JEREMIAH 7:25 - DAÜLANGPÜ LAIHING (BSI)

²⁵ Ambü ampa am Ijip leipü vamei daipü nyih mebü shinnyih thahshi nyihjeih ngei ngelei chongphopü thibüthü jom touei shompeih;

JEREMIAH 7:25 Referans Kwoze

JEREMIAH 25:4

Shembüpai nedoh-i büpalei thibüthü shomteke, shejao ammi nebang.

2 SHÜPPÜKENGPÜ 36:15

Shembüpa, chebü chepalei Kahvangi laophülei nanglak hatü büpalei nyushing kü bampü nangkü büpalei shahjang kobüthü homei nedoh-i shah shom,

EZEKIEL 2:3

Büpai ngei kü, “Shennyak ha, ngei nüng Israel am touei shomnyüpeih; chebü chepa ami shinnyih thahshi ngei khüei yaongpükei jomphongi ngei khüei yaongteke, hatü nedoh-i khüei yaongnyüke.

JEREMIAH 7:13

Shaang, ammi hathü dou peü dükpü nangkü, shei Shembüpai enyüke, hatü ngei nedoh-i am kü eteke, shejao ammi ha nebang; mechem ngei am kü nyük, ammi nejangpeih;

NEHEMIAH 9:26

Shejao jomi ven nedani nüng khüei yaong; jomi nüngei shahkung ngaümpheilei tuhphong. Jomi nüng touei mong lepei leihen shahvüng shuohpü thibüthü jütük; jomi nüng kü ne-ienelemi nyembenüng mang thah.

NEHEMIAH 9:30

Bong longi nüngi jom mü nenteiaokei heihpeih. Nüngei laanghai nüngei thibüthü homei jom kü shahvüng shuoh, shejao jomi ha nebang. Hanangkü nüngi jom lebü jatthülei lak kü shuohtükpeih.

EZRA 9:7

Hamei bühipathülei nyih kübü shinnyih thahshi hami mang longpü thahteke; hamei mang tata kü ham, hamei ongthü, hamei ngongpathü kemei shinnyihpü keiha kung amei ongthü kü shuoh, yani mah, wüpküpei dai, mop aetlangkem, hatü hai danghüpeih.

SHAHKÜP 9:7

Jahpanei nyushi ammi Shembüpa, ammei Kahvang mongshihhüpü ha deihtuh hatü tebetük. Am Ijip tuhtü layaongpü nyih kübü shinnyih hatou shing ngoipü thahshi ammi Shembüpa khüei yaonghampeih.

LUK SHAHSHA APPÜ 11:49

Hanangkü Kahvangi büpalei kihikoni, ‘Ngei jom touei thibüthü hatü phongshanthü shomhen, jomi hathü hanei jühen hatü shüveihen’ shei eteke;

2 SHÜPPÜKENGPÜ 24:19

Shejao jom mong lepei leihen shingvaishi Shembüpai thibüthü shom, shejao jomi hathü kü nebang.

ISAIAH 5:4

Ngei ngelei nyalingngupai kah kü dükpü mü lenei ngei mehe nyeinya dükhenang? Ngei nyalingngupai meipü jükkahen shei ongyangjü, mehekei hapa kü thiokpü phaü ngupai jükpa?

JEREMIAH 11:7

Ngei ambü ampa Ijip leipü müei daipü nyih mebü shinnyih thahshi, ‘Ngelei shah bangtuh’ shei leiyei leiyei shahvüng shuohpeih.

JEREMIAH 25:3

Judah am Amonei cheha Josiah-i ong vaipü bong anpüjempabü kü pangei shinnyih ngoishi bong hapüjem mongkü Shembüpalei shah ngei touei peiteke, hatü nedoh-i ngei am kü etepih, shejao ammi ha nebangpeih.

JEREMIAH 29:19

mehenangkü jomi ngelei shah nebang, shei Shembüpai enyüke; ngei chongphopü thibüthü homei jom kü nedoh-i epü ngelei shah nebang” shei Shembüpai enyüke.

JEREMIAH 35:14

Rekhabei cheha Jonadabi büpalei hapeüthü kü yiü neyinghen ngeükhüam shuohteke hatü ha shahkung noteiyei dainyüke. Shinnyih thahshi jomi yiü neyingnyu; mehenangkü jomi chebü chepalei shahkung bangnyüke. Ngei am kü leiyei leiyei ephei hih shejao ammi ngei epü nebang.

JEREMIAH 35:15

Leiyei leiyei ngei chongphopü thibüthü am touei shompeih, hatü jomi am kü, ‘Am peü laophülei mang lemthü kübü mong leptuh hatü ammei dükhiling yeiyatuh, hatü lebü kahvangthü chongphoei ha pheikü temü. Shejüang am hatü ammei bühipa kü shuohpü kahdokei nyuaokhen’ shei eteke. Shejao ammi ngei epü kü mong neshuoh nevaijü ha nebang.”

JEREMIAH 44:4

Nedoh-i ngei ngelei chongphobü thibüthü shomei, ‘Ngei nelümbenüng jiühitnalai dou tedük!’ shei etepih.

HOSEA 12:10

Ngei thibüthü kü etepih, ngei manghkhang longi shuohtepih, hatü thibüthü homei ngelei nanglakthü kü shahvüng shuohtepih.

AMOS 2:11

Ngei ammei hapeüthü hanei thibü vaihen, hatü ammei nethethü hanei Nazirit vaihen jeyei longpeih. Hayü jiüpü nevaipü je, Oh Israel? shei Shembüpai enyüke.

MALAKI 3:7

Ambü ampa amei hepak mebü am ngelei shahkungnyü kübü yandaipeih, hatü hathü nedükpeih. Ngei touei mong lepei leikei, hatü ngei am touei lepküshah shei Shembüpa Kahvangi enyüke. Shejao “Ham mekei mong lephen?” shei ammi enyüke.

HOSEA 11:7

Ngelei nanglakthü ngei toueipü lüdaihen temnyüke. Jomi, “Jaipüba Jeiyong” shei nyüklangmao büpai jom nephoukhen.