JEREMIAH 7:13 - DAÜLANGPÜ LAIHING (BSI)

¹³ Shaang, ammi hathü dou peü dükpü nangkü, shei Shembüpai enyüke, hatü ngei nedoh-i am kü eteke, shejao ammi ha nebang; mechem ngei am kü nyük, ammi nejangpeih;

JEREMIAH 7:13 Referans Kwoze

ISAIAH 65:12

Ngei amphongü yani mahhühen, hatü am peüi jüpü am kü aümei khümhen; Mehenangkü mechem ngei am kü nyükpa, amphongi ngei kü nejang, mechem ngei epa, amphongi nebang, Shejao ngei touei mehe mang ammi ha dük, hatü ngei mepa kü mong nehah, ammi ha dükpeih.”

JEREMIAH 7:25

Ambü ampa am Ijip leipü vamei daipü nyih mebü shinnyih thahshi nyihjeih ngei ngelei chongphopü thibüthü jom touei shompeih;

KANDOK 1:24

Ngei am kü nyükjü ami ha nebang; mechem ngei ngelei lak nopa, üpaiyao ha kü neli.

MATHI 23:37

Jerusalem, Jerusalem, am touei shompü thibüthü yaongi shükei jütükpü chingnyü! Ounyüi laophülei ouhathü pinnyülei yangkaok phangei thaipükei ngei ammei hapeüthü thaihen meshükpa kentepa, shejao ammi ha nemong!

ZEKHARIAH 7:13

“Mechem ngei nyükpa, jomi nebang; hapakei mechem jomi ngei kü phoppa, ngei jom kü nejangpeih” shei Jeiyong Shembüpai enyüke.

HOSEA 11:7

Ngelei nanglakthü ngei toueipü lüdaihen temnyüke. Jomi, “Jaipüba Jeiyong” shei nyüklangmao büpai jom nephoukhen.

HOSEA 11:2

Shejao meshükpa ngei Israel kü nyükhen, hajükpa jom ngei toueipü yandainyüke. Jomi Baal kü jakpü moila shuohnyüke, hatü jomi lajeithü kü ayingshü jaknyüke.

JEREMIAH 44:4

Nedoh-i ngei ngelei chongphobü thibüthü shomei, ‘Ngei nelümbenüng jiühitnalai dou tedük!’ shei etepih.

JEREMIAH 35:17

Hanangkü Jeiyong Shembüpa Kahvang, Israel Kahvangi hapakei enyüke: Ngei Judah hatü Jerusalemei nyupüthü peü kü jom kü shuohhen shei epü shanghah shuohhen; mehenangkü ngei jom kü ephei shejao jomi nebang, ngei jom kü nyükjü jomi nejangnyu.

JEREMIAH 35:15

Leiyei leiyei ngei chongphopü thibüthü am touei shompeih, hatü jomi am kü, ‘Am peü laophülei mang lemthü kübü mong leptuh hatü ammei dükhiling yeiyatuh, hatü lebü kahvangthü chongphoei ha pheikü temü. Shejüang am hatü ammei bühipa kü shuohpü kahdokei nyuaokhen’ shei eteke. Shejao ammi ngei epü kü mong neshuoh nevaijü ha nebang.”

JEREMIAH 25:3

Judah am Amonei cheha Josiah-i ong vaipü bong anpüjempabü kü pangei shinnyih ngoishi bong hapüjem mongkü Shembüpalei shah ngei touei peiteke, hatü nedoh-i ngei am kü etepih, shejao ammi ha nebangpeih.

JEREMIAH 11:7

Ngei ambü ampa Ijip leipü müei daipü nyih mebü shinnyih thahshi, ‘Ngelei shah bangtuh’ shei leiyei leiyei shahvüng shuohpeih.

ISAIAH 66:4

Hanangkü jomi düngei nyemei nyupü shanghah ngei koei peihen, Mehenangkü mechem ngei jom kü nyük, jom üpaiyao nejang, mechem ngei e, ha üpaiyao nebang. Jomi ngei touei mang dükhen jeteke, hatü mehe kü ngei mongneong, ha jomi jeteke.”

ISAIAH 50:2

Ngei leishingkü mehekei hükao nenyupa? Ngei nyükshingkü mehekei üpaiyao nejangpa? Am angei leihen ngelei lak shohdaipü je? Nevaijü am yanghen ngei wong neshiüpü je? Loh mon lohjü ngei yungchingao jeptüknyeih, ngei yungnyüthü bhih kahdok leitüknyeih; Haleipü nyahthü yung neshiüi, hatü yung lepai dinyüpeih.

JEREMIAH 13:11

Shüng ashak hük düngei ngeihshi nyupü keiha ngei Israel hatü Judah am shemthü peü ngelei men kü dupü-oupü, vihpülüpü ngelei nanglak leihühen ngei mü khashi angpeih, shejao jomi ngei epü nebang.

JEREMIAH 26:5

hatü ammi nebangjao ngei am touei leiyei leiyei shompü ngei chongphopü thibüthülei shah nebangjema,

JEREMIAH 32:33

Jomi ngei kü jomei dhe nemee, dok leppeih; ngei düngei jom kü nyuhjao jomi ha nebang nevaijü ngei ungei-aeipü phangkü neshüpeih.

JEREMIAH 35:14

Rekhabei cheha Jonadabi büpalei hapeüthü kü yiü neyinghen ngeükhüam shuohteke hatü ha shahkung noteiyei dainyüke. Shinnyih thahshi jomi yiü neyingnyu; mehenangkü jomi chebü chepalei shahkung bangnyüke. Ngei am kü leiyei leiyei ephei hih shejao ammi ngei epü nebang.

JEREMIAH 44:23

Ammi ayingshü jakei Shembüpa khüei mang thah hatü büpalei shah nebang nevaijü büpalei shahkung hatü vanglem kü nemüpü nangkü ammi shaang ponghahpü shanghah am kü peipeih” shei e.

JEREMIAH 5:21

Oh ngapa hatü sholi neshiüpü nanglakthü; am kü mük nyüke, shejao ne-eenyu; am kü dhaong nyüke, shejao nedannyu.

JEREMIAH 6:10

Jomi danhen ngei üpa kü ehen, hatü shahvüng shuohhen? Veituh, jomei dhaong dhühlang, jomi nedanaoknyu. Jom kü Shembüpalei shah-ü nyipüwapü dou keiha leidai; jomi ha kü mongong neshiü.

JEREMIAH 11:8

Shejao jomi ha nebang, nevaijü dhaong neshaang, shejao mong vaanei mangi mongpü lem kü peü kampeih. Hanangkü vangpüshuwpülei nyangei nyupü thaüvaü kemei jom touei peihüpeih, shejao jomi ha kao nebang” shei eteke.

JEREMIAH 13:10

Ngelei shah nebanghüpü, mong vaanei laophüi mongpü lem kü daipü hatü lebü kahvangthü chongphoei khümpü mang shennyakthüyü hapa yahlak neshiüi mangdaipü shüng ashak kei nyuhen.

JEREMIAH 29:19

mehenangkü jomi ngelei shah nebang, shei Shembüpai enyüke; ngei chongphopü thibüthü homei jom kü nedoh-i epü ngelei shah nebang” shei Shembüpai enyüke.

HOSEA 9:17

Ngelei Kahvangei ven nedanpü nangkü büpai jom yaktükhen; Jomü jatthü khongkü chingnyaipü am leihühen.