JEREMIAH 6:26 - DAÜLANGPÜ LAIHING (BSI)

²⁶ Oh ngelei nanglak, dhoila ashak ümtuh, depla kü lüteituh; halomha hük kü shahyaki thepeiyoungtuh; mehenangkü am jühen ngangahük kü peikahen; nyempühanpü peü lemei shinei nyüke.

JEREMIAH 6:26 Referans Kwoze

ZEKHARIAH 12:10

Ngei David am phang hatü Jerusalem kü nyupüthü kü phahji laangha hatü phoppü laangha shuohhen; mechem jomi jomei laki jütükpü eehen, halom didaipü kü theppükei, hatü hashongpa jaangdaipü kü youngpükei jom shahyaki thephühen.

JEREMIAH 4:8

Hanangkü dhoila ashak ümtü, “Shembüpa mangshi mongshihpü jen toueipü nelüdaiang” shei theptuh hatü youngtuh.

JAKOB 5:1

Shaang bangtuh, am shemmeithü, am touei peiküpü mongmang nangkü theptuh hatü lentuh.

JAKOB 4:9

Mongshangtuh, mahng theptuh hatü vaütuh. Am nyipüwapeyü mahng theppü, hatü am mongongpü mongmang leihütuh.

LUK SHAHSHA APPÜ 7:12

Büpa mechem hapa jila pephang ngoipa, vaümnyü hükei halom dipü mahng paiyei daijaei heü, hatü pinnyü mü hapa jila kübü khongnyü longpü müshi nyu.

AMOS 8:10

Ngei ammei mohitap mahng theppü leitükhen, hatü ammei kesho nyahhai peü mahng kesho leitükhen. Ngei am peü dhoila ashak ümhühen, hatü ammei sho chaei kuptükhen. Ngei hapa hepak kü halom dipü kü nyühipai youngpükei leihühen. Hapa nyih dohpeyü shahyakpü nyih hük leihühen.”

YOUNG LAI 4:10

Nyüthüi laophüi bampü hapeüthü jüei hah; Ngelei nanglakthü mahshingkü, hapeüthü-ü jomei hahying leipeih.

YOUNG LAI 4:6

Sodom am kü hanghihüpü kao nyeishi, ngei ngelei nanglakthü kü hanghi shuohteke; Sheühhen neshiüi kansho hük mong aa kü noei yaktükteke.

YOUNG LAI 4:3

Mahui dangkao laophülei cheha kü amma yingei jungnyüpeih; shejao ngelei nanglakthüyü bhih kahdokei ostrikh ou-i cheha kü nejungpükei nyüke.

YOUNG LAI 3:48

Ngelei nanglakthü mahdaipü nangkü ngelei mük kü mükphi yungyen kei yennyüke.

YOUNG LAI 2:11

Theppai ngelei mük poukdaiteke; ngelei nanglakthü mahdaipü nangkü ngelei mongkü tüngnyüke. Hashihthü hatü aküngnaühathü chingyangshongei shomeiyingnyüke.

YOUNG LAI 1:16

Hanangkü ngei youngnyüpeih; ngelei mük kü mükphi yennyüpeih. Ngei nyiushem meihühen, ngei mongyanghühen üpayao neshiü; Ngelei hapeüthü lakkong nyüke; Mehenangkü vepathüi aoklangteke.

YOUNG LAI 1:2

Vangnyak kü pinnyüi shahyaki thepnyüke, pinnyülei omdhaong kü mükphi yennyüke. Pinnyülei nyanaü anüng üpaiyao pinnyü nyiushem meihühen neshiü. Pinnyülei mongkhen küphüthüi pinnyü yutük, peü pinnyülei ve leidaiteke.

JEREMIAH 15:8

Yungching bhihhiphang mao nyeishi ngei vaümnyü longi vamhühen. Heshotapa kü ngei thehilathülei nyüthü khüei jühen am müei peihen. Ngangahük kü ngei jom kü shanghah hatü nyemhihan koei peihen.

JEREMIAH 14:17

Nüngi hathü kü ha shah etuh: Nyakhingai thüngei nedoh-i ngelei mük kübü mükphi yenhütuh; Mehenangkü ngelei pai mü ngühpü nela ngelei nanglak nemei-i ma yahteke, hatü khih mü ngümtükteke.

JEREMIAH 13:17

Shejao nüngi ven nebangjema, nüng changmeipü nangkü ngelei laanghai joshi thephen. Ngei shahyaki thephen, hatü ngelei mük kü mükphi yenhen; mehenangkü Shembüpalei mithü wüpküpei deilangteke.

JEREMIAH 12:12

Bhih kahdok shangching koshoya peü kü vepathü peihen; Mehenangkü Shembüpalei yanlu-i hükao neyangi kahdok jung hük kübü jung hük thahshi hahtükhen.

JEREMIAH 9:10

Ngei kahshangthü nangkü thephen; mehenangkü üpaiyao nelongteihen mü lavüngtoiyei nyüke; halei mohoh vaüpü nedannyu; Ouhiyüh hatü yemhimak peü lüdaikemneshiü.

JEREMIAH 8:21

Ngelei nanglakthü ngümtükpü nangkü ngeiyao ngümtükteke. Ngei thep, hatü mongshangi ngei shonglangteke.

JEREMIAH 8:19

Bahiyang kempülei ngelei nanglakthü hapakei vaüpü eepü bangtuh: “Zionlei Shembüpa nenyupü je? Pinnyülei Ongpa neshiüpü je?” Shembüpa, jomei ongpai jangei, “Mehekei ammi lajei kü khümei, kung amei kahvangthü kü khümei ngei mongshihhüpa?” shei enyüke.

JEREMIAH 6:14

Jomi ngelei nanglakthülei makaw kü wongshi neshiüpükei deihshi shaphongnyüke; Meishi neshiüshiüi “meishi nyüke” shei enyüke.

JEREMIAH 4:20

Shanghah kü shanghah dheanei, kahmük kemei lavüngtoiyei leidaiteke. Ngangahük kü ngelei ashakshem; kanja mong aa kü ngei loishing bendaiteke.

JEREMIAH 4:11

Hahepak kü hapa nanglak hatü Jerusalem am kü hapakei ehen: Bhih kahdok shangchingthü leipü nyahpüshampü vanglük ngelei nanglakthü lemei lükteke; hapayü hahbhang shaptükhen nangkü nevai;

ISAIAH 32:11

Kheütuh, laophü kü monglemtü nyupüthü; nentuh, am mongnyangshi nyupü nelathü. Ashakviha nyiuktüktuh, hatü dhoila ashaki ngeihtuh.

ISAIAH 30:13

hapa mangü am shingvaishi longi shaopü bham bhaokei ngangahük kü laampükei nyukahen.

ISAIAH 22:12

“Shembüpa, Jeiyong Kahvangi hapa nyih am kü thephen younghen, hatü sho chaei kuptüktü dhoila ashak ümhen nyükteke.

ISAIAH 22:4

Hanangkü ngei eteke: “Ngei toueipü nyokei lüdaituh; ngei shahyaki thepshah. Ngelei nanglakthü mahdaipü kü ammi ngelei mong nyiushem meihühen tekhe.

KAHBHAO 21:16

Hapheikü pinnyüi lahhan kappü daiyei vüpü shing shük taishi daiyei uoteke; mehenangkü pinnyüi, “Ngelei hapeü dipü ngelei müki neveihahhüang” shei e. Pinnyü halei daiyei wongmü thep.

JOB SHAHSHA APPÜ 2:8

Hanangkü Jobi depla shangkü uotü dükbhaok noshi ma kü ngühteke.

JEREMIAH 9:1

Oh ngelei shangjing paoh yunglok vailangmeyü, ngelei mük kü paoh mükphi yunglok vailangmeyü, ngelei nanglakthü jütükpü nangkü nyakhingai thüngei ngei thephen vaipeih.

JEREMIAH 18:22

Mechem nüngi jom khüei ngangahük kü vepathü müei peihenshang, jomei shemthü kübü mahngeü danhütuh. Mehenangkü jomi ngei yephen kahsha shoteke, hatü ngelei la kü tai haenteke.

YOUNG LAI 3:16

Büpai ngelei dhe kü depla yah-ei jinphopeih; ngelei bha yaongphaang kü shaihüpeih.

JONAH 3:6

Mechem Nineveh ongpai hapa jung danpa, büpai büpalei ong uoshing kübü yaong, ong ow bhühtüktü büpa nyingi dhoila ashak ümtü kübhih kü uoteke.

JOB SHAHSHA APPÜ 15:21

Nyempühanpü ngeüi büpalei dhaong mahen; yangei nyüpeih shei deihshingkü gühpathülei lak kü büpa mahtükhen.

ISAIAH 3:24

Vongmei meli nangjei shie büpü, bhag-ai ashak nangjei vülep; shohiyang meipü jeiyei shangpaangpü; man-ow nangjei dhoila ashak; dhemeilaüma nangjei veü shuohhen.

JEREMIAH 30:5

Shembüpai hapakei enyüke: “Hami chingmeivangmei nevai, nyempühanpü ngeü dannyüke.