JEREMIAH 7:34 - DAÜLANGPÜ LAIHING (BSI)

³⁴ Ngei jomei mongongmonglepü ngeü, Judah chingnyü hatü Jerusalem chingyangshongei yiükyah lashompü ngeühinga kemei dohtükhen; mehenangkü hapa kahdokü lavüngtoiyei leitükhen.

JEREMIAH 7:34 Referans Kwoze

SHAKEI VAMPÜ 18:23

hatü awdük vangngai-i hajük kü am kü nekhanghen; hatü sheyü yiükyahpa hatü doi dailalei ngeü nedanhen; mehenangkü nüngei bhei leihpüthüyü kahdoknyü kü longpüthü nyupeih. Nüngei phongyom hüngletpü doui kahdoknyü luhahteke.

HOSEA 2:11

Ngei pinnyülei mohitapthü, bong jiam mo, lenja mo, pinnyülei nyeümo, hatü monyü moha peü dohtükhen.

EZEKIEL 26:13

Ammei dhaongnok na-aang keshothü ngei dohtükkemhen; ammei lyre vüngpü ngeü hajük kü nedanhen.

JEREMIAH 25:10

Ngei jom toueipü mongongmonglepü ngeü, yiükjing mo mongongpü ngeü, hah ngümpü ngeü, hatü awdük vangngai changtükhen.

JEREMIAH 16:9

Mehenangkü Jeiyong Shembüpa, Israel Kahvangi hapakei enyüke: Nüngei nyihthü kü nüngi eeshi ngei hapa shing leipü jom changtükhen, opühupü ngeü, mongongmongle ngeü, shemyemlathü hatü, shemyempathülei ngeü ngei dohtükhen.

ISAIAH 1:7

Ammei kahmük lavüngtoidaiteke, ammei chingnyüthü awi hahtükteke, ammei müki eeshi kung ami ammei kahdok kowtükteke; Kung ami kowtükhinüng lavüngtoiyei leidaiteke.

LEVI 26:33

Ngei mih jatthü touei am haitükhen, hatü am khüei yan nohen, hatü am kü changhen; ammei kahdok hatü chingnyüthü lavüngtoiyei leitükhen.

MIKA 7:13

Shejao kahmük payü halei nyupü shennyakthüi dükpü mang homei lavüngtoiyei yakphonghen.

JEREMIAH 4:27

Shembüpai hapa enyüke: “Ngei hapa chemjalak kü nemangjao, hapa kahdok kemei lavüngtoiyei leihen.”

ISAIAH 3:26

Zion penyüshathü mahng thephen, hatü younghen; hapa chingnyü-ü bümkong nehahneyingi kahdokei uoshi nyuhen.

JEREMIAH 33:10

Shembüpai hapakei enyüke: Ammi hapa shingkü, “Shennyak hatü yemhimak nenyuphei keyü angsha hih” shei eteihamteke. Shejao Judah hatü Jerusalem chingyangshong yemhimakao neshiüi nyupü shingkü,

ISAIAH 6:11

Hahepak kü ngei, “Oh Shembüpa, nyih meshük lushi hapakei tuhhen?” shei phe. Büpai ngei kü, “Chingnyüthü kü, hatü shemthü kü nyuhen shennyak neshiüi, hatü kahdok chemjalak kü lavüngtoiyei manglei thahshi;

MENVIH KESHO 78:63

Jomei nethethü aw vamei hahtük; jomei nelathüi yiükjing kesho neloknyu.

JEREMIAH 22:6

Judah ongpalei ongshem nangkü Shembüpai hapakei enyüke: “Ngei touei amü Gilead keiha nyujao, Lebanon shangching leshi nyulangmao, ngei amü hingmei mü bhih kahdok leitükhen, shennyak nenyupü ching kei leitükhen.

JEREMIAH 27:17

Ammi hathülei shah tebang; Babylon ongpa chongphotuh hatü meishi nyutuh. Mehekei hapa chingnyü lavüngtoiyei tuhhenang?

JEREMIAH 44:6

Hanangkü ngelei mangpü mongshih bhuei vampeih hatü hapai Judah jilathü hatü Jerusalem chingyangshong kü bahhüpeih, hatü shinnyih nyupü keiha lavüngtoiyei leitükpeih.”

YOUNG LAI 5:14

Viüpathü chingnyü penyüsha kübü lüdaiteke, nethethüi kesho nyahhai neloki dohdaiteke.

JOB SHAHSHA APPÜ 3:7

Hapayü nyülan kei tuhphongtuh; ha ya mongongmonglepü ngeü tedanhü.

JEREMIAH 4:26

Ngei veishingkü kahcheü kohpü kahdokü bhih kahdok leidaitü nyuteke; Shembüpa touei, büpa mongshihpü touei haleipü chingnyüthü kemei bentüktü nyuteke.

JEREMIAH 33:11

mongongmonglepü ngeü, yiükjing mo kü mongongteipü ngeü hatü Shembüpalei shem kü menvih shuohpü, moila koei peipüthülei ngeü hapakei eyei danhen, “Jeiyong Shembüpa kü menvih shuohtuh, mehenangkü büpayü meiangpeih; büpa bampü hüdenhalenshi nyunyeih.” Mehenangkü ngei hapa kahdok kü sheleipü keiha dapüshepü koei peihen shei Shembüpai enyüke.

EZEKIEL 7:11

Üpteilenteipai ten nyeinya bühnyüke. Shennyak, jomei mophimo, jomei dhemeilaüma nevaijü jomei müknyinshekhang meheyao aoei netuhphonghen.

HOSEA 2:13

Baal kü vong büpü ayingshü jakei mopü nyihthü shingvaishi, hatü ngei petüktü hon-ow owtü chühimai changei daipü nangkü ngei pinnyü kü hanghi shuohhen” shei Shembüpai enyüke.