JEREMIAH 6:7 - DAÜLANGPÜ LAIHING (BSI)

⁷ Yungkuk hüki yung meishi tuhpükei, pinnyüi pinnyülei mang jungei tuhnyüke; Depülaopü, benpülangpü mon pinnyü toueiyü dannyüke; tüngpüaipü hatü ma yahteipü mon pinnyü touei dannyüke.

JEREMIAH 6:7 Referans Kwoze

EZEKIEL 7:23

Nyiamvü hük lingtuh! Kahdok kü iy-aongmashateipai maei nyüke; chingnyü-ü üpteilenteipai maei nyüke.

EZEKIEL 7:11

Üpteilenteipai ten nyeinya bühnyüke. Shennyak, jomei mophimo, jomei dhemeilaüma nevaijü jomei müknyinshekhang meheyao aoei netuhphonghen.

JEREMIAH 20:8

Mechem ngei shah ehen “Dehilao!” “Jüteishangtei!” shei mon ehen mü vamnyüke. Hanangkü helushoei Shembüpalei shah-i ngei kü yaüpülungpü, hatü naamshah mon koei peikünyüke.

ISAIAH 57:20

Shejao nemeipüthüyü nenmü nenyupü, shing nelingpü yungmoki nyüphihang, hatü nyaühut küei küei deipükei nyüke.

EZEKIEL 24:7

Pinnyüi laophü mongei iy yenhüteke. Bhihla-i nelintükaokhen mü yaongba shangei haishi nyüke.

KANDOK 4:23

Peü mü nüngei mongdang yomtuh, mehenangkü hapayü yangnyu yunglok khih.

ISAIAH 59:6

Jomei maknyimi ashakviha vaihen nemeihen, jomi linghahpai jomei büm kü nejümaokhen. Jomei dou-ü mang dou monha, hatü jomei laki iy-aongmako dou mon düknyüke.

JEREMIAH 30:12

Shembüpai hapakei enyüke: “Ammei makaw nemeiaokhen; nemeihen mü ammi ma yahteke.

JEREMIAH 30:13

Am nang ephahen üpayao neshiü, ammei ma kü meli neshiü, ha nemeiaokhen.

JEREMIAH 32:31

Hapa chingnyüi ngei lingei tuhpü nyih kübü shinnyih thahshi ngei mongshih vamhüpeih; hanangkü ngei toueipü hapa nüngtükhen,

EZEKIEL 45:9

Shembüpa Kahvangi hapakei enyüke: Oh Israel ongthü, hajük kü dohtuh! Nemei-i dükpü hatü shüveipü tuhtüktuh; mehe shahhing hatü jiü, ha düktuh. Ngelei nanglakthü hapa kahdok leipü changtükei heihpü kübü dohtuh shei Shembüpa Kahvangi enyüke.

ISAIAH 1:6

Ammei labha kübü shangnyüshang thahshi meipü shing hükao neshiü, shejao aokhahma, ma hatü iy yenpü makaw mon nyüke; Üpaiyao hapa nepaütük, maju kü nesha, nevaijü ha kü meli nenyio.

JEREMIAH 8:22

Gileadei meli neshiüpü je? halei meli nobü neshiüpü je? Mehekei ngelei nanglakthüi büm yangei neleinya?

JEREMIAH 30:15

Ammi ma yahpü nangkü mehekei eelanya? Nüng kü tüngpü nemeiaokpih. Mehenangkü ami pungpü hatü ammei mang ahshi longpü nangkü ngei ha dükpeih.

EZEKIEL 21:29

Ammi eepü manghkhang peü shahshem, ammi teteivanpü peü kemei shahshem, Mahhen nyupü nemeipüthü, hanghihen dohpü nyih hatü hepak ngoidaitü nyupüthülei ngaümtüng kü ha baphen.

ZEPHANIAH 3:1

Ühingnakaipü, dokteikhaungkheipü, hatü sheihdaipü chingnyü, Onyükei!