JEREMIAH 7:28 - DAÜLANGPÜ LAIHING (BSI)

²⁸ Nüngi jom kü ha etuh: Hapayü Shembüpa, jomei Kahvangei ven nedanpü, hatü ungei-aeipü neyahpü jathili; shahhing mahdai; hapayü jomei juben kübü mahdaiteke.

JEREMIAH 7:28 Referans Kwoze

ZEPHANIAH 3:2

Pinnyüi Shembüpalei ngeü nedan, yeanpü sha neyah, Shembüpa kü hingnelem; Kahvang yopailei neheih.

JEREMIAH 32:33

Jomi ngei kü jomei dhe nemee, dok leppeih; ngei düngei jom kü nyuhjao jomi ha nebang nevaijü ngei ungei-aeipü phangkü neshüpeih.

KANDOK 1:7

Shembüpa nyempeyü nyingpühingpü chongpangpü; shejao ngapai kihikon, hatü nyuhpüvenpü yaktüknyeih.

ZEPHANIAH 3:7

Ngei hapa chingnyü kü, “Hingmei, ammi ngei kü nyemtuh, hatü ngei yeanpü shah yahtuh. Shejema am nyushing nemahtükhen, nevaijü ngelei hanghi am kü nepeiküpih” shei etepih. Shejao jomi dükpü lemphüli kü nyeinya nemeipü düknyüke.

HOSEA 4:1

Shembüpalei shah bangtuh, Oh Israel nanglakthü; Mehenangkü kahmük kü nyupüthü khüei Shembüpalei thaüvaü hük nyüke. Kahmük kü hinglempü nevaijü bamtei-aongteipü neshiü, hatü Kahvang nyingpü neshiü.

JEREMIAH 6:8

Shahvüng shuohpü bangtuh, Oh Jerusalem! Hei nevaijema ngei nüng toueipü nyokei lüdaihen, hatü üpayao nenyui hapa chingnyü lavüngtoiyei tuhphonghen.

JEREMIAH 5:3

Oh Shembüpa, nüngei müki shahhing kü neveinyu je? Nüngi jom kü bheiteke, shejao jom kü tüngei nepeinyu; nüngi jom kü ngümshuohjao, jomi yeanpü neyahnyu. Jomei mong yaong mao vaanpüba leinyüke, hatü jom mong lepei neleinyu.

JEREMIAH 5:1

Jerusalem nanglakthü, ammei chingyangshong kü longteihümao; Shinei veituh, hatü deihhümao, shoukhinuk peü kü yemhümao. Hingshangi nyupü hatü shahhing yempü shennyak hük dangkao dangjema, ngei hapa chingnyü kü mang tükhen.

JEREMIAH 2:30

Angsha kü ngei ammei nanglakthü kü shüveipü khih, shejao jomi yeanpü neyahnyu. Aeipü mailangi keiha ammi ammei thibüthü ammei yani jütükpeih.

MENVIH KESHO 50:17

Ngei yeanpü shuohpü kü nüngi jiühitnyüke, hatü ngelei shahthü ngaümpheilei yaktükteke.

JEREMIAH 6:17

Ngei nüng shing yombü vamhüpeih, hatü, “Amit ngeü bangtuh” shei epeih, shejao ammi, “Hami ha nebangpih!” shei epeih.

JEREMIAH 11:10

Ngelei shah nebang-ü shei chebü chepalei mang kü nyokei lüdaiteke. Jomphongü lebü kahvangthü chongphoei lüdaiteke. Israel hatü Judah am shem nyipheni ngei chebü chepathü mü lingpü vangpüshuwpü mangtükteke.

JEREMIAH 17:23

Shejao jomi ha nebang hatü mong neshuoh; jomphong ngaümchong haüshi hatü ngei nyuhpüvenpü kü jomi nebangpeih.

MENVIH KESHO 12:2

Jom hüki hük mü shahshem enyüke; jom yawh-eiyangei hüki hük mü ühingteinyüke.

ISAIAH 30:9

Mehenangkü jomü ven lepü nanglak, lupülempü hapeüthü, Shembüpalei nyuhpüvenpü neyahpü hapeüthü.

JEREMIAH 6:28

Jom peü mong vaanpü, khüei yaongpü, hatü mih vüshihpüthü; jomü melangnyiam hatü nyiam keiha vaanshi jom peüi nemei-i düknyüke.