JEREMIAH 7:14 - DAÜLANGPÜ LAIHING (BSI)

¹⁴ hanangkü ammi mongnyangpü, ngei kü khümpü shem kü ngei Shiloh kü dükshuohpü keiha ngei ambü ampa kü shuohpü hapa shing kü dükhen.

JEREMIAH 7:14 Referans Kwoze

JEREMIAH 7:4

‘Hapayü Shembüpalei shem, Shembüpalei shem, Shembüpalei shem’ shei lueilempü shahthü kü hingtelem.”

JEREMIAH 7:10

ngei kü khümpü shemei peiyei ngei touei yaongtü, “Ham daülangi nyüpeih” shei hathü jiühitnalai douthü dükyaki ehen je?

MENVIH KESHO 78:60

Büpai Shiloh leipü büpa nyushing yakphong, hangkuthü mü büpa nyupü ashakshem tuhphong.

2 ONGPATHÜ 25:9

Büpai Jerusalem moilashem, ongshem hatü Jerusalemei nyupü shemthü peü awi haptük. Shongnyü shemthü peü awi haptük.

SHAHKÜP 28:52

Shembüpa, ammei Kahvangi am kü shuohpü kahdok kübü chingnyüthü peü mahhen, hatü ammi mongnyangpü shaopü chingnyü pethü laamdaihen.

EZEKIEL 24:21

‘Shembüpa Kahvangi Israel am phang changmeihen wong dangpü, ammei mük kü meipü, ammei mongi lümpü phopshem ngei sheihtükhen hatü ammi tuhphongpü hapeüthü yani mahhen.

YOUNG LAI 4:1

Mekei daülangpü hon dheshihlaümang leidaipa! Phopshem yaongthü mekei chingshongei haidaipa!

YOUNG LAI 2:7

Shembüpai büpalei moidü, hatü daülangpü Phopshem yaktük; Büpai vepathü kü ongshem leipü bham bentükhen han; Mohitap nyih kü kei jomi aokpü dangei Shembüpalei Phopshemei leneiwong.

JEREMIAH 26:18

Judah am Hezekiah ongpalei nyih kü Moresheth am Mikah-i teteivanei epeih. Büpai, Jeiyong Shembüpai hapakei enyüke” shei nanglakthü kü epeih; Zionü kah kü han hokpükei hoktükhen, Jerusalemü nyüp yakshing leitükhen, hatü phopshem shangü phaüying leidaihen.

JEREMIAH 7:12

Shongpü ngei kü khümhen lingpü shing Shilohlei heih-ei veituh, hatü Israel nanglaki mang thahpü nangkü ngei mehe dükshuohpa ha kü veituh.

ISAIAH 64:11

Hamei bühipai nüng kü menvih shuohhampü hamei daülangpü Phopshemü awi shamtükteke, hatü hamei veinyuhüpü shingthü peü lavüngtoidaiteke.

2 SHÜPPÜKENGPÜ 7:21

hatü shaang hapa phopshem dhüm kohshi nyüke, shejao peihpü shaipü peüi, “Mehekei Shembüpai hapa kahdok hatü phopshem kü hapakei dükshuohpa yo?” shei ehen.

SHAHKÜP 12:5

Am jatthülei kahmük peü khongkü Shembüpai büpalei men tuhhen shingvaishi shing hük jehen; halei nanglakthü peü peiyei büpa kü khümhen.

JEREMIAH 23:39

Hanangkü hingmei ngei toueipü am hatü ambü ampa kü shuohpü chingnyü omei betükhen hatü yaktükhen.

EZEKIEL 23:31

Nüngi anyalei lem kü lüdaipü nangkü ngei pinnyülei yungshong nüngei lak kü shümhühen.

JEREMIAH 12:7

Ngei ngelei shem yakphongpeih, ngei ngelei mükjüp tuhphongpeih: Ngei ngelei mongdangi bampüba vepathülei lak kü shuohtükpeih.

JEREMIAH 26:4

Shembüpai hapakei enyüke shei jom kü etuh: Ammi ngelei shah nebangjema hatü ngei am kü shuohpü shahkung kü nemüjema,