JEREMIAH 6:23 - DAÜLANGPÜ LAIHING (BSI)

²³ Jomi pülah hatü phung nonyüke, jomü mangshi hatü phahji neshiü, jomei ngeü-ü yungching ngeü keiha, jomi koyeithü kü uonyüke; hampa vehok kü daipükei ow temtü am khüei peikünyüke, Oh Zion nela!

JEREMIAH 6:23 Referans Kwoze

ISAIAH 13:18

Jomei lahhani nethethü jütükhen, jomi kahmong nyemha kü phahjiei nedeihhen, jomi hashihthü kü shinshangei neveihen.

JEREMIAH 50:42

Jomphongü pülah hatü phung notü, jomü phahji neshiü longi mangshi nyüke. Jom koyei kü uopeyü yungching yungmok ngeü keiha nyüke; Jomü am hahhen shingvaishi thepju kü peikünyüke, Oh Babylon nela.

JEREMIAH 30:14

Ammei mongkhen küphü peüi am betükteke; jomi am nang deihshi neshiü. Vepa hüki keiha ngei am kü üppeih, hatü nemeipü ami keiha am kü hanghi shuohpeih; mehenangkü am pungpü ahshi longshi, hatü ammei mang longi ahshi nyüke.

JEREMIAH 5:16

Jomei lahhanü apshi nyupü mahngchong kei nyüke; jom peü wong kohpü hampathü nyüke.

JEREMIAH 4:29

Koyei veshan hatü phung nopüthülei ngeü kü jilathü kemei nyaidainyüke; jom phaüyingei shüdaikemnyüke, yaongnyü kü bakei aongnyüke; jilathü kemei tuhphongteke, üpayao halei nenyu.

JEREMIAH 4:13

Veituh! Büpa phum kei peikünyüke, büpalei koyei khari alüngleple kei; büpalei koyeithü alang mao shülangpüba peikünyüke– onyükei, jenü mahdainyu khih!

ISAIAH 19:4

Ngei Ijip amü nemeipü ong hükei lak kü shuohtükhen, hatü longi mangpü ong hüki jom shak kü ong vaihühen” shei Shembüpa, Jeiyong Kahvangi enyüke.

SHAHKÜP 28:49

Shembüpai am khüei tailu leipü shah nenyingteipü jat hük alang laongpükei shomphahen.

ISAIAH 10:32

Shinnyih jom Nob chingei paümhen, jomi Zion nelalei kahshang kü, hatü Jerusalem kahshangei jomi laklok huhen.

ISAIAH 17:12

Oh nanglakthü mophicheüpü, jomü yungching yungmok keiha ngeü annyüke; Oh jatthüi vaüpü eepü– jomü yungnyümok ngeü keiha nyüke.

JEREMIAH 6:4

“Pinnyü khüei hokhen temtuh; Aongshah, hatü haümhah mü jom hahshah! Pheidainyu khih, hepak lüdainyüke; yanüng nyakyang lushi chongkahen.

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.

EZEKIEL 21:31

Ngelei mongshih ngei nüng kü khüphen, hatü ngelei mongshih awlom nüng kü bahhühen. Mahtükhen longi manpü amei lak kü ngei am laneishuohtükhen.

JEREMIAH 4:16

“Jom halei nyüke!” shei jatthü kü etuh; Shümei yahhen am tailu kahdok leipü peikünyüke shei Jerusalem kü baongeishuoh; jomü Judah chingnyüthü khüei lennyüke.

JEREMIAH 8:16

Danlei koyeithü hekpü ngeü dannyüke; koyei chebaongthü ngoiküpü danei kahdok kemei jennyüke. Jom peiyei kahdok hatü halei nyupü peü, chingnyü hatü halei nyupüthü lühtüknyüke.

JEREMIAH 25:32

Jeiyong Shembüpai hapakei enyüke: “Veituh, jat hük kübü hük shei shanghah yaüei daikünyüke.”

JEREMIAH 50:41

Veituh, apshaphi kahmük leipü veshan peikünyüke; Longpü jat hatü ongthü longi kahdok dohpü lemeipü vamei peikünyüke.