JEREMIAH 7:31 - DAÜLANGPÜ LAIHING (BSI)

³¹ hatü jomi ngei ne-epü, ngelei mongeiyao nelepü dou jomei hapeüthü Hinnom Kahjilei Topheth kahvang kü aw kü jakei moila shuohhen vaümchongthü nedoh-i lingnyüke.

JEREMIAH 7:31 Referans Kwoze

2 ONGPATHÜ 23:10

Josiah ongpai Ben-Hinnom Kahjilei nyupü Topheth metouei lebü kahvangthü kü khümteipa, hapa shing sheihtük; hanangkü üpaiyao hatouei Molekh kahvang kü laophülei hapeü aw kü jakei moila neshuoh-aok.

JEREMIAH 32:35

Jomi Molekh kahvang kü jomei hapeüthü jüei moila shuohhen nangkü Hinnom Kahjilei Baal kahvangei moidü lingpeih. Ngei jom kü ha dükhen ne-e, hatü ngelei nanglak Judah am mang thahhühen mü jomi henüng dou dükkahen shei ngelei mong kü leyei nepeiküangpih.

2 ONGPATHÜ 17:17

Jomi jomei hapeüthü aw kü jakei moila shuoh. Jomi phongyom thiphepü lemphü düktei, hatü Shembüpa mongshihhüei büpa touei mang dükhen shingvaishi jom nyingi jom yutük.

LEVI 18:21

Nüngi nüngei hapeüthü üpayao Molekh kahvang kü jakpü moila teshuoh; mehenangkü nüngi nüngei Shembüpalei men teten. Ngeiyü Shembüpa.

EZEKIEL 16:20

Ngei kü bühphopü ammei hapeüthü ami yah-ei daiyei lajeithü kü jakpü moila vaishi shuohtükteke. Ngei kü hingnelempü nemeipü dou nevaipü je?

2 SHÜPPÜKENGPÜ 33:6

Büpai Ben-Hinnom Kahjilei chehapeüthü aw kü jakei moila shuoh; büpai phongyomei, teteivanei, thibü kü pheyei hatü yimpi laangthü mü pheyeiyuei nyu. Büpai Shembüpai mongshihhüei mang longi dük.

2 SHÜPPÜKENGPÜ 28:3

Büpai Ben-Hinnom Kahjilei jakpü moila shuoh, hatü Israel am toueipü Shembüpai changtükpü jatthüi dükpü jiühitpü dou keiha büpai cheha aw kü jakei moila shuoh.

SHAHKÜP 12:31

Ammi Shembüpa, ammei Kahvang kü jomei vanglem aimü tekhüm; mehenangkü jomi jomei kahvang kü khümshingkü Shembüpai jiühitbenüng doulem kemei düknyüke. Jomi laophülei hapeüthü jüei jomei kahvang kü moila shuohnyüke.

SHAHKÜP 17:3

hatü ngei epü nebangi lebü kahvangthü kü khümei, chongphoei nevaijü vanghe kü, lennyü kü nevaijü lithathü kü khümpü jung,

2 ONGPATHÜ 23:20

Josiah-i hapa vaümchongthü leipü ngongpathü moidü shangei jü hatü jomphong shangkü shennyakei vangtaothü jakteke. Hapheikü büpa Jerusalemei nyokei leidai.

JEREMIAH 19:2

hatü Ben-Hinnom Kahjilei Dük Shükpü Shadenei heih-ei halei ngei nüng kü epü hapa shahthü baongeishuoh.

JOSHUA 15:8

Hapheikü viongü Ben-Hinnom kahji kübü Jebus chingnyü (hapayü Jerusalem) pehephi kahshang thahshi nyu. Hatoueipü shao viong aongdaipü Rephaim kahji heongphi dohpü Hinnom kahji heshüphi kübü shangtao thahshi nyu.

ISAIAH 30:33

Ongpa jakhen shing yeihshi-üng temei nyüpeih. Hapa awbhaongü chüshi, ba longshi pü shangshi shüngshi nyüpeih. Shembüpalei ngü awkaong meli kü bahpü awlom kei vamei hapa kü aw bahhen.

ISAIAH 57:5

Amü püdhüm vungdhüm ieyeilei mükbongjuyung dükei lihila kahvangthü kü khümnyüke; Ammi kahjithü hatü yaongsha püsha peülei laophülei hapeüthü jüei moila shuohnyüke.

JEREMIAH 2:23

“Ngei nesheih-angpih hatü Baal kahvang kü nekhümangpih” shei eaokhen je? Kahjilei nüng mekei nyupa veihümao, nüngi mehe dükpa deihhümao. Nüngü shülangi mokpü ut chenyü khih,

EZEKIEL 20:26

Jomi ngeiyü Shembüpa khih shei nyinghen shangmü ngei jomei thinthothü jomei shongei shaanpü yem moila peü ngei sheihtükpeih, hatü ngei jom nyempai mahü.

EZEKIEL 20:31

Mechem ammi moila shuohhen hatü ammei hapeüthü aw kü jakei moila shuohhenshang, ammei lajeithü homei am nyingi nedaüi leinyüke. Hakei tuhtü amphongi ngei kü phehen je, Oh Israel phang? Ngeiyü vanyangyem Kahvang, amphongi ngei kü lanshei nephehen shei Shembüpa Kahvangi enyüke.

MIKA 6:7

Mi cheha haja longi müei peijajü, nevaijü olive mainga yungyen haja an mü mongmeihen je? Ngei pungpü nangkü ngelei hashong, ngelei mang nangjei ngelei büm kübü betjük shuohhen hiang?

SHAHKÜP 18:10

Am üpaiyao laophülei hapeüthü moidülei aw kü jakei moila teshuoh, hatü nanglak üpaiyao phongyomei, teteivanei, nyeüeinyaei, thihivam dou dükei,

JEREMIAH 32:34

Ngei kü khümhen vepü phopshem jomi jiühitnalaipü lajeithü tuh-ei jomi ha sheihtükpeih.