JEREMIAH 6:19 - DAÜLANGPÜ LAIHING (BSI)

¹⁹ Bangtuh, Oh kahdoknyü; Veituh, ngei hapa nanglak kü shanghah koei peihen, hayü jomi linghahpü kü vampü betjük; mehenangkü jomi ngelei shah kü nehaka, hatü ngei nyuhpüvenpü kü nenyakneken, jomi ha yaktükteke.

JEREMIAH 6:19 Referans Kwoze

ISAIAH 1:2

Bangtuh, Oh vangshothü, dhaong shaangtuh, Oh kahdoknyü! Mehenangkü Shembüpai eteke: “Ngei hashihthü haümei laongteke, shejao jomphongi ngei khüei yaongteke.

PHONGSHANTHÜ DOU 8:22

Hanangkü nüngei mang kübü mong leptuh, hatü Shembüpa kü, aokjema, nüngei mongdangei deihpü mang nüng kü nyemtükphanüng phoptuh.

JEREMIAH 17:10

Shennyak hük kü büpai dükpü aimü, hatü büpalei doui shangpükei laklei shuohhen shingvaishi, Ngei, Shembüpai mongdang yemnyüpeih, hatü sholi doknyüpeih.

JEREMIAH 8:9

Shembüpalei shah yaktükpü nangkü nahpüthü veühühen; jom longi mongmanghen hatü tai kü manhen. Jomi ngelei shahthü yaktük, shaang jomi mehe kon dangpa?

JOHAN 12:48

Ngei yaktükpü hatü ngelei shah tüktükpü shingvaishi shahphenbü hük nyüke; dohpü nyih ngei epü shah-i büpa nyonghühen.

MIKA 6:2

Shembüpai thaüvaüpü kü bangtuh, Oh kahshangthü; hatü bangtuh am nedohnetenpü kahdoknyü chongnyiamthü. Mehenangkü Shembüpai laophülei nanglak khüei shahphenhen nyüke; Büpai Israel am khüei thaüvaü hük yah-ei peikünyüke.

HOSEA 10:13

Ammi mang shei, hatü mang-üng vetteke; ammi shahshem betjük hahteke. Ammi ammei wong kü monglempü, hatü ammei veshanthü kü hinglempü nangkü,

HOSEA 4:6

Kihikon taopü nangkü ngelei nanglakthü mahdainyüke; Mehenangkü ammi kihikon yaktükpü nangkü ngeiyao am ngelei ngongpa vaihen kübü yaktükpeih. Ammi ammei Kahvangei shahkung betükpü nangkü ngeiyao ammei hapeüthü betükhen.

JEREMIAH 22:29

Oh kahdok, kahdok, kahdok, Shembüpalei shah bangtuh!

JEREMIAH 6:10

Jomi danhen ngei üpa kü ehen, hatü shahvüng shuohhen? Veituh, jomei dhaong dhühlang, jomi nedanaoknyu. Jom kü Shembüpalei shah-ü nyipüwapü dou keiha leidai; jomi ha kü mongong neshiü.

JEREMIAH 19:15

“Jeiyong Shembüpa, Israel Kahvangi hapakei enyüke: Bangtuh! Ngei jom khüei epü shanghah vongshüh peü hapa chingnyü hatü ha kü shonpü chingthü touei koei peihen, mehenangkü jom ngaümvang haüei ngei epü ngelei shahthü nebang” shei eteke.

ISAIAH 66:18

Shembüpai enyüke: “Ngei jomei douthü hatü jomi deihpü nyingnyeih, hatü ngei jatthü hatü shahlem laolao epüthü peü thaihen peihen, hatü jom peü peiyei ngelei müknyinshekhang eehen.

ISAIAH 59:7

Jomei la nemeipü lemei moknyüke, hatü mang neshiüpü kü iy-aongmakohühen moknyüke; Jomei mongdeih kemei ten mon nyüke; Jomei lemü bentükhen hatü tentükhen kü mon dainyüke.

KANDOK 28:9

Üpai shahkungnyü kü dhaong neshaangnya, büpai phoppeyü jiühitbenüng.

KANDOK 15:26

Shembüpai nemeipü küpjanthü kü jiühitnyeih, shah meipü kü büpai mongongnyeih.

1 SAMUEL 15:26

“Ngei nüng mü neleiküpih. Nüngi Shembüpalei shah yaktükpü nangkü SHEMBÜPAiyao nüng Israel amei ong vaihen yaktükteke” shei Samueli e.

1 SAMUEL 15:23

Venle peyü phongyomthiphepü mang mü maanpü nevai, hatü changmei peyü lajei kü khümpü mang lepeih. Mehenangkü nüngi Shembüpalei shah yaktük, hanangkü büpaiyao nüng ong hean kübü yaktükteke”.

SHAHKÜP 32:1

Bangtuh, Oh vangshothü hatü ngei ephüshah; Bangtuh, Oh kahdok, ngelei ju kübü shahthü kü.

SHAHKÜP 30:19

Shinnyih ngei vangsho hatü kahdok kü am nangkü denpü vaihen nyüknyeih; ngei am touei yangnyuyem hatü dipü, moihiman hatü thaüvaü tuhphünyeih. Am hatü ammei hapeüthü yemmü nyuhen shingvaishi yangnyuyem jetuh,

SHAHKÜP 4:26

ammi Jordan yungyen homei yahpü kahdok leipü amphong lomi mahdaihen shei shinnyih ngei kahdok vangsho kü am khüei denpü vaihen nyüknyüpeih. Amphong halei luangi nenyuhen shejao hingmei mü mahdaihen.

JEREMIAH 4:4

Shembüpa touei am shuw japtüktuh, ammei mongdang kübü shuw japtüktuh, Oh Judah nanglak hatü Jerusalemei nyupüthü, hei nevaijema ammi dükpü mang nangkü, ngelei mongshih aw kei vamhen, hatü ha üpaiyao nemetaokhen.”

JEREMIAH 4:14

Oh Jerusalem, am yanghen shingvaishi ammei mongdang leipü mang daütüktuh. Meshük lushi ammei mongei küpjan ten nyuiyei tuhhenang?

JEREMIAH 6:18

Hanangkü bangtuh, Oh jatthü, hatü jom kü mehe vamkahen ha nyingtuh, Oh denbüthü.

JEREMIAH 11:11

Hanangkü Shembüpai hapakei enyüke: Ngei jom neyangaokhen mü shanghah hük shuohhen. Jomi ngei kü nyükjao ngei jom kü nebanghen.

JEREMIAH 15:6

Ami ngei yaktükpeih” shei Shembüpai enyüke. Ammi mang thah-ei mon nyunyüke. Hanangkü ngei am kü lak shihhen hatü mahtükhen; Ngei hajük kü neshinshangpih.

JEREMIAH 19:3

Nüngi hathü kü, ‘Shembüpalei shah bangtuh, Oh Judah ongthü hatü Jerusalemei nyupüthü. Jeiyong Shembüpa, Israel Kahvangi hapakei enyüke’ shei etuh: Hapa jung danpü peüi dhaongvang kü nyahhen mü ngei hapa shing kü shanghah koei peihen.

JEREMIAH 29:19

mehenangkü jomi ngelei shah nebang, shei Shembüpai enyüke; ngei chongphopü thibüthü homei jom kü nedoh-i epü ngelei shah nebang” shei Shembüpai enyüke.

JEREMIAH 49:37

Ngei Elam am jomei vepathü, hatü jom jühen yempüthü kü nyemhühen; ngei jom kü ngei nemei-i mongshihpai shanghah koei peihen shei Shembüpai enyüke. Jom mangkem thahshi ngei yanlu notü jom kü changhen.

AMOS 2:4

Shembüpai hapakei enyüke: Judah amei mang jem nangkü, hatü ali shingvaishi ngei hanghi neyahlangpih; Mehenangkü jomi Shembüpalei shahkung yaktük, hatü büpalei shahkungnyüthü nedük. Shejao jomei chebü chepa am keiha aihük shahshem kahvangi jom peü lemnyong kü mülangteke.

MIKA 1:2

Bangtuh, Oh jatli nanglakthü peü, Bangtuh, Oh am kahdok shak kü nyupüthü peü, Jeiyong Shembüpai am khüei denpü shuohhen, Shembüpai büpalei daülangpü moila shem kübü enyüke.

ISAIAH 5:24

Hanangkü yei kübü vampü awlomi hahtang hahtükpükei, hatü awlom touei thüngvan hemdaipükei jomei tünglang shedaihen, hatü jomei chübong bhihla keiha piyei lüdaihen. Mehenangkü jomi Jeiyong Shembüpalei shahkungnyüthü yakphong, hatü Israel amei Daülangpü Hükei shah yaktük.

JEREMIAH 4:16

“Jom halei nyüke!” shei jatthü kü etuh; Shümei yahhen am tailu kahdok leipü peikünyüke shei Jerusalem kü baongeishuoh; jomü Judah chingnyüthü khüei lennyüke.

JEREMIAH 8:5

Shejema düngei vaishi mehekei hapa nanglakthü ngaümpheilei leidainya? Jomü lueilempü kü wongshongi shongshi nyüke, jom nyokei leihen nemongnyu.

JEREMIAH 21:14

Ammi dükhahpü betjük aimü ngei am kü hanghi shuohhen shei Shembüpai enyüke. Ngei ammei phaüthü kü awi haphen, hatü ha kü shonpü lemphü hahtükkemhen.

DANIEL 9:11

Israel am peüi nüngei shahkungnyü kü pungteke, hatü nüngei shah nebanghahhüei lemnyong kü lüdai. Hami nüng khüei mang thahpü nangkü nüng chongphopü Mosa homei shuohpü shahkungnyü kü nyangei nyupü thaüvaü kemei ham kü hetteke.