JEREMIAH 6:22 - DAÜLANGPÜ LAIHING (BSI)

²² Shembüpai hapakei enyüke: Veituh, apshaphi kahdok leipü shennyakthü peikünyüke; tailu kahdok leipü longpü jat hük layaongkünyüke.

JEREMIAH 6:22 Referans Kwoze

JEREMIAH 10:22

Bangtuh! Shahjang peikünyüke– Apshaphi kahdok leipü mophicheü longpü hük Judah kahdok lavüngtoiyei mahu nyuishing vaiyei tuhphonghen peikünyüke.

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.

JEREMIAH 6:1

Oh Benjamin nanglakthü! Jerusalem leipü yanglem yemei nyaidaituh! Tekoalei amit vüngtuh, Beth-Hakkeremlei nyangeihepü aw hük shuohtuh! Mehenangkü apshaphi leipü shanghah hük vamkünyüke, nyemshi mangtükhen hük peikünyüke.

JEREMIAH 5:15

Ngei am touei tailu leipü jat hük müei leikahen, Oh Israel am phang shei Shembüpai enyüke. Hapayü aivang mebü nyupü jat hük; ammi jomei shah nedan nevaijü jomi mehe enya ha ami nedanaokhen.

SHAHKÜP 28:49

Shembüpai am khüei tailu leipü shah nenyingteipü jat hük alang laongpükei shomphahen.

NEHEMIAH 1:9

shejao amphong mong lepei ngelei shahkung bangei hathü dükjema, amphong kahdoknyü junghijang peü lemei haishi nyujao ngei am thaiyei leiyei ngei kü khümhen jepü shingei tuhhen shei epü shah deih-ei dangnyüke.’

JEREMIAH 4:6

Zion lemei dailem hueishuoh, nepheidai-i yanglem yemei nyaidaituh, mehenangkü ngei apshaphi leipü shanghah, hatü benpülangpü koei peikünyeih.

JEREMIAH 13:20

Ngangei veituh, hatü apshaphi leipü peiküpüthü kü veituh. Nüng kü shuohpü nethe meipü mithü melei daipa?

JEREMIAH 47:2

Shembüpai hapakei enyüke: “Veituh, apsha philei yung longpü nyüke, hatü hapayü yungnyü büng keiha leikahen. Hapai kahdok hatü halei nyupü lemphü, jilathü hatü halei nyupüthü peü bhümlanghen. Nanglakthü vaüei eehen, hatü kahdok kü nyupüthü thepeiyounghen.

EZEKIEL 21:31

Ngelei mongshih ngei nüng kü khüphen, hatü ngelei mongshih awlom nüng kü bahhühen. Mahtükhen longi manpü amei lak kü ngei am laneishuohtükhen.

JEREMIAH 4:16

“Jom halei nyüke!” shei jatthü kü etuh; Shümei yahhen am tailu kahdok leipü peikünyüke shei Jerusalem kü baongeishuoh; jomü Judah chingnyüthü khüei lennyüke.

JEREMIAH 5:16

Jomei lahhanü apshi nyupü mahngchong kei nyüke; jom peü wong kohpü hampathü nyüke.

JEREMIAH 25:32

Jeiyong Shembüpai hapakei enyüke: “Veituh, jat hük kübü hük shei shanghah yaüei daikünyüke.”

JEREMIAH 30:5

Shembüpai hapakei enyüke: “Hami chingmeivangmei nevai, nyempühanpü ngeü dannyüke.

EZEKIEL 23:22

Hanangkü Oh Oholibah, Shembüpa Kahvangi hapakei enyüke: Ngei nüngi tengei tuhphongpü chühimaithü nüng khüei yaonghühen hatü ngei nüng khüei shing peü lemeipü hathü vamhühen.

HABAKKUK 1:6

Mehenangkü veituh, ngei ahshi-üng mangpü hatü iysham kohpü jat, Babylon am vamhühen; Jomi kahdoknyü bahiyang peülei daiyei mih-ei kahdok kaamlanghen.