JEREMIAH 7:20 - DAÜLANGPÜ LAIHING (BSI)

²⁰ Hanangkü Shembüpai hapakei enyüke: Ngei mongshih hatü lohpü hapa shing, hangkuthü, yemhimakthü, pühivungthü hatü betjükvungjük kü khüpeilanghen; hapa kü aw bahhen hatü ha nemethen.

JEREMIAH 7:20 Referans Kwoze

JEREMIAH 42:18

Jeiyong Shembüpa, Israel Kahvangi hapakei enyüke: Ngelei mongshih Jerusalemei nyupüthü kü khüpshuohpü keiha, mechem am Ijiplei yiüei nyuhen ngelei mongshih khüpphahen. Amphongü thaüvaütükpü dou, nyembenüng, eela hatü yaüeilungtükpü dou leihen. Ammi hapa shing sheyü ne-eehen.

JEREMIAH 17:27

Shejao ammi Sabbath nyih Jerusalem penyüsha homei hanggo kotü neshüpü homei Sabbath nyih daülangi tuhtuh shei ngei epü nebangjema, ngei Jerusalem penyüshathü kü mechemao nemethen aw vamhühen hatü hapai penyüshathü hahtükhen.’ ”

ISAIAH 42:25

Hanangkü büpa mongshihpü jom kü khüppeih, hatü vehok mangpü heüpeih. Awlomi jom jümlangjao, jomi hapa nenyingaok; awi jom jangtükjao, jomi hapa mongdangei neyah.

NAHUM 1:6

Büpa mongshihjü üpa yaongaokhenang? Büpa nemei-i mongshihpü üpai nenaokhenang? Büpa mongshihpü awlom kei vamnyüke; büpa tou kü yaongnyüthüao bhihla kei nihdainyeih.

EZEKIEL 22:22

Awbhaongei nyiam nyaüpü keiha am halei nyaühen, shejüang ngei, Shembüpai am kü ngelei mongshih khüpphopü khih shei ammi nyinghen.”

YOUNG LAI 4:11

Shembüpai mongshih wong kempai mongshih anei büpai Zion kü aw bahhü, hatü hapalei chongnyiam hahtük.

JEREMIAH 44:6

Hanangkü ngelei mangpü mongshih bhuei vampeih hatü hapai Judah jilathü hatü Jerusalem chingyangshong kü bahhüpeih, hatü shinnyih nyupü keiha lavüngtoiyei leitükpeih.”

ISAIAH 66:24

Jomphong daishingkü jom khüei yaongpüthülei mahng jomi eehen; jomei büm kübü laong nedihen, nevaijü jom kü bahpü aw nemetdaihen, hatü jomphongi hangkuli peü touei jiühitbenüng leidaihen.”

2 ONGPATHÜ 22:17

Mehenangkü jomi ngei yakphongtü lebü kahvangthü kü moila shuoh-ei khümpeih, hatü jomei laki lingpü lajeithüi ngei mongshihhüpeih; hanangkü ngei mongshihpü aw kei bahhen, hatü hapa nemethen.

SHAKEI VAMPÜ 14:10

jomphongao Kahvang mongshihpü yiü yung nevuki büpalei phongshanei pati kü shihpü yinghen, hatü jomphongü büpalei daülangpü vangsho phongshanthü hatü Mi Cheha touei aw hatü awkaong meli bahpü shingei shukhen,

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

DANIEL 9:11

Israel am peüi nüngei shahkungnyü kü pungteke, hatü nüngei shah nebanghahhüei lemnyong kü lüdai. Hami nüng khüei mang thahpü nangkü nüng chongphopü Mosa homei shuohpü shahkungnyü kü nyangei nyupü thaüvaü kemei ham kü hetteke.

JEREMIAH 14:16

hatü jomi teteivanei eshuohpü shennyakthüao yan hatü münghishaü homei mahhen hatü Jerusalem chingyangshongei yakeichingei nyuhen; jom, jomei shembünyüthü, hatü hapeüthülei mahng vühen üpayao nenyuhen. Jomei mangi shangpükei ngei jom kü shemhen.”

JEREMIAH 12:4

Meshük lushi kahdoki mahng thephen? hatü kah kübü phenha kaudaihen? Mehenangkü haleipü shennyakthü mang vaipü nangkü, Yemhimak hatü outhü peü mahdaikemteke. Nyeinya vaishi nanglakthüi, “Jen kü mehe vamhen ha büpai ne-eepih” shei enyüke.

MATHI 3:12

Büpalei lakei om noshi nyüke, hatü büpai laophülei hah yüptükhen, hatü büpai laophülei hah puongmongei thailanghen, shejao hahbhang peü mechemao nemetpü aw kü jaktükhen.

ISAIAH 10:17

Israel amei Vangngaiyü aw leidaihen, jomei Daülangpü Hükü awlom leidaihen; nyihcha kü hapa bah-ei büpalei hüh peü hahtükhen.

JEREMIAH 6:11

Shejao ngeiyü Shembüpalei mongshih-i maei nyüpeih; ngei ha kopai nyiudaitü nyüpeih. Chingyangshongei hashihthü kü, hatü nethethü thaipüyupü kü ha khüpeishuoh; Nyühipa nyiphen yah-ei lüdaihen, viünyü viüpa kemei deilanghen.

JEREMIAH 6:12

Jomei shemthü, kah hatü nyühathü peü mih-ei vaidaihen; Mehenangkü hapa kahdokei nyupüthü khüei ngelei lak haonghen shei Shembüpai enyüke.

JEREMIAH 8:13

Nyalingngupai vaümpükei ngei jom thaiyei leilanghüei deihpeih, shejao nyalingngupai kü betjük neshiü, nevaijü adhapü kü adhajük neshiü; lak dangkao kaudaitü nyu; hanangkü ngei mehe jom kü shuoh, hayü jom leipü yahlangpeih.

JEREMIAH 11:16

Chem Shembüpai am kü, “Thüngshingpü olive pü, meipü betjük jükpü” shei nyükhampeih, shejao longpü yinglükleisho ngüngpai büpai ha kü aw bahhühen, hatü hapalei kaothü hahtükhen.

JEREMIAH 17:4

Am pungpü homei ngei am kü shuohtükpü mükjüp mahtükhen, hatü ngei ammi nenyingpü kahdokei vepathü chongphoei anghen; mehenangkü ngei mongshihpai aw bahhen, hatü hapa den kü bahshi nyuhen.

JEREMIAH 18:23

Shejao nüng, Oh Shembüpa, Ngei jühen jomi lingpü kon nyingei nyüke, nüng toueipü jomei mang tethittük. Nüng toueipü jom noei yaktüktuh; nüng mongshih hepak küang jom kü dou dükeishuoh.

JEREMIAH 21:12

Oh David am shem, Shembüpai hapakei enyüke: “Nepnüng dhom ieyei shahhing dou düktuh; Shüveipüthülei lak leipü gühlangshuohpü shennyakthü yangtuh. Hei nevaijema ammi dükpü mang nangkü ngei mongshih vamhen, hatü üpaiyao nemetaokhen mü aw kei bahhen.

ZEPHANIAH 1:2

Shembüpai enyüke, kahdok shak kü nyupü lemphüli ngei chemjalak kü maoei yaktükhen.

LEVI 26:28

ngei mongshih anei am khüei yaonghen, hatü ammei mang shingvaishi shao shing nyet nyeinya hanghi shuohhen.

EZEKIEL 7:12

Hepak ngoiteke, nyih yopailei nyüke; shakhahpü amao mongteong nevaijü yupü amao mongtemei; mehenangkü Kahvangei hanghi shennyak peü kü peikahen.

EZEKIEL 7:14

Jomphongi amit vüngtü lemphü temlangmao, üpaiyao vehokei nedaihen; mehenangkü ngelei mongshih peü kü nyuhen.

ZEPHANIAH 1:3

Ngei shennyak hatü yemhimakthü; shangei piteipü ouhiyühthü, yungmong nyahthü maotükhen. Ngei nemeipüthü huluh shuohhühen. Ngei kahdok shak kübü hangkuli bhang mahtükhen shei Shembüpai enyüke.

ZEKHARIAH 7:12

Shahkungnyü hatü Jeiyong Kahvangi büpalei laanghai thibüthü homei shompü shahthü nebangnüng shei jomei mongdang yaong kei vaandai. Hanangkü Jeiyong SHEMBÜPAleipü mongshih longpü peiteke.