JEREMIAH 7:26 - DAÜLANGPÜ LAIHING (BSI)

²⁶ shejao jomi ngei epü nebang, nevaijü mong neshuoh; shejao jomei ngaümvang vaanei nyupeih. Jomei chebü chepa mao jom-üng nyeinya nemei-i dükpeih.

JEREMIAH 7:26 Referans Kwoze

JEREMIAH 16:12

Shejao ambü ampa mao nemeipüba am nyuteke. Ngelei shah banghen nangjei am peüi laophülei mongdang vaanei mang mongdang pheikü müpü kü veihümao.

2 SHÜPPÜKENGPÜ 30:8

Ambü ampa keiha am mong tevaan; Shembüpa touei maanpü leituh. Büpai den shing daüei tuhpü phopshemei peikei. Am toueipü büpalei mongshih yahlangphahen nangkü Shembüpa, ammei Kahvang chongphotuh.

MATHI 23:32

Shejema ambü ampa ami pangei tuhpü mang lomei düktuh.

JEREMIAH 19:15

“Jeiyong Shembüpa, Israel Kahvangi hapakei enyüke: Bangtuh! Ngei jom khüei epü shanghah vongshüh peü hapa chingnyü hatü ha kü shonpü chingthü touei koei peihen, mehenangkü jom ngaümvang haüei ngei epü ngelei shahthü nebang” shei eteke.

JEREMIAH 17:23

Shejao jomi ha nebang hatü mong neshuoh; jomphong ngaümchong haüshi hatü ngei nyuhpüvenpü kü jomi nebangpeih.

JEREMIAH 7:24

Shejao jomi ha nebang, hatü jomei dhaong neshaang, shejao jomei mang mong vaanei jomi deihhahpü lem kü kam, hatü sheshalei nevai, ngaümphei lemei veipeih.

ROM SHAHSHA APPÜ 2:5

Shejao mechem Kahvangei shahhing shahphenpü shakei vamhen, vaanpü hatü mong neleppü mongdangi mongshihpü nyih shingvaishi ammi laophü shing mongshih jaoei tuhhahnyüke.

PHONGSHANTHÜ DOU 7:51

“Am ngaümvang vaanpü shennyakthü; mongdang hatü dhaong shuw nejappüthü, ambü ampai dükpükei ammi düngei Laangha Daülangpü khüei yaongnyüke.

MATHI 21:38

Shejao mechem kah phuoei lingpü ami cheha eepa, jomi, “Mükjüp yahhen chehayü ha khih, kei, jeni büpa jütüktü büpalei mükjüp yahlangshah” shei etei.

DANIEL 9:6

Nüngei men kü hamei ongthü, hamei longthü hatü hamei bühipathü hatü kahmük kü nyupü nanglakthü kü nüng chongphopü thibüthüi epü shah hami nebang.”

JEREMIAH 44:16

“Shembüpalei men kü nüngi ham kü epü shah nebangpih!

JEREMIAH 34:14

“Jempü Hebrew am laophü nyingi am kü aa vaihen yuphaei nyujema vangbong nyet lompü ieyei kü hapa aa bümei hean shuoh-ei vetüktuh. Büpai bong vok chongphophei keyü bümei leiyei deishihtuh.” Shejao ambü ampai ngei epü nebang nevaijü mong neshuoh.

JEREMIAH 29:19

mehenangkü jomi ngelei shah nebang, shei Shembüpai enyüke; ngei chongphopü thibüthü homei jom kü nedoh-i epü ngelei shah nebang” shei Shembüpai enyüke.

JEREMIAH 26:5

hatü ammi nebangjao ngei am touei leiyei leiyei shompü ngei chongphopü thibüthülei shah nebangjema,

JEREMIAH 25:7

“Shejao amü laophü nyingi ma yahhen mü ammi ngei epü nebangi ammei lakdou-i ngei mongshihhüpeih” shei Shembüpai enyüke.

JEREMIAH 25:3

Judah am Amonei cheha Josiah-i ong vaipü bong anpüjempabü kü pangei shinnyih ngoishi bong hapüjem mongkü Shembüpalei shah ngei touei peiteke, hatü nedoh-i ngei am kü etepih, shejao ammi ha nebangpeih.

JEREMIAH 11:8

Shejao jomi ha nebang, nevaijü dhaong neshaang, shejao mong vaanei mangi mongpü lem kü peü kampeih. Hanangkü vangpüshuwpülei nyangei nyupü thaüvaü kemei jom touei peihüpeih, shejao jomi ha kao nebang” shei eteke.

JEREMIAH 6:17

Ngei nüng shing yombü vamhüpeih, hatü, “Amit ngeü bangtuh” shei epeih, shejao ammi, “Hami ha nebangpih!” shei epeih.

ISAIAH 48:4

Am meshük mong vaanshi nyu, hatü nyiam keiha ngaümchong haüshi, hatü melangnyiam keiha ammei shangba vaanshi nyupa, ha ngei nyinghampeih.

KANDOK 29:1

Longi lohhah pheikü üpai mong vaanei nyuhenshang, yanglem neshiüi topshi mahhen.

NEHEMIAH 9:29

Nüngi jom kü nüngei shahkung banghen shahvüng shuoh, shejao jom changmeiyei nüngei shahkung nebang. Nüngei shahkung banglang meyü yemmü nyuhen vaipü yah-ei jomi ha khüei mang thah. Mongdang vaanei ngaümvang haüei jomi nüng toueipü lüdai hatü epü shah neyah.

2 SHÜPPÜKENGPÜ 33:10

Shembüpai Manasseh hatü büpalei nanglakthü kü shah e, shejao jomi ha kü mongneshuoh.

2 ONGPATHÜ 17:14

Shejao jomi jomei bühipathüi Shembüpa, jomei Kahvang kü hingnelemi nyupü keiha jomi ha nebangi nyu.

ISAIAH 5:4

Ngei ngelei nyalingngupai kah kü dükpü mü lenei ngei mehe nyeinya dükhenang? Ngei nyalingngupai meipü jükkahen shei ongyangjü, mehekei hapa kü thiokpü phaü ngupai jükpa?

JEREMIAH 5:3

Oh Shembüpa, nüngei müki shahhing kü neveinyu je? Nüngi jom kü bheiteke, shejao jom kü tüngei nepeinyu; nüngi jom kü ngümshuohjao, jomi yeanpü neyahnyu. Jomei mong yaong mao vaanpüba leinyüke, hatü jom mong lepei neleinyu.

JEREMIAH 6:10

Jomi danhen ngei üpa kü ehen, hatü shahvüng shuohhen? Veituh, jomei dhaong dhühlang, jomi nedanaoknyu. Jom kü Shembüpalei shah-ü nyipüwapü dou keiha leidai; jomi ha kü mongong neshiü.

JEREMIAH 35:15

Leiyei leiyei ngei chongphopü thibüthü am touei shompeih, hatü jomi am kü, ‘Am peü laophülei mang lemthü kübü mong leptuh hatü ammei dükhiling yeiyatuh, hatü lebü kahvangthü chongphoei ha pheikü temü. Shejüang am hatü ammei bühipa kü shuohpü kahdokei nyuaokhen’ shei eteke. Shejao ammi ngei epü kü mong neshuoh nevaijü ha nebang.”

JEREMIAH 35:17

Hanangkü Jeiyong Shembüpa Kahvang, Israel Kahvangi hapakei enyüke: Ngei Judah hatü Jerusalemei nyupüthü peü kü jom kü shuohhen shei epü shanghah shuohhen; mehenangkü ngei jom kü ephei shejao jomi nebang, ngei jom kü nyükjü jomi nejangnyu.

EZEKIEL 20:30

Hanangkü Shembüpai hapakei enyüke shei Israel am phang kü etuh: Amphongi ambü ampa am kei nyuei am nedaüi leihen hatü jiühitpü douthü dükei lemnyong kü daihen je?

ZEKHARIAH 7:11

Shejao jomi ha kü mong neshuoh; ngaümphei lepdai hatü dhaong neno.

MALAKI 3:7

Ambü ampa amei hepak mebü am ngelei shahkungnyü kübü yandaipeih, hatü hathü nedükpeih. Ngei touei mong lepei leikei, hatü ngei am touei lepküshah shei Shembüpa Kahvangi enyüke. Shejao “Ham mekei mong lephen?” shei ammi enyüke.

SHAHKÜP 8:20

Shembüpa, ammei Kahvangei shah nebangjema, ammi eeshi Shembüpai lebü jatthü mahtükpükei amphongao mahtükhen.

1 ONGPATHÜ 14:9

shejao nüng she kübü vanglem lempüthü peü mao nüngi-üng longpü mang thahteke, hatü ngei ngaümpheilei yakphongtü lebü kahvangthü, hatü lajeithü lingei ngei mongshihhü.

1 ONGPATHÜ 14:22

Judah ami Shembüpa touei mehe mang, ha dük; jomei chebü chepai dükpü mao nyeishi dükpü jomei mang homei Shembüpa mongshih vamhü.

2 ONGPATHÜ 17:15

Jomi büpalei shahkungnyüthü nebangi mong vaan, hatü büpai chebü chepa am mü vangteishuwteipü, hatü büpai jom kü shuohpü shahvüng yaktük. Jomi yahlak neshiüpü lajeithü kü khümei yahlak neshiüi leidai. “Jomi dükpükei tedük” shei Shembüpai jom kü ngeükhüam shuohlangmao jomi jom ngeih-ei shonei nyupü jatthülei deiaei nyuhteke, hatü Shembüpai tedük shei epü douthü dük.

2 SHÜPPÜKENGPÜ 33:23

Shejao chepa Manasseh-i mong leppü keiha büpa Shembüpa touei mong lepei nelei; Amoni mang nyeinya thah.

JEREMIAH 3:13

Shembüpa, ammei Kahvang khüei mang thahteke, püdhüm meipü peü phangei kung amei kahvang lajeithü kü bampü khih, hatü ngei epü kü nebang shei deih-ei dangtuh shei Shembüpai enyüke.

JEREMIAH 9:13

Shembüpai enyüke: Ngei jom kü shuohpü shahkungnyü yaktükpü nangkü, hatü ngelei shah nebang nevaijü hapa kü jiüshi nekam,

JEREMIAH 22:21

Nüng angeideiyei nyushi ngei etepih, “Ngei ha kü nebangpih” shei nüngi epeih. Hashih mebü-üng ngelei shah nebangpeyü nüngei vanglem vaihampeih.

JEREMIAH 32:23

Jom peiyei hapa kahdok kaamei yahpeih shejao jomi nüngei ven nebang hatü nüngei shahkung kü nemü; jom kü nüngi düktuh shei epü nedük. Hanangkü nüngi jom kü hathü shanghah koei peipeih.”

EZEKIEL 12:2

Shennyak ha, nüngü dokteikhaungkheipü nanglak chi kü nyunyüke. Jom kü veihen mük nyüke, shejao ne-eenyu; banghen dhaong nyüke shejao nedannyu.

EZEKIEL 12:3

Mehenangkü jomü dokteikhaungkheipü nanglakthü khih. Hanangkü shennyak ha, wüpküpei daihen hanggo temtuh, hatü jomi eeshi nyihnüng nüng wüpküpei dainyu keiha shing hük kübü shing hükei jomi eeshi daituh. Dokteikhaungkheipü jatli vaijao üpai nyingpa, jomi ha nyinghen aokpeih.

HOSEA 11:7

Ngelei nanglakthü ngei toueipü lüdaihen temnyüke. Jomi, “Jaipüba Jeiyong” shei nyüklangmao büpai jom nephoukhen.