JEREMIAH 7:30 - DAÜLANGPÜ LAIHING (BSI)

³⁰ Judah nanglak ngei touei mang dou dükteke shei Shembüpai enyüke; ngei kü khümpü shem sheih-ei jomi jiühitnalaipü lajei tuhteke,

JEREMIAH 7:30 Referans Kwoze

EZEKIEL 7:20

Jomü jomei chühiyük meipü kü changmeihampeih, hatü hapai jomei jiühitnalaipü lajeithü linghampeih. Hanangkü ngei hathüyü jom shingvaishi nedaünelangpü dou leihühen.

JEREMIAH 32:34

Ngei kü khümhen vepü phopshem jomi jiühitnalaipü lajeithü tuh-ei jomi ha sheihtükpeih.

DANIEL 9:27

Hapa ongpai hapta hük shingvaishi shennyak longi mü vangpüshuwpü linghen hatü hapa hapta hükkei shing daishi büpai jakpü moila hatü moilathü dohtükhen; hatü hathü shing nangjeiyei benpülangpü shuohpübai büpa shing temtükpü dohpütenpü mangngoi thahshi Phopshemei jiühitnalaibenüng tuhhen.

2 SHÜPPÜKENGPÜ 33:7

Büpai laki lingpü lajei yah-ei Shembüpalei shemei tuh, hapa nang Kahvangi David hatü cheha Solomon nyi kü, “Israel jat peü khongkü ngei jepü hapa shem hatü Jerusalem kü ngei kü khümhen;

2 ONGPATHÜ 21:7

“Israel jat anpünyi kübü ngei jepü hapa Jerusalem Phopshemei ngei kü khümtuh shei Shembüpai David hatü cheha Solomon nyi kü epü shemei büpai Asherah kahvangei lajei lingei tuh.

2 ONGPATHÜ 21:4

Shembüpai, “Jerusalemei ngei kü khümtuh” shei epü Shembüpalei Phopshemei büpai lebü kahvangthülei moidüthü ling.

JEREMIAH 23:11

“Thibü hatü ngongpa nyiphen Kahvang nenying; Ngelei shemei dangkao ngei mang eenyüke” shei Shembüpai enyüke.

2 SHÜPPÜKENGPÜ 33:15

Büpai Shembüpalei shem leipü kung amei kahvangthü hatü lajeithü yaktük, hatü phopshem shangching hatü Jerusalemei büpai lingpü moidü peü chingnyü haolei yah-ei daiyei yaktük.

2 ONGPATHÜ 23:12

Ahazlei dokpa dung-am adokei Judah ongthüi lingpü moidüthü, hatü Shembüpalei Phopshem chingshelei Manasseh ongpai lingpü moidüthü büpai benei yaktük. Büpai haleipü hathü benei deiyei khih mü nihtüktü Kidron Kahjilei nyüp kei yaktük.

2 ONGPATHÜ 21:3

Büpai chepa Hezekiah-i mangtükpü vaümchongthü ne leiyei ling; büpai Baal kahvang kü khümhen moidüthü hatü Asherah lajeithü Israel ongpa Ahabi lingpükei ling. Büpai lithathü peü kü khüm.

2 SHÜPPÜKENGPÜ 33:3

Büpai chepa Hezekiah-i bentükpü vaümchongthü lingei lei, hatü Baal kahvangei moidüthü hatü Asherah nyüha kahvangei lajeithü ling. Büpai lithathü kü khüm.

ISAIAH 66:4

Hanangkü jomi düngei nyemei nyupü shanghah ngei koei peihen, Mehenangkü mechem ngei jom kü nyük, jom üpaiyao nejang, mechem ngei e, ha üpaiyao nebang. Jomi ngei touei mang dükhen jeteke, hatü mehe kü ngei mongneong, ha jomi jeteke.”

JEREMIAH 16:18

Jom nemeipü hatü jomei mang nangkü ngei shingnyi shemhen; mehenangkü jomi ngelei kahdok yangnyu neshiüpü lajei mahngi, hatü ngelei mükjüp jiühitnalai-i matükteke.

JEREMIAH 32:35

Jomi Molekh kahvang kü jomei hapeüthü jüei moila shuohhen nangkü Hinnom Kahjilei Baal kahvangei moidü lingpeih. Ngei jom kü ha dükhen ne-e, hatü ngelei nanglak Judah am mang thahhühen mü jomi henüng dou dükkahen shei ngelei mong kü leyei nepeiküangpih.

DANIEL 11:31

Büpai shompü veshanthüi Phopshem nyettükhen. Jomi nyihjeih moila shuohpü dohtükhen hatü benpülangpü peihüpü jiühitnalai halei tuhhen.

EZEKIEL 8:3

Veiheni büpalei lak keiha lüei yiüei ngelei shonyü kü düktü ngei müei dei, hatü hapa laanghai ngei kahdok vangsho aa kü noei antü manghkhang kü ngei Jerusalemei Kahvangei mük kü nemeipü lajei tuhpü phopshem pekon mongei shütü pehephi shaden touei müei dei.