JEREMIAH 7:15 - DAÜLANGPÜ LAIHING (BSI)

¹⁵ Ngei ammei jeihinaüthü hatü Ephraim am hühihathü changtükpü keiha ngei toueipü am changtükhen.

JEREMIAH 7:15 Referans Kwoze

JEREMIAH 15:1

Hahepak kü Shembüpai ngei kü eteke: “Hatoumü Mosa hi Samuel nyi ngei kü phopei yaongküpü paoh vailangmao, ngei henüng shennyakthü kü nephahjipih. Hathü ngei toueipü deitükkemtuh! Hathü deitüktuh!”

HOSEA 13:16

Samaria ami jomei mang kohen; Mehenangkü jomi Kahvang khüteke; jom yani mahkemhen, jomei hapeüthü khih mü shaaktükhen, hatü büm nekongpü nyühathülei vom shaaktükhen.

JEREMIAH 52:3

Hapayü Shembüpai mongshihpü nangkü hathü peü Jerusalem hatü Judah kü vampeih, hatü dohpülei büpai hathü büpa toueipü changtükpeih. Shaang Zedekiah ongpai Babylon ongpa khüei yaong.

2 ONGPATHÜ 17:23

hatü Shembüpai büpa chongphopü thibüthü homei epükei Israel am büpa toueipü mangchangtük thahshi hapa mang kübü neyan. Hanangkü Israel amü laophülei kahdok kübü Assyria kahdokei shinnyih thahshi wüpküpei daiyei nyüpeih.

HOSEA 12:1

Ephraim ami dhom kübü nyak dhüshi dükpü lemphüli angsha dou, hatü douten düknyüke. Jomi shahshem hatü dehilao nyeinya dahünyüke; Jomi Assyria am mü chingmei lempongnyüke, hatü Ijip am kü olive mainga shomnyüke.

HOSEA 9:9

Gibeahlei nyupü nyih kü kei, ten lem kü jom hingdaiteke; Kahvangi jomei mang deihhen, hatü jomei mang nangkü jom hanghihühen.

HOSEA 9:3

Shembüpalei kahdok kü jom nenyuaokhen; Ephraim am Ijip kahdokei nyokei daihen, hatü Assyrialei nedaüpü hahying hahhen.

HOSEA 1:4

Shembüpai Hosea kü, “Hapa naü kü Jezreel shei mentuh; mehenangkü meshük ne-angi ngei Jezreelei jüpü nangkü ngei Jehu am shem mahtükhen, hatü Israel ongching ngei dohtükhen.

JEREMIAH 23:39

Hanangkü hingmei ngei toueipü am hatü ambü ampa kü shuohpü chingnyü omei betükhen hatü yaktükhen.

JEREMIAH 3:8

Ngei hingnelempü Israel kü yanhen lai shuohpeih, hatü pinnyüi mükbungjuyung dükpü nangkü yanei leishihpeih. Shejao ha eetü hingnelempü chenaü Judah-i nyemei nedeih; pinnyüao daiyei mükbungjuyung dükteke.

2 SHÜPPÜKENGPÜ 15:9

Hapheikü büpai Judah hatü Benjamin hatü jom mü nyupü Ephraim, Manasseh hatü Simeon nanglakthü peü thaihü; mehenangkü mechem Shembüpa, büpalei Kahvangü Asa mü nyüke shei jomi veiaokpa, shennyak longi Israel leipü jom mü nyuhen heihteke.

2 ONGPATHÜ 24:20

Jerusalem hatü Judah nanglakthü kü Shembüpai longi mongshihpü nangkü büpai jomphong büpa toueipü changtük.

BHEI-IE 1:32

Ephraim am 40, 500

MENVIH KESHO 51:11

Nüng ompü toueipü ngei teyaktük, hatü ngei kübü laangha daülangpü teyahlangpha.

ISAIAH 7:16

Shejao hapa naüi ten yaktükhen, hatü jiüpü jehen meishi nyinghen shekü nüng nyemhüpü hapa ongpa nyilei kahdok lavüngtoiyei nyuhen.

JEREMIAH 9:19

Mehenangkü Zion leipü ngeü hük, “Ham mekei lomohpa! Ham mekei veü pongpa! Mehenangkü hami kahdok tuhphong, hatü hamei nyushingü bentükteke” shei epü dannyüke.

EZEKIEL 23:31

Nüngi anyalei lem kü lüdaipü nangkü ngei pinnyülei yungshong nüngei lak kü shümhühen.

HOSEA 7:13

Jomi ngei toueipü lemnyongei lüdaipü nangkü onyükei! Jomi ngei khüei yaongpü nangkü jom mahtükhen! Ngei jom yanghüjao, jomi ngei khüei shahshem enyüke.

HOSEA 9:13

Chem Ephraim amü shingmei kü sheipü pü keieepeih, shejao shaang Ephraim ami jomei hapeüthü jühen müei daihen.

JONAH 2:4

Ngei nüng toueipü lükdai, hatü nüngei phopshem hajük kü ne-eehen khih shei deihteke.

JEREMIAH 23:33

Mechem hathü nanglakthü nevaijü thibüi nevaijü ngongpa hüki, “Shembüpalei shahjang mehe khih?” shei phehüjü nüngi hathü kü, “Amphongü hanggovih khih, hatü ngei amphong yakphonghen” shei Shembüpai enyüke shei etuh.

EZEKIEL 33:25

Hanangkü Shembüpa Kahvangi hapakei enyüke shei hathü kü etuh: “Ammi phai mü iy-ao omshi hahnyüke, hatü ammei lajeithü kü khümnyüke, hatü iy vamhünyüke; hapakei tuhtü hapa kahdok yah-aokhen je?