JEREMIAH 7:32 - DAÜLANGPÜ LAIHING (BSI)

³² Hanangkü hapa kü Topheth nevaijü Hinnom Kahji shei nenyükhen, shejao, “Jüteipü Kahji” shei nyükhen nyihhihe hingmei ngoikünyüke shei Shembüpai enyüke. Mehenangkü shing neshiüi manglei thahshi jomei mahng halei vükemhen.

JEREMIAH 7:32 Referans Kwoze

JEREMIAH 19:11

hatü jom kü, “Jeiyong Shembüpai hapakei enyüke shei etuh: Dük shükbülei dük ngei shaang bhaotükpü keiha ngei hapa jatli bhaotükhen hatü ha lingei neleiaokhen. Mahng vüshing shing neshiüi manglei thahshi jomei mahmahng Tophethlei vühen.

JEREMIAH 19:6

Hanangkü lituh, nanglakthüi hapa shingkü Topheth nevaijü Hinnom Kahji shei nenyükhen, shejao hapayü Jüpü Kahji shei nyükhen nyihthü ngoikünyüke” shei Shembüpai enyüke.

2 ONGPATHÜ 23:10

Josiah ongpai Ben-Hinnom Kahjilei nyupü Topheth metouei lebü kahvangthü kü khümteipa, hapa shing sheihtük; hanangkü üpaiyao hatouei Molekh kahvang kü laophülei hapeü aw kü jakei moila neshuoh-aok.

JEREMIAH 19:13

Jerusalem leipü shemthü hatü Judah ongthüyü hapa Topheth shing kü, hatü shem adokei vangsho lithilen kü ayingshü jakei hatü lebü kahvangthü kü yiü moila shuoh-ei nyupü shemthü peü sheihdaihen.”

JEREMIAH 7:31

hatü jomi ngei ne-epü, ngelei mongeiyao nelepü dou jomei hapeüthü Hinnom Kahjilei Topheth kahvang kü aw kü jakei moila shuohhen vaümchongthü nedoh-i lingnyüke.

LEVI 26:30

Ngei ammei khümshingthü mangtükhen, ammi ayingshü jakteipü moidüthü bentükhen, hatü ammei mahng doei nyupü lajeithü shangkü shükphonghen. Ngei am yakphonghen.

JEREMIAH 19:2

hatü Ben-Hinnom Kahjilei Dük Shükpü Shadenei heih-ei halei ngei nüng kü epü hapa shahthü baongeishuoh.

JEREMIAH 31:40

Mahng vüpü hatü nyüphinya yakpü kahji kemei, hatü heongphi Kidron Kahji thahshi kübü kahthü, ha kübü heihdaipü Koyei Peshaden shoukbaong thahshi Shembüpa kü daülangi leihen. Hapa chingnyü sheyü nebhitükhen nevaijü nemangtükhen.

EZEKIEL 6:4

Ammei moidüthü bentükhen hatü ammei ayingshü jakpü moidü nihtükhen; ammei lajeithü touei ngei ammei nanglakthü jütükhen.