JEREMIAH 7:11 - DAÜLANGPÜ LAIHING (BSI)

¹¹ Am shingvaishi ngei kü khümpü shemü gühpathülei chephijaan neleihen je? Ngei ha kü veishi nyüpeih shei ammi nyingei nyüke shei Shembüpai enyüke.

JEREMIAH 7:11 Referans Kwoze

ISAIAH 56:7

Hathü peü ngelei daülangpü Zion Kahshangei anhen, hatü ngelei phoppü shemei jom kü mongong shuohhen. Ngelei moidülei jomi shuohpü moila peü ngei yahhen; Mehenangkü ngelei shemü hangkuli peü shingvaishi phoppü shem shei nyükhen.

MATHI 21:13

Büpai jomphong kü, “Ha nyangei nyüke: ‘Ngelei shemü phoppü shem vaihen; shejao amphongi hapayü gühpathülei dung leitüknyüke’ ” shei e.

MARK 11:17

Büpai jomphong kü nyuh-ei e: “Ha nyangei nenyupü je? Ngelei shemü jat peü shingvaishi phoppü shem shei nyükhen, shejao ammi ha gühpathülei dung leitükteke” shei e.

2 SHÜPPÜKENGPÜ 6:33

nüngi nüng nyushing vangsho leipü bangtuh, hatü nüngei Israel nanglakthüi keiha kahdoknyü hangku peüi nüngei men nyinghen hatü nyemhen, hatü ngei nüng kü vepü hapa shemei nüng kü khümnyeih shei nyinghen shingvaishi nüng kü kung ami yüpü dükeishuoh.

JOHAN 2:16

Büpai athuba yupüthü kü, “Hatoueipü hathü dou yahlangtuh! Opalei shem amphongi bhei leihshing teleitük!” shei e.

JEREMIAH 23:24

Ngei ne-eeaokhen mü hanei joaokhen je? shei Shembüpai enyüke. Ngei vangsho hatü kahdoknyü maei nenyupü je? shei Shembüpai enyüke.

HEBREW 4:13

Hatü büpa touei lingpü dou mepayao joei neshiü, shejao büpalei mük touei lemphü bümbai hatü heeyei yeemshi nyüke, hatü jeni dükpü peü büpa kü ehen.

JEREMIAH 29:23

Mehenangkü jomi Israel kü nyembenüng mang dükteke; chingyowpalei nyüha mü mükbongjuyung dükteke, hatü ngei neshomshomi ngelei men kü shahshem eteke. Ngei ha nyingnyeih hatü ngei ha kü denpü shuohnyeih shei Shembüpai enyüke.”

JEREMIAH 2:34

Yemhimak jüpülei iy nevai, shejao nüngei ashakviha kü mang neshiüpü shennyakthülei iy lüpshi dangteke; Henüng douthü kemei vamei tuhtü,

JEREMIAH 7:10

ngei kü khümpü shemei peiyei ngei touei yaongtü, “Ham daülangi nyüpeih” shei hathü jiühitnalai douthü dükyaki ehen je?

EZEKIEL 35:13

“Ajükiyao neyingi ammi ngei khüei changmei shah epeih, hatü ha ngei dantepih.

ISAIAH 1:12

Mechem amphongi ngei mü pongteinüng peihenshang, hathü koei peikei shei üpai ephopa? Hajük kü ngei nyushingei la teshuopkei.

DANIEL 9:18

Nüngei dhaong shaangshih, Oh ngelei Kahvang, hatü banglangshih. Nüngei mük vamei nüngei men epü chingnyü bentüklangtükpü kü veituh. Hami nüng kü phepeyü ham daülangpü leipü nangkü nevai, shejao nüngei phahji longpü nangkü phenyüpeih.