JEREMIAH 7:23 - DAÜLANGPÜ LAIHING (BSI)

²³ Shejao jom kü, “Ngelei shah bangtuh, hatü ngei ammei Kahvang vaihen, hatü amü ngelei nanglak vaihen; am meishi nyuhen shingvaishi ngei epü lem kü kamtuh” shei hapa ngeükhüam shuohpeih.

JEREMIAH 7:23 Referans Kwoze

MÜLANGPÜ 15:26

Büpai, “Ammi Shembüpa, ammei Kahvangei ngeü kenhingei bangjema, hatü büpa touei mehe jiüpa, ha dükjema, hatü büpai kangpü kü ven bangei büpalei shahkungnyü noteijema, ngei Ijip am kü shuohbenüng dinlem meheyao am kü neshuohpih; mehenangkü ngeiyü din meihüpü Kahvang hih” shei eteke.

SHAHKÜP 5:33

Amphong nyuhen shingvaishi shuohpü kahdokei yangnyu shoshoei daeisheyei yüluei nyuhen shingvaishi Shembüpa, ammei Kahvangi epü lem kü kamtuh.”

JEREMIAH 42:6

Ham meishi nyuhen shingvaishi hami nüng shompü Shembüpa, nüngei Kahvangi epü nemeijao meijao banghen; mehenangkü hami Shembüpa, jenei Kahvangei ven banghen hih” shei e.

HEBREW 5:9

hatü büpa changpüshapü leihütü, büpayü büpalei ven danpüthü peü shing nedohnetenpü yemleipü shuohbü lei,

SHAHKÜP 6:3

Bangtuh, Oh Israel am, Shembüpa, ammei bühipa Kahvangi am kü lahpükei am meishi nyuhen hatü amma hatü nyahjiü mon yenpü kahdok kü am daeisheyei nyuhen shingvaishi büpai epü kenhingei bangtuh.

SHAHKÜP 30:20

hatü ammi Shembüpa, ammei Kahvang kü bamtuh, büpalei shah bangtuh hatü büpa kü wongshongi shoungtuh. Mehenangkü Shembüpayü ammei yangnyu nyüke, hatü büpai ammei bühipa Abraham, Isak hatü Jakob kü shuohhen shei lahpü kahdokei vangbong longi nyuhen.

SHAHKÜP 13:4

Ammi Shembüpa, ammei Kahvang phei mon mütuh, hatü büpa kü dhüm shuohtuh; büpalei shahkungthü düktuh hatü ven bangtuh; büpa chongphotuh hatü hinglemtuh.

JEREMIAH 11:4

büpa kü thaüvaü hettuh. Ngei am kü epü bangtuh, hatü lemphü düktuh, hatü amü ngelei nanglak vaihen, hatü ngeiyü ammei Kahvang vaihen.

SHAHKÜP 5:29

Jomphong kü henüng thentoimongdang jükei ngei kü nyemei ngei epü bangphei küangü jom hatü jomei hapeüthü peü den kü meishi nyuhen.

2 KORINT 10:5

Hami Kahvangei kihikon khüei shah dakteipü hatü changmeipai lem bangtükpü bentüknyeih, hatü hami deihpü lemphü Khristalei ven danhen nangkü yepei tuhlangnyeih.

SHAHKÜP 30:2

Hatü ngei shinnyih am kü epükei mechem am hatü ammei hühihathüi Shembüpa, ammei Kahvang touei nyokei leihen hatü ammei mongdang kempai, laangha kempai büpalei shah banghenshang,

JEREMIAH 11:7

Ngei ambü ampa Ijip leipü müei daipü nyih mebü shinnyih thahshi, ‘Ngelei shah bangtuh’ shei leiyei leiyei shahvüng shuohpeih.

SHAHKÜP 30:8

Amphongi shao Shembüpalei ven danhen hatü shinnyih ngei am kü shuohpü büpalei shahkungthü noteihen.

ROM SHAHSHA APPÜ 16:26

shejao shaang shakei vam, hatü ven danei hinglempü kü mühen shingvaishi vanyangyem Kahvangei shahkung aimü thihivamthüi nyangpü homei Kung am peü kü nyinghütepa,

SHAHKÜP 4:10

Büpai ngei kü Sinai Kahshangei, “Jom hapa kahdokei nyupü thahshi ngei kü dhüm shuohhen nyinghen hatü jomei hapeüthü kü hapa nyuhhen shingvaishi nanglakthüi ngei epü banghen thaihütuh” shei eshingkü amphong Shembüpa touei yaongpü deih-ei dangtuh.

JEREMIAH 31:33

“Hapa hepak pheikü ngei jom mü linghen vangpüshuwpeyü hapa hih” shei Shembüpai enyüke. “Ngei ngelei shahkung jomei sholi kü hatü jomei mongdang kü nyangei tuhhen. Ngei jomei Kahvang vaihen, hatü jomü ngelei nanglak vaihen.

SHAHKÜP 11:27

Ngei shinnyih am kü shuohpü Shembüpa, ammei Kahvangei shahkung bangjema moihiman nyüke;

SHAHKÜP 5:16

Shembüpa, ammei Kahvangi am kü shuohpü kahdok kü yüluei nyuhen hatü am meishi nyuhen shingvaishi Shembüpa, ammei Kahvangi epükei anyü hatü ampa kü dhüm shuohtuh.

MÜLANGPÜ 16:32

Mosai, “Mechem büpai jen Ijip kahdok leipü müei leipa, jen kü jahpanei büpai hahhen hahying mehe shuohpa, ha jeni hühiha kü huhen shingvaishi manna maani aoei tuhtuh shei Shembüpai enyüke” shei ejateke.

1 SAMUEL 15:22

Samueli jangei e: “Shembüpalei ven bangpü kü mongongpü keiha Shembüpai jakpü moilathü kü mongongnyu je? Moila shuohpü meyü ven bangpü-üng meipüba, hatü mi cheü leimeyü kenhingpü-üng meipeih.

MENVIH KESHO 40:6

Jakpü moila hatü moila nüngi nenanyu, yemhimak jüei jakpü moila, mang moila nüngi neyünyu, shejao nüngei shah banghen nüngi ngei kü dhaong shuohteke.

MENVIH KESHO 81:13

Oh ngelei nanglakthüi ngelei shah danlangmeyü, Israel ami ngelei lemthü kü kamlangmeyü

ISAIAH 3:10

Daülangpüthü kü am-üng vangmei khih shei eyeishuoh; Mehenangkü jomi laophülei lak kübü vampü hahshi nyuhen.

JEREMIAH 13:11

Shüng ashak hük düngei ngeihshi nyupü keiha ngei Israel hatü Judah am shemthü peü ngelei men kü dupü-oupü, vihpülüpü ngelei nanglak leihühen ngei mü khashi angpeih, shejao jomi ngei epü nebang.

JEREMIAH 22:3

Shembüpai hapakei enyüke: Mehe shahhing hatü jiüpü nyüpa, ha düktuh. Shüveipüthülei lak leipü gühlangshuohpü shennyak yangtuh. Yenpa, hashihha nevaijü vaümnyü kü nejiüpü tedük nevaijü jom kü teshüvei, hatü hapa shing kü mang neshiüpü iy teyenhü.

JEREMIAH 24:7

“Ngeiyü Shembüpa khih” shei nyinghen mongdang ngei jom kü shuohhen. Jomü ngelei nanglak, hatü ngeiyü jomei Kahvang; mehenangkü jomei mongdang kempai ngei touei mong lepei leihen.

JEREMIAH 38:20

“Jomi nüng hapakei neshuohtükpih” shei Jeremiah-i e. Ngei mehe enya ha dükei Shembüpalei shah bangtuh. Shejüang nüng meishi nyuhen hatü nüng yanghen.

ZEPHANIAH 3:2

Pinnyüi Shembüpalei ngeü nedan, yeanpü sha neyah, Shembüpa kü hingnelem; Kahvang yopailei neheih.

ZEKHARIAH 6:15

Tailu shingei nyupüthü peikahen hatü Shembüpalei phopshem lingei leihen kü sheühhen, hatü Jeiyong Shembüpai am touei ngei shompü khih shei nyinghen. Hingmei, ammi Shembüpa, ammei Kahvangei shah bangjema, hapa jiükahen.

ZEKHARIAH 7:7

Mechem Jerusalem kü shennyak maei hatü hapa ngeihpü shonpü jilathü hatü Negeb hatü heshüphi kahshangla kü nyupüthü mophimo-i maei nyiushemmei kü nyupa, Shembüpalei shah shongpü thibüthü homei nebaongangpü je?”

SHAHKÜP 4:40

Am hatü ammei hühihathü meishi nyuhen shingvaishi hatü Shembüpa, ammei Kahvangi den shing am kü shuohpü kahdok kü den luangi nyuhen shingvaishi shinnyih ngei am kü shuohpü shahkungthü bangei düktuh.

SHAHKÜP 13:5

Hapa keipü thibü nevaijü mangh tetpeyü jütüktuh; mehenangkü jomi Shembüpa, ammei Kahvang, üpai am aa vaihampü Ijip kahdok leipü müei leipa, büpa khüei yaongnyüke. Büpai Shembüpa, ammei Kahvangi epü lem kübü am mülanghen khenyüke. Am toueipü henüng keipü mang daütüktuh.

JOB SHAHSHA APPÜ 36:11

Jomi ven danei büpa chongphojema, aopü nyihthü peü dapüshepü kü, hatü mongongmongleshi vangbongthü peihhühen.

MENVIH KESHO 119:3

Jomi nejiüpü meheyao nedüknyu, jomi büpalei lemthü kü kamnyüke.

JEREMIAH 22:21

Nüng angeideiyei nyushi ngei etepih, “Ngei ha kü nebangpih” shei nüngi epeih. Hashih mebü-üng ngelei shah nebangpeyü nüngei vanglem vaihampeih.

JEREMIAH 32:23

Jom peiyei hapa kahdok kaamei yahpeih shejao jomi nüngei ven nebang hatü nüngei shahkung kü nemü; jom kü nüngi düktuh shei epü nedük. Hanangkü nüngi jom kü hathü shanghah koei peipeih.”