touei nenmü nyutuh; mehenangkü büpa laophülei daülangpü shing kübü peikünyüke.

HABAKKUK 2:20

Shejao Shembüpayü laophülei daülangpü khümshemei nyüke; kahdoknyü peüi büpa touei nenmü nyutuh!

AMOS 6:10

hatü dipü shennyakei shem ami mahng vühen shingvaishi shem leipü mahng ngaihen shüei tukshoukei nyupü hanei am kü phehen, “Nüng mü lebü hanei nyüla?” Ngeü hüki janghen, “Üpayao neshiü.” Hahepak kü shem ami, “Nenmü nyutuh! Jeni Shembüpalei men houmei ne-eteihen vongbong” shei ehen.

JEREMIAH 14:20

Hami hamei mang hatü hamei bühipalei mang nyingei peiteke, Oh Shembüpa; mehenangkü nüng khüei hami mang thahteke.

MENVIH KESHO 39:2

Ngei meipü jung vaijao shah phahükao ne-e-i nenmü nyu, shejao ngelei shanghah nyeinya dateke.

SHAHKÜP 32:32

Jomei nyalingngupaiyü Sodom leipü, hatü Gomorrah amei nyalingngupai kah leipü kei nyüke; Jomei nyalingngupaiyü nemeipü leü kohshi nyüke, hatü hathüyü shahyaki nyüke.

LEVI 10:3

Hahepak kü Mosai Aaron kü eteke, “Mechem Shembüpai epa, büpai hapa nang epeih: Üami ngei yopailei peiyei chongphonya, jom homei ngelei daülangshemshe huhen, hatü nanglakthü peü touei ngelei müknyinshekhang shakei vamhühen.” Shejao Aaroni ju kü shah nevami nendai.

ISAIAH 47:5

Nenmü uotuh, vangnyakei shütuh, Babylon nelanyü; Am kü hajük kü ongchingthülei onglanyü shei nenyükhen.

JEREMIAH 3:25

Jen veüpai lemshi nyudaishah, hatü haipülempai jen kü nyemjümpha. Hashih mebü shinnyih thahshi ham hatü hamei bühipa kemei Shembüpa, hamei Kahvang khüei mang thahteke; hami Shembüpa, hamei Kahvangei shah nebang.

JEREMIAH 14:7

Hamei mangi ham kü denpü shuohlangmao, Oh Shembüpa, nüngei men kü lemhük dükshih. Mehenangkü hamei mang ahshi longshi, hami nüng khüei mang thahteke.

JEREMIAH 9:14

shejao jomei mong vaanei chebü chepai nyuhshuohpü keiha Baal kahvang pheikü lüdaipü nangkü ha vampeih.